ERA II 151, 365/9 (3)

era215103650003
Setumaa
Rohtla, Ilmar, Petseri gümn. õpil.
1937

Metadata

COL: Ilmar Rohtla, Petseri ühisgümn. õpil.
ID: ERA II 151, 365/9 (3)
INF_ELUL: 62 a.
INF_NIMI: Tatjana Meremägi
LLIIK: Pulmalaulud
LOC: Setumaa, Satserinna v., Vedernika k. < Pokolduva k.
TMP: 1937

     1  Kae õks kae meelestäni,
     2  kae meele poolõstani:
     3  Oh mi õks näiokõist,
     4  mi meelimar´akõist,
     5  tulõ' õks vällä tundma,
pag. 366
     7  saa vällä santma;
     8  kas olõ õks su umadsõ',
     9  olõ, kabo, kallis hõim?
     10  Tiiä-äs õks mi tii takah tulla',
     11  mõista-as jälgi järeh aia',
     12  Oh mi õks imekeist,
     13  tull´ õks tä üles hummongulla,
     14  varra inne valgõt.
     15  Näiot läts õks üles ajama,
     16  kapo üles kallutama.
     17  Lövvä-äs õks inäp näiot asõmõl,
     18  lövvä-äs kapo katimõl1
[postelil]
.
     19  Otsõ õks siss hulga huunit,
     20  otsõ kõrra kõlgusit.
     21  Kai õks aita mäele,
     22  pääle aida pääl´kohe.
     23  Oh mi õks imekeist,
     24  mesimarja maamakõist!
     25  Kohki' õks lövvä-äs umma näiot,
     26  lövvä-äs kallist kabokõist.
pag. 367
     28  Panni õks kesvi kindahe,
     29  panni kaaru kapudahe.
     30  Kutsi õks siss tipu terri mano,
     31  kutsi kanna kaaru mano.
     32  Tulõ-õs õks tipu terri mano,
     33  tulõ-õs kana kaaru mano.
     34  Imekene õks helläkene,
     35  kandjakõnõ kallikõnõ,
     36  mesimarja maamakõnõ
     37  ütel õks umalõ hõimulõ,
     38  sugulasilõ õks suurilõ:
     39  "Pangõ' õks ette hobõsõ',
     40  pangõ' virga' vehmerilõ!
     41  Läke mi õks umma otsmahe,
     42  umma kallist kaemahe."
     43  Tiiä-äi' mi õks tiid takah minnä',
     44  mõista-i' jalgsi järeh aia'.
     45  Tulli mi õks tuu tii pääle,
     46  ar´a tuu maa pääle,
     47  kost õks oll´ tuud mi näio,
pag. 368
     49  kannõt mi kabokõnõ.
     50  Puudõ' jäänü' puhmõ pääle,
     51  Langas´ mõtsa latvu pääle.
     52  Säält õks oll´ tuud mi näio,
     53  kannõt mi kabokõnõ.
     54  Siiä' tulli mi õks puudõt pite,
     55  siiä' lasi langast pite.
     56  Selle õks mõistsõ siiä' tulla',
     57  s´oolõ targalõ talolõ,
     58  ilosalõ elämisõlõ.
     59  Tulõ' õks vällä tundma,
     60  saa vällä santma!
     61  Olõ õks kyik su umadsõ',
     62  olõ, kabo, kallis hõim.
     63  Siist mõtli mi õks müüdä minnä',
     64  kalli' mi müüdä kalduda'.
     65  Vasta tulli' õks linalinige',
     66  vali' vasta valgõ' pää'.
     67  Näio olõ-i' õks inäp umah näoh,
     68  hellä umah hiusõh.
pag. 369
     70  Vallus´ om õks veri vaeld,
     71  illos hius hiitünü'.
     72  Oh mi õks näiokõist,
     73  mi meelimar´akõist,
     74  murõhtagu-i' õks midägi',
     75  partsi olgu-i ' õks pahanu':
     76  Olõ-i' õks sa ilmah edimäne,
     77  Jää-äi' perrä perämätsest.
1 [postelil]