EKmS 8° 4, 125/31 (17)

ekms80401250017
Võrumaa — Räpina
Jagomann, Jakob
1877

Types

Lüroeepilised laulud
└ Laulud sõjast
 └ Venna sõjalugu
Lunastav vend
Venna sõjalugu

Metadata

COL: Jakob Jagomann
ID: EKmS 8° 4, 125/31 (17)
INF_NIMI: Liisa Samoilow
LLIIK_YHT: _ ; Lüroeepilised laulud (Laulud sõjast)
LOC: Räpina khk., Kõnnu k.
TMP: 1877
TYP: Lunastav vend + Venna sõjalugu
TYP_YHT: _ + Venna sõjalugu

     1  Velo mul sõtta sõkuti
     2  Väe pääle väänati
     3  Ega mi tohi tulõlõ tulla,
     4  Saia sau lämmähe.
     5  Pelgse iks tulõlõ tuugatavat
     6  Kire sisse kistovat,
     7  Olõ mul veljä tulõla,
     8  Saesa last saula,
     9  Velekene noorekene
     10  Kõgõ nakkas veneh veerümähe
     11  Parvõ veerest pakõmahe
     12  Siis sai iks ma kodo kotsile
     13  Ummõ sai oja otsalõ
     14  Venelane sa peä venehe
     15  Poolakõnõ peä purjo,
     16  Sakslanõ saisa pakoh
     17  Lase iks kaia kodo poolõ
     18  Heitä silmi hellä poolõ
     19  Kedä näe kotoh kõndivada
     20  Liiva pääl liikuvada
     21  Esä näi ma kotoh kõndvada
     22  Liiva pääl näie liikuvada,
pag. 126
     24  Esäkene helläkene,
     25  Mino kulla sa meelimar´akõno
     26  Sina lunasta minno sõasta
     27  Sõa seitseme sisesta,
     28  Vaan´u viie vaihe'elda
     29  Koolu kuvve keskelda,
     30  Minkas mina sinno lunasta
     31  Esäkene hellakene
     32  Kolm om sul hobest kotohna
     33  Üts anna mino eest
     34  Tõnõ anna tõlgulõ
     35  Kolmas jääs sino jaost
     36  Egä jõvva esä lunasta
     37  Minno sõasta välja pästä
     38  Veneh nakas jäl' veerümä
     39  Parvõ veerest pakõma
     40  Siis saie ta jäl' koto kotsile
     41  Umme sai aja otsale
     42  Venelane peä veneh,
     43  Poolakõnõ peä purjo
     44  Sõdalane saisa laiva,
pag. 127
     46  Lasõ kaia kodo poolõ
     47  Heida silmi hellä poolõ
     48  Kedä näe kotoh kõndvat
     49  Liiva pääl liikuvat
     50  Ime näi kotoh kõndvat
     51  Liiva pääl liikuvat
     52  Imäkene helläkene
     53  Mino sa kulla meeli mesilane
     54  Lunasta sa poig sõasta
     55  Sõa säitsme sisesta
     56  Vaan´u viie vaihe'elda
     57  Koolu kuvve keske'elda
     58  Pojakene hellakene
     59  Minkas ma sinno lunasta
     60  Kolm om sul lehmi laudahna
     61  Üts sa anna mino iist
     62  Tõõne anna tõlkijale
     63  Kolmas jälke jäänenes
     64  Imäkene hellakene
     65  Ega jõvva sa minno lunasta
     66  Jälke nakkas vene veerümähe
     67  Parvõ veerest pakõmahe
     68  Jälke sai kodo kotsile
pag. 128
     70  Ume aie otsele
     71  Umme vete veerale
     72  Venelane peä veneh
     73  Poolakõnõ peä purjo
     74  Sõdalane saas´a laiva
     75  Lase iks kaia kodo poole
     76  Heida silmi hellä poole
     77  Keda näi iks kodoh kõndvat
     78  Liiva pääl liikuvat
     79  Velo näi kodoh kõntvat
     80  Liiva pääl liikuvat
     81  Velekene sina helläkene
     82  Mino meelimar´äkene
     83  Sina lunasta veli sõasta
     84  Sõa säitsme sisesta
     85  Vanu viie vaihelda
     86  Koolu sina kuvve seest
     87  Velekene helläkene
     88  Minkas ma sinno lunasta
     89  Kolm om sul aida kotohna
     90  Üts sa anna mino eest
     91  Tõõnõ anna tõlkijale
     92  Kolmas jälke jäänenes
pag. 129
     94  Velekene hellakakene
     95  Ega jõvva ma sinno lunasta
     96  Jälke nakkas veneh veerumahe
     97  Parvi veerest pakõmahe
     98  Siis saie kodo kotsile
     99  Ume saie ta aja otsale
     100  Ume sai ta vete veerele
     101  Venelane peä veneh
     102  Poolakõne peä purjo
     103  Sõdalane saisa laiva
     104  Lasõ iks kaia kodo poole
     105  Heitä silmi hella poole
     106  Velekene hellakene
     107  Kedä näi kodoh kõndvat
     108  Liiva päälä liikuvata
     109  Sõsareni arme'eni
     110  Mino meelimar´akõne
     111  Lunasta veli sõasta
     112  Sõa säitsme sisesta
     113  Vaan´u viie vaihe'elda
     114  Koolu kuvve keske'elda
     115  Velekene hellakene
     116  Minkas ma sinno lunasta
pag. 130
     118  Kolm om sul hõbõsõrmusid
     119  Üts anna mino eesta
     120  Tõine anna tõlkijale
     121  Kolmas jäl' jääse sinole
     122  Velekene hellakene
     123  Mino meelimar´akõno
     124  Oppõ iks mullõ sõa ohto
     125  Kaiba mulle sõa kahjo
     126  Velekene helläkene
     127  Mino meelimar´äkõnõ
     128  Oppes iks mullõ sõa ohto
     129  Kaivas mullõ sõa kahjo
     130  Sõsarõni armeani
     131  Mino meelimar´akonõ
     132  Tii sa lipõ liivakohe
     133  Lämmi vesi länikohe
     134  Mõsõ mul mõõga veresta
     135  Püssüravva rostõest
     136  Siis tei ma lipõ liivakohe
     137  Lämmä vii lännikohe
pag. 131
     139  Siis mõsi ma mõõga veresta
     140  Püssüravva rostest
     141  Sõsarakõn armakene
     142  Ole ei sõah naane armas
     143  Naane armas kaasa kallis
     144  Sõah iks armas raudarist
     145  Sõah kallis haljas mõõk.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H, Jagomann 713/9 (50) 23 %
EKmS 8° 4, 386/93 (9) 18 %
H, Jagomann 363/8 (10) 17 %
H, Jagomann 175/80 (41) 16 %
H, Põlva M, 18/9 (8) 15 %
H II 3, 22/5 (12) 15 %
H II 45, 272/5 (14) 14 %
H II 4, 203/9 (85) 14 %
H II 4, 141/7 (58) 14 %
E, StK 32, 50/1 (32) 13 %
H, Põlva 2, 21/2 (24) 12 %
E 8382 12 %
H II 30, 119/21 (9) 11 %
H II 30, 46/7 (15) 11 %
H II 62, 687/90, 719 (53) 11 %
H II 32, 976/80 (7) 11 %
E 17625/7 (14) 10 %
H II 3, 25/8 (13) 10 %
H I 6, 198/201 (10) 10 %
Veske 6, 222/39 (38) 10 %

Contains poems

EÜS I 803 (97)   72 %