E 60043/8

e000600430000
Setumaa
Tiganik, J.
1927

Types

Töölaulud
└ Karjaselaulud
 └ Karjaselaul - AJUTINE
Karjaselaul

Metadata

COL: J. Tiganik
ID: E 60043/8
INF_NIMI: Luige Irö
LLIIK_YHT: Töölaulud (Karjaselaulud)
LOC: Setu, Petseri, Kolovina
TMP: 1927
TYP: Karjaselaul
TYP_YHT: Karjaselaul - AJUTINE

     1  Neiokõnõ, noorõkõnõ,
     2  Noorõkõnõ iks nõrgakõnõ,
     3  Kui ma iks kabo karjah käve,
     4  Neio veeri vitsa all,
     5  Tul´l iks üles hummongul,
     6  Varra väiko valgõga.
     7  Kängä iks ala au jala',
     8  Pääle pikä päävä jala',
     9  Minga iks karja kalduda,
     10  Vitsa ala viirduda.
     11  Ai iks karä kavvõndõhõ,
pag. 60044
     13  Ai marä muile maile,
     14  Koh iks olõ iiä olnu,
     15  Kuu päivä kohki käünü,
     16  Kenä kerigu kesäle,
     17  Lubja valge vaolõ.
     18  Sääl iks olõ-õs muud puud,
     19  Muud lehte liikvat,
     20  Toome lehe' toome lilli'
     21  Toome hellädse häärme',
     22  Toome ossa' kui ubina,
     23  Toome lehe kui linige;
     24  Sinnä ai karä süümä,
     25  Ai marä maitsma.
     26  Esi iks naksi man laulma,
     27  Vitsa man veeretämä;
     28  "Sa iks mu kul´lä karakõnõ,
     29  Maidsa iks mu velle maräkõnõ,
     30  Pellä kui iks süveneni,
     31  Süvenen iks juvõneni,
     32  Süü iks kõtt kui kõdõ'i täüs,
     33  Süü iks magu kui mari,
     34  Küll iks jala' kodo veevä,
pag. 60045
     36  Küll iks sõra' kodo sõudva',
     37  Muial-õi sõs murole,
     38  Vele vahva vanijale."
     39  Oh iks ma noori neiokõnõ,
     40  Oh kassin kar'üsõkõnõ,
     41  Esi iks kaitsi, esi kahitsi,
     42  Mulla pääl iks murõhti:
     43  Oh iks ull mu imme,
     44  Meeleldä meeli maarja,
     45  Pand iks mu karja kasinast,
     46  Vitsa võtma veikõst,
     47  Mõtõl iks mu karäh kasuvat,
     48  Vitsa all vinüvät.
     49  Ega'ks ma kasu karämaal,
     50  Ega'ks ma vinü vitsa man.
     51  Inäp ike ma kaku karä man,
     52  Vidähtü iks vitsa man.
     53  Neio iks kasvi uman koton,
     54  Vint iks uma vel´õ tarõn.
     55  Neiokõnõ iks noorõkõnõ,
     56  Kassin iks karälatsõkõnõ,
     57  Esi iks na lauli, esi murõhti,
pag. 60046
     59  Esi iks ma kaidsi, ei kahitsi.
     60  Oh iks kuri karä elu,
     61  Oh mõrõ mõtsa elo!
     62  Kuri om karäh kasumine,
     63  Mõrõ iks mõtsah olõmine,
     64  Tah-õi iks karä kodo aia,
     65  Vele iks kirja keeletäle.
     66  Kodo all tuudu toome vitsa'
     67  Kodo iks saadu saare ladva',
     68  Karista, karista,
     69  Hoia latsi opata.
     70  Kui saad iks varra, sõs vantas,
     71  Saad iks piä, sõs pessetäs.
     72  Neiokõnõ, noorõkõnõ,
     73  Noorõkõnõ, nõrgakõnõ,
     74  Esi iks lauli karä man,
     75  Vitsa iks man veereteli:
     76  Ku olnu ese alale,
     77  Kasvataja katõla käele,
     78  Ese'ks kappo karja pandnu's,
     79  Neiot iks viirmä vitsa ala.
     80  Ese iks mu kuuli kohe pandnu,
pag. 60047
     82  Võõru sõnna võtma,
     83  Istma'ks saksa lavva taadõ,
     84  Kaubameeste kamberõhõ,
     85  Jõvva'ks ma ohtu murõhta,
     86  Jõvva'ks ma kaihho kannata,
     87  Mille'ks ese är' kuuli,
     88  Kasvataja kalmu läts.
     89  Oht iks vei är' uhkõ sõna',
     90  Paha sõna' vei parõmba',
     91  Olo-ks laulnu viie võrra,
     92  Kuvvõ võrra kulätanu.
     93  Neiokõnõ noorõkõnõ,
     94  Kassin karä latsõkõnõ,
     95  Päävän näi jo päävä madala,
     96  Kuusõladva korkõsõ,
     97  Tammõladva tasakõsõ.
     98  Ai iks kodo uma karä,
     99  Vele kirä keeräteli.
     100  Ai iks kodo laulõ
     101  Laulõ iks laskõ.
     102  Ega'ks ma tummah lää-'s,
     103  Vitsa mant vihaline;
pag. 60048
     105  Kodo iks lätsi kulätõh,
     106  Vele tarrõ veeräti.
     107  Ega'ks ma imme ike taas,
     108  Umma kandjat panõ'õs kahitsõma,
     109  Et om kuri karä elo,
     110  Et om mõro mõtsa elo.
     111  Ma iks imele kõnõli,
     112  Ma iks maamalõ manitsi:
     113  Et om iks kallis karäelo,
     114  Om iks veerel vitsaelo.
     115  Ku hakka'ks ma laanõlõ laulma,
     116  Kulmu veereh kulätama,
     117  Läh iks mul laul ladusahe,
     118  Karäilo ilosahe.
     119  Kui iks vasta kuiva kuusõ,
     120  Laula'õi ladvalda pedäjä',
     121  Ku kaks vasta kumm tsirgu',
     122  Laulva laanõlinnukõsõ.