ERA II 154, 680/1 (88)

era215406800088
Setumaa
Tammeorg, Anna
1937

Types

Koolja itk (emale, teisel hommikul)

Metadata

COL: Anna Tammeorg
ID: ERA II 154, 680/1 (88)
LOC: Setumaa, Vilo v., Labõritsa k.
TMP: 1937
TYP: Koolja itk (emale, teisel hommikul)

Kuuljavärki ikminõ tõõsõ hummogu
     2  Maamakõnõ mu kukumaamakõnõ
     3  Maamakõnõ mu melimar´äkõnõ
     4  Tõõnõ tulli no hummogukõnõ
     5  Armas astõ ao veerekene
     6  Üü otsa mii üleväh olli
     7  Virve viil mi vanõbat valvsi'
     8  Eelä olli no tuu üükene
     9  Kui-ks olli sa hingehiitmisõl
     10  Maamakõnõ mu kukumaamakõnõ
     11  Maamakõnõ mu melimar´äkõnõ
     12  Kui viil sa haarti haigõst
     13  Tõmmati viil tõbitsõst
     14  Tuu olli sul juttu edimäne
     15  Tuu olli sul kõnõ kõkõ inne
     16  Õt koolõ ma ilma kuulmalda
     17  Hinge hiidä ilma nägemäldä
     18  No annaks teno jumalalõ
     19  Au maalõ Marijalõ
pag. 681
     21  Õkka koolõ-õs sa ilma kuulmalda
     22  Hinge hiidä-äs ilma nägemäldä
     23  Kõik õks olli sinno koolõtamah
     24  Hellä hinge sul vällä minemisõl
     25  Kulla kuuli sa kulladsõl aol
     26  Hinge hiidi sa hellädsel aol
     27  Võe-ks ommõ ta rassõ kuulminõ
     28  Vallus hinge om vällä mineminõ
     29  Mitte saa-i midägi tetä'
     30  Kullakõnõ kohegi minnä'
     31  Seö ommõ Jessu iskminõ
     32  Seö ommõ Looja luuminõ
     33  Maamakõnõ mu kuku maamakõnõ
     34  Maamakõnõ mu melimar´äkõnõ
     35  Iäst tulõ meil no eräle minnä
     36  Kaugusta kattõ päähä
     37  Noo-ks viil sa kallut kaalmihe
     38  No viil sa liigut liivakuhe
     39  Kandu sullõ sääl jääs küle alla
     40  Kivi kirstu kaasõ pääle.
oma luuletatud

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 154, 676/8 (86) 16 %
ERA II 154, 691/3 (90) 12 %
ERA II 154, 506/8 (5) 12 %
H II 4, 518 (208) 12 %
ERA II 175, 751/2 (2) 10 %
H II 4, 51/2 (14) 10 %

Contains poems

EÜS X 916 (144)   58 %