Pulmakomõh. |
||||
|
Tšura nii pruut mõlõmba tulõva1 (mõlõba) umitsega kerko mano, sääl kink pruut oma süame tšuralõ, tšura kink pruudilõ ilosä lillikõsõ, mida pruut käeh oit. Sõõ rikimbil uma pruudilõ "hannakandja" nii lääva edimalt edekerkohe. Sääl loetas ja viiäs taadõ "tõrdu" mano. Sääl lugõ papp mõnõ tükü mida sai hästi arvo - tä lugõ võõral keelel. Peräh and koslanõ ja pruut hüä käe ja võtva papi hannast kinni ja kääva ümbre "tõrdu" kolh kõrd: papp kõgõ iih, sõs nuurpaar, ja takah ristämm ja ristese. Perämätse säetas kõ jälh umilõ kotsilõ tagasi, kon' ristämm ja ese pää pääl nuurpaaril hoitva kruuni. Peräh küstäs nuurpaaril lõpo vastus. Kostva mõlõmba "jah" nii sõs musotasõ. Kui kerkost ärh lääva sõs kaetas, kes vasta tulõ. Kui tulõ sant vasta, sõs üldäs, et olõs aasta saa väga kehv ja tulõ pal´lo sõnaütelust. Naase aetas hot viimätseni iist ärh, sest naase tähendäai hääd. A ku vasta tulõ naanõ sõs saava väega latsõ kiusaja. Tuud tahtva egä üts, et tulõsi vasta nuurmiis. Kõ inemise ütlese, et sõõ um õnnõ kõgõh tüüh ja toimetusõh. |
||||
| Pruut ja peigmiis läävä üte hobõsõ pääle. Edimält mindäs pruudi kodo. Sääl oldas, ni pallo aigu ku kiägi jõud pitäh. Pruut korjas kõ uma kraami kokko üte suurtõ kasti. Tuud kasti kutstas "sajakastist". Peiopoisi läävä sinna kasti mano. Ette rongõlõ lääva peigmiis ja pruut, sõs tulõ "vaka" hopõn' ja tõõsõ pulmalisõ. Ku umma rahvas va sajalise väega puroh, sõs naadas võiki ajama. Värejete mano tetase ilosa ilostusõ. Säält lastai inne läbi, ku andas old' ja viina. Peigmiis pidä hine man pulmalisi ku pal´lo jõud ja tingä lupasõ. Pulmah kulatasõ rahvas suvõ aol kõlksõh ja hullasõ. Muudoki noorõmba. Vana' lesätäse tarõh lesengal ja mõnõ puroh paaba laulva sood, pesseh katõ kepiga kitasnikka: | ||||
| 6 | "Kats sõsart kargas, kargas, | |||
| 7 | Mõlõmba mõistva, mõistva, | |||
| 8 | Katõ helme kaalah, kaalah, | |||
| 9 | Suur sõlg rinnah, rinnah, | |||
| 10 | Poolõ saapa jalah, jalah." | |||
| Kia pidä pulmalisi kats päiva, sõs kolmandast pääväst jääva viil lähkost suglasõ nii üldä, "perä pütäle". Perä pütal umma koslasõ suglasõ ütsindä kuuh. Nelända pääva sõs jo jääse raho majja ja nakasõ eläma, ku maama ja tääda inne. | ||||
|
1
(mõlõba) | ||||
The similar poems were computed automatically using an optimized weighted alignment algorithm (Janicki, 2022) on sequences of verses.
| ERA II 286, 392 (11) | 69 % |
|
| ERA II 175, 479 (5) | 52 % |
|
| ERA II 178, 633/4 (9) | 46 % |
|
| ERA II 103, 455/6 (2) | 38 % |
|
| ERA II 204, 123 (4) | 37 % |
|
| ARS 2, 250 (18) | 30 % |
|