EKmS 4° 4, 162/67 (34)

ekms40401620034
Võrumaa — Räpina
Kotli, Joh.
1877

Metadata

COL: Joh. Kotli
ID: EKmS 4° 4, 162/67 (34)
INF_NIMI: Liiso Kotli
LOC: Räpina khk., Veriora v.
ZANR: kombekirjeldus/regilaul
TMP: 1877

Märdisandi laul
     2  Kaemi kaemi märtisanti
     3  Kas om meid siia oodet
     4  Selle talole tahetu;
     5  Kas om põrmand puhtas pühit
     6  Kas om luits luigakene.
     7  Märdi tulli kavvelt maalt
     8  Läbi suu, läbi ligeda,
     9  Ümbre ilma ümmarguse
     10  Ümbre kuu kõvera.
     11  Tähe leiva täringit
pag. 163
     13  Kuu kullapisarit.
     14  Laske sisse märtisanti.
     15  Perepoiga peenikene
     16  Peretütar piigakene
     17  Lase Märti lämmähe
     18  Pisokese piistelema.
     19  Võta pirdu parsita
     20  Võta pindu pingi külest
     21  Kui ole pindi pingi külen
     22  Sis võta ruugu rästast.
     23  Puhu tuli kuke suust
     24  Lõõdsu linnu lõvva alt.
Kui sisseminek om lubatu, sis kannap märdisante esa kõik oma latse, kes hennast koolus pandes lume pääl lameva, ütstõise perrä sisse ja paneb neid niisama koolus olemises põrmandu pääle maha. Perän sedä, kui kiik sisse omma kannetu, nakkap esa ommi latsi ello ajama, ta panep oma pikä nuia ühele koolu latsele perse mano, puhup hõngo ta sisse, kohe nakap koolu kässi ja jalgo liigutama ja kargap kärmast üles. Niida tetas kõigide kõrdamööda. Om see sündinu, sis andas egale ütele amet; esä õppep mõnele meie-essät ja imä laulap aho otsal, pakla langategemise tarvis näpo vahel:
     27  Mina ketra siidi
     28  Vala vaskilango
     29  Mino poja proogeta
     30  Kar´älatse kaadsota
     31  Esi ihoalaste
     32  Miis pal´äs paku pääl
     33  Tit tirrrr puts virrrr.
pag. 165 Esä õpep meie-essät: Meie esä, mina nüssa taiva esa tassi sisse etc.
     36  Üts om iks üts
     37  Kats silmä kassi pääh
     38  Kolm jalga kliimipotil
     39  Nelli nissa lehmi udarah
     40  Viis varrast suka seereh1
ehk Viis sõrme mihe peos
     41  Kuus
     42  Säidse tähte taiva sõglan.
     43  Kattessa karnapst.
Seda peap egaüts märdisandi poig perrä ütlema, ent kes koerastiku peräst seda ei tii, saap nuiaga üle kühma.
Esä:
     48  Märdi küüdse külmetäse
     49  Märdi varva valutase.
     50  Märdi tulli kavvelt maalt
     51  Läbi suu läbi ligeda.
     52  Suuh samble sabisi
     53  Suuh tõrge tõrvaskannu.
     54  Läbi pikä pilliruu
     55  Läbi kahre kastehaina.
     56  Pilliruugu pisti silmä
     57  Kastehain kääni kaala,
     58  Lõikhaina lõik sõrme
     59  Peremees peretäkene
     60  Perenaine jämedäkene
     61  Kui sii taaritõrikene.
     62  Perepoiga peenikene,
     63  Kui sii piitsavarrekene.
     64  Peretütär priskikene
     65  Imä tütär ellakene
pag. 166 Teretämine.
Isa viskap viljä ja ütlep:
     70  Hääd odrad kaunid kaerad
     71  Rukkid veel paljo parembad.
     72  Tere piru', tere parre'
     73  Tere ahi ammusuu
     74  Tere usse uibodse
     75  Usse sagara saaritse
     76  Usse kungsi kuslapuidse.
     77  Tere latse laja' mao'.
     78  Tule Liiso, nõsta linki
     79  Tule Anne, ava ussi.
     80  Peremees peredäkene
     81  Võta võti vajalta!
     82  Kapsi alla kelderede
     83  Tuu kinki külmast kolgast
     84  Kampsi liha kamberest.
     85  Siin oll eelä härjä tapet
     86  Toona toodu orikut.
     87  Märdi jago paika pantu,
     88  Märdi osa hoietu.
     89  Massa ärä Märdi vaiva
     90  Jalatalla tandsimine
     91  Jalakundsa kopsimine.
     92  Märdi tulnu kavelt maalt
     93  Koh ne puidse pulli sarve
     94  Hõbõ'õtse õhva sarve,
     95  Vasidse vasiga sarve.
     96  Koh ne kure kulda seiva,
pag. 167
     98  Kure kulda, kana karda
     99  Hani elavat hõbe'et.
Kui midagi antu om, sis lauldas:
     102  Saaku sulle sada lammast
     103  Tuhat tutupääkeist.
     104  Sullutäüs suuri tsiko
     105  Põhutäüs põrsit.
     106  Üts mõtsa minema,
     107  Ütessä kodo tulema.
Peremehele:
     110  Kuu sulle kuh´a loogu,
     111  Päiv sulle päävidagu,
     112  Ago sulle harva teku.
Kui midagi ei anda, sis lauldas:
     115  Kea mi laulu laidenessa
     116  Hääli ärä põlganessa:
     117  Selle saagu savitse latse
     118  Tulgu tuhakarvalise.
     119  Susi söögu suuri tsiko
     120  Põhutäüt põssit.
     121  Ütessä mõtsa minema
     122  Üts kodo tulema.
     123  Sõra üles, sarve alla
     124  Kaal kate kannu vahele.
Jumalaga jätmine.
     127  Jummal jäägu mi jälile
     128  Maarja astku asemõle,
ehk
     131  Juudas jäägu mi jälile
     132  Saadan astku asemile. -
1 ehk Viis sõrme mihe peos

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H III 11, 534/6 (4) 14 %
ERA II 63, 521/3 (5) 11 %

Contains poems

E 8° IX 36 (111)   78 %
ERA II 186, 326 (2)   77 %
ERA II 162, 590 (15)   75 %
H II 36, 140 (167)   62 %
EÜS I 219 (18a)   61 %
EÜS IV 145 (140)   61 %
H III 11, 733 (2)   60 %
H, R 6, 420   59 %
ERA II 26, 105/7 (20)   59 %
ERA II 35, 564 (6)   58 %
ERA II 78, 375 (5)   58 %
ERA II 10, 587 (1)   56 %
ERA II 115, 162/3 (8)   54 %
ERA II 26, 113 (6)   53 %
H II 32, 627 (82)   52 %