AES, MT 205, 11/6

aesmt20500110000
Võrumaa — Põlva
Keem, Hella
1937

Metadata

COL: Hella Keem
ID: AES, MT 205, 11/6
INF_NIMI: Ann Rammo
LOC: Põlva khk., Koiola v., Adiste k.
TMP: 1937

     1  Tulli ma üles hummogulla,
     2  Tulli ma üles hummogulla,
     3  Varra inne valgõ'õta.
     4  Mõsi suu suie pää,
     5  Känge ma ala aujala',
     6  Pääle ma liidi lemmeseere'.
     7  Lindsi ma lehmä nüssemälle,
     8  Kargsi ma karja saadõmallõ.
     9  Pühe ma tarõ, pühe moro,
pag. 12
     11  Pühe ma tarõ, pühe moro,
     12  Pühe ma kua kolmipäädi,
     13  Tarõ mina tahest nelipäädi.
     14  Saadi mina kar´a kalmuteele,
     15  Liigutõlli liivateele.
     16  Kuuli ma kao kuukuvata,
     17  Laanõlinnu laulõvata.
     18  Mõtli ma imä hõikuvata,
     19  Armu üles ajavata.
     20  Es inäp hõigu' imäkene,
     21  Aja inäp üles armukõnõ.
     22  Too jo kuuke kaokõnõ,
     23  Laulõ jo laanõlinnukõnõ.
     24  Kaksi ma üles kalmukaanõ,
     25  Liigutõlli liivakaanõ.
     26  "Tulõ no üles, imäkene,
     27  Astu no üles, armukõnõ!"
     28  Imä jo havvast vasta ütel:
     29  "Tüterenni, helläkene,
     30  Ei või' mina inäp minnä',
     31  Ei või' kalmust inäp karata',
pag. 13
     33  Mul jo man um maa haisu,
     34  Kässi man mul kääpä haisu,
     35  Suu man mul surma haisu,
     36  Hammõn jo havva haisu."
     37  Tulõ' iks üles, imäkene,
     38  Astu' üles, armukõnõ!
     39  Mina tii sullõ kolmõ lipõ',
     40  Üte tii lipõ linnuhkista,
     41  Tõsõ tii makõ maasikista,
     42  Kolmanda tii kurõmar´ost,
     43  Mõsõ sul manta maa haisu,
     44  Kässi mant sul kääpä haisu,
     45  Suu mant sul surma haisu,
     46  Haammõst sul havva haisu."
     47  "Ei või' minnä, tütär hellä,
     48  Ei või' kalmust inäp karata',
     49  Mul jo kolmi hoitijata,
     50  Tooni mul tütär pähütsennä,
     51  Tooni mul poiga jalotsinna,
     52  Kenä Tooni keske'ellä,
     53  Vana Tooni vaihõlla.
pag. 14
     55  Mine' iks kodo, kulla tütär,
     56  Mine' iks majja, mar´akõnõ,
     57  Olõ sa kipõ kesä päällä,
     58  Olõ sa nopõ nurmõ päällä,
     59  Väle olõ võõra välä päällä,
     60  Tekkev tõsõ põllu päällä,
     61  Mingu sa nuias nurmõ pääle,
     62  Vääsäs võõra välä pääle,
     63  Tõlvas mingu tõsõ põllu pääle,
     64  Kül' sõs hääs kutsutassa,
     65  Ausa'as arvatassa,
     66  Kui tulõva pühidekese'."
     67  Astus armas ajokõnõ.
     68  Muu' läävä' aita päädimähe.
     69  Muil umma' kirstu kirivämbä',
     70  All kaanõ kaunimba'.
     71  Kohes lää mina vaenõ,
     72  Kohes astu mina armõtu?
     73  Mino kirstuh kivi kolisi',
     74  All kaanõ kannu mürisi'.
pag. 15
     76  Muu' läävä kerikohe,
     77  Mina lää mõtsa ikkõmahe.
     78  Küüsü puulta puuttita,
     79  Haavalehilt hammita,
     80  Lepälehilt linikita,
     81  Kõivolehilt kõrikita,
     82  Paijult küüsü pallapuuli,
     83  Kadajalta kaalarätti,
     84  Uibult küüsü ummi hammit,
     85  Pihlõlt peeni nõnarätte,
     86  Sarapuulta salfrätte,
     87  Kuusõlt küüsü kuldavüüdä.
     88  Olli mina viie vele sõsar,
     89  Kuvvõ vele kukukõnõ,
     90  Nüüd jäi mina ütsi ütessästä,
     91  Kala-jäi-marja katõssasta.
     92  Imä mul kuuli väiko'onna,
     93  Kanja kattõ kanasõnna,
     94  Jätt mino maha mar´a suuru,
     95  Söödü pääle sõmõra suuru,
     96  Kualäve korukõsõs,
pag. 16
     98  Aidaläve arvolises,
     99  Tarõläve tasakõsõs,
     100  Peräpingi piukõsõs.
     101  Lätsi mina kua lävele,
     102  Es olõ' kotta kutsijata.
     103  Tulli mina tarõ lävele,
     104  Es olõ' tarrõ tõstijata.
     105  Astõ mina aida lävele,
     106  Es olõ' aidast andijata.
     107  Säält ma no ikulõ isosi,
     108  Säält ma nõssi nõrõillõ.
     109  Kos ma iste, sääl ma iki,
     110  Kos ma saasi, saana hämssi,
     111  Kos ma nõssi, sääl ma nõrõti,
     112  Sinnä' tekkü tiigikene,
     113  Kaldu kalajärvekene,
     114  Saie uno hobõstõ ojota',
     115  Vele varso vallatada',
     116  Perenaisõ perre mõskõ',
     117  Näidsikidõ nartsa mõskõ'.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 262, 148/51 (56) 23 %
H, Mapp 614 (15) 21 %
AES, MT 205, 32/3 19 %
E 44411/3 (2) 16 %
H, Põlva M, 12/3 (4) 16 %
H III 10, 265/6 (3) 15 %
EKS 27, 3/4 (4) 14 %
H III 16, 593/4 (7) 12 %
H II 45, 266/7 (9) 12 %
H III 16, 585/6 (1) 12 %
EÜS IX 1494/5 (85) 12 %
H, Põlva 1, 172/4 (92) 11 %
H II 32, 45/6 (37) 11 %
EKmS 8° 3, 201/4 (8) 11 %
H, Põlva 1, 77/9 (39) 11 %
EKmS 8° 3, 471/2 (6) 11 %
AES, MT 40, 14/6 (18) 10 %
H II 44, 346/7 (4) 10 %
AES, MT 44, 2 10 %
EÜS VII 1041/2 (92) 10 %
H II 44, 219/21 (3) 10 %
H III 9, 865/7 (16) 10 %

Contains poems

ERA II 35, 212 (3)   60 %
ERA II 36, 73 (9)   57 %
E, StK 22, 74 (2)   56 %