ERA II 151, 295/300 (1)

era215102950001
Setumaa
Luiga, Nikolai
1937

Types

Lüroeepilised laulud
└ Laulud argielust
 └ Härjad murtud
Härjad murtud

Metadata

COL: Nikolai Luiga, Pankjavitsa eesti algk. õpil.
ID: ERA II 151, 295/300 (1)
INF_NIMI: Ekaterina Luiga
LLIIK_YHT: Lüroeepilised laulud (Laulud argielust)
LOC: Setumaa, Vilo v., Ugavere k.
TMP: 1937
TYP: Härjad murtud
TYP_YHT: Härjad murtud

     1  Jummal sundku suuri säksu
     2  näkku näläesandit,
     3  aie külmäl kündemähe
     4  hallal atra kandõmahe,
     5  härä ette härmätedi
     6  piitska peio lumitedi,
     7  teie tulõ toomistuhe
     8  sau saarõ veere pääle,
     9  käve kässi peesütämä
     10  sõrmõkuntõ kostutama,
     11  tulle susi suurõst mõtsast
     12  kahru vällä kadastikust,
     13  veie härä ta mõlõmba
     14  katsi ütekarvalist.
     15  Näio läts kodo kurvalinõ
pag. 296
     17  pallö meelepahalinõ,
     18  kurvah tä õks seie kurvah jeie
     19  kurvah jumala kumardi
     20  kia näi õks kurva meele
     21  näie pallö pahameele,
     22  ime näie õks kurva meele
     23  näie pallö pahameele,
     24  ime küündü õks küüsümähe
     25  ime nõssi nõudõmahe,
     26  tütär sa hellä linnukõnõ
     27  mino kallis kanakõnõ,
     28  mille tull kodo kurvalinõ
     29  pallö meelepahalinõ,
     30  Jummal näid sunku suuri säksu
     31  näkku näläesändid,
     32  kia ai külmäl kündemähe
     33  hallal atra kandõmahe,
     34  härgä mul ette härmätedi
     35  piitska peio lumitõdi,
pag. 297
     37  Teie ma tulõ toomistuhe
     38  sau saarõ veere pääle,
     39  käve ma kässi peesüteh
     40  sõrmõkuntõ kostutõh.
     41  Tulle susi suurõst mõtsast
     42  kahru vällä kadastikust,
     43  veie härä tä mõlõmba
     44  katsi ütekarvalist,
     45  ime siis lausi meelestäni
     46  lausi meelepoolõstani,
     47  murõhtagu-i mu tüteri
     48  mino-ks kana kahitsagu-i,
     49  ooda õks päivä kae kats,
     50  lasõ õks meil Karäs kandma
     51  lasõ Poolõ puja tuu,
     52  saava õks härä mõlõmba
     53  kats ütekarvalist,
     54  lääde õks kündmä lämmäl
     55  pant ette palaval,
pag. 298
     57  Oodi õks päävä kai kats
     58  ärä õks sis Karäs kandma sai
     59  arä Poolö puja tõi,
     60  saie õks härä nä mõlõmba
     61  kats ütekarvalist,
     62  joudsõ õks ta härä häälitsella
     63  ja kats üles kasvatõlla,
     64  Näio läts õks kündmä lämmäga
     65  pand ette palavaga,
     66  arä õks nä parmalõ pagõsi
     67  läts käest kärpsil,
     68  Näio tull õks kodo kurvalinõ
     69  pallö meelepahalinõ,
     70  kurvah jal seie kurvah jeie
     71  kurvah jumala pallõl,
     72  kia jal näie kurva meele
     73  näie pallö pahalinõ,
     74  ime jal näie kurva meele,
     75  näie pallö pahameele,
pag. 299
     77  Tütär jal hellä linnukõnõ
     78  mino kallis kanakõnõ,
     79  mille õks tull kodo kurvalinõ
     80  pallö meelepahalinõ,
     81  Näio nakas õks ikul kõnõlõma
     82  lausi sõna lainil,
     83  lätsi õks ma lämmäl kündemähe
     84  panni ette palaval,
     85  härä õks mul parmalõ pagõsi
     86  lätsi käest kärpsil,
     87  ime õks kuuli vasta kostõ
     88  arä lausi meelestäni,
     89  tütär ja hellä linnukõnõ
     90  minõ kallis kanakõnõ,
     91  arä õks ma kae kanasõni
     92  arä näe tüterini,
     93  sa-e õks sust karä kasvataija
     94  sa-e härä häälitseija,
     95  saa õks sust karä kaotaja
pag. 300
     97  saa härä häötäjä,
     98  sullõ õks ma karasõ kasvadi
     99  sullõ härä häälidsi,
     100  sa kasvi karä kaotaja
     101  kasvi härä häötäjä.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 262, 80/2 (2) 18 %
H, Põlva 1, 155/7 (82) 15 %
H II 3, 68/9 (57) 14 %
EKmS 8° 4, 199/201 (9) 14 %
H, Jagomann 79/82 (41) 12 %
H, Jagomann 721/2 (53) 11 %
EKmS 8° 4, 475/8 (38) 11 %
E 18426/7 (3) 10 %
EKmS 8° 3, 357/9 (6) 10 %