ERA II 163, 327/36 (79)

era216303270079
Setumaa
Ress, Nikolai
1937

Metadata

COL: Nikolai Ress
ID: ERA II 163, 327/36 (79)
INF_NIMI: Matrona Raudla
LLIIK: Pulmalaulud
LOC: Setumaa, Järvesuu v., Väike-Rõsna k. < Veelna k.
TMP: 1937

     1  Kaemõ õks sinno kabokõist,
pag. 328
     3  Ja näeme sinno neiokõist.
     4  Olõ-i õks neio kui innene.
     5  Olõ-i õks tullõi kui toonanõ.
     6  Inne õks kävet kui neiokõnõ,
     7  Kaldot siiä kui kabokõnõ,
     8  Inne tulit õks sa ilotõh,
     9  Noori neio naartõh.
     10  Tulli õks seo pääväkene,
     11  Astõ seo aokõnõ,
     12  Kuna sa õks neio siiä tulit,
     13  Kabo siiä kaldot.
     14  Tulõ-s õks toomõhäelmil,
     15  Liidä-s lillirõivil,
     16  Kaldot kar´ä kängitsel.
     17  Tulit õks neio ikuline,
     18  Kullakõnõ kurvaline
     19  Küünü õks sinolt küüsümä.
     20  Nõsõ sinolt nõudma.
     21  Mille õks ikõt neiokõnõ
     22  Kabokõnõ kahitsõl
pag. 331
     24  Saa-i õks kas umma tahetõt,
     25  Astu-i kas umma armatõt?
     26  Kas õks sis sinno ese and,
     27  Ese and ime pand?
     28  Mille-ks eis nakset minemä,
     29  Kabokõnõ kalluma?
     30  Määne õks sul tuli pääle tull,
     31  Pallav pääle paistsõ?
     32  Sedä õks kas pelgö pelkset
     33  Seda murõht murõhtel,
     34  Küläh õks ka poisast puudes,
     35  Vallah vävväst1
(väimees)
 vähänes?
     36  Tuu oll õks pelgo peenikene,
     37  Murõh väiga väikene.
     38  Esi õks olit näküs neiokõnõ
     39  Olit veerüs vele sõsar
     40  Olno õks kotoh üte suvõ,
     41  Kinä üte keväjä.
     42  Tulno õks sis kodo kuvvõ kos´ä,
     43  Viie viina velise.
pag. 332
     45  Väsünö õks sis värehtetulba,
     46  Ussõsamba ramõhõnu,
     47  Kos´ä õks uhjo hoitõh
     48  Kos´ä kaplo kandõh
     49  Tulno õks sis mõnõ mõisniku
     50  Kuningapoja kosino
     51  Saanu õks paiko parembet,
     52  Kotuset korgõppe.
     53  Oi õks ulli noori neio,
     54  Rutto rumale kasuno.
     55  Läpü uuta, läpü olla,
     56  Kabokõsõ kannahtõda.
     57  Mõtli õks mehe mesivadsa,
     58  Mõtli poisi mesipudru.
     59  Ooda, ooda õks neiokõnõ,
     60  Lasõ õks kaet kabokõnõ,
     61  Lasõ õks näet mehe ello,
     62  Lasõ kaet kasa ello,
     63  Küll õks lövvät mehe ikõtavat,
     64  Kulla õks lövvät kurvastavat
pag. 333
     66  Kui õks ollit neiokõnõ,
     67  Kui kasvet kabokõnõ.
     68  Lätsidõ õdago magama,
     69  Kui astõt asõmõllõ,
     70  Pilli lauli pähütseh,
     71  Kannõl katmõ veere ale.
     72  Kui saat üla ello,
     73  Saat kos´a kasumiste.
     74  Läät õks kui õdago magama,
     75  Asudõ asõmõlõ,
     76  Noid om õks miihe veidökõsõ
     77  Noid kasa kasinahe,
     78  Kiä veese üsäga magama.
     79  Ümbre kaala katmõhe.
     80  Inäp tulõ õks tuud elädeh,
     81  ja kallu ette kasudõh:
     82  Piidsa õks laulva pähitseh.
     83  Kabla katmõ veere all.
     84  Tahat õks minnä neiokõnõ,
     85  Pakko minnä pardsikõnõ.
pag. 334
     87  Saa-i õks minnä neiokõnõ,
     88  Kabokõnõ kaldoda.
     89  Vastu õks pessi ülä piidsa
     90  Vastu kaidsi ülä kabla.
     91  Kui õks ollit neiokõnõ,
     92  Kasvet kotoh kabokõnõ
     93  Kinni köüdäs õks ime köüdsa,
     94  Vasta kaidsas kandja kabla.
     95  Kuulõ õks sa kulla neiokõnõ,
     96  Mõista meelimar´äkõnõ.
     97  Kullus õks om umah kotoh,
     98  Veerüs ummih veliseh.
     99  Sünnu-i õks iäst ese kodo,
     100  Viimätsest velisehe.
     101  Üldäs õks vanast valla kir´öh,
     102  Ilma kir´öh elöhönuh:
     103  Minnä õks minnä neiokõsõl,
     104  Kabokõsõl kaldoda.
     105  Tuum õks häitses tunni pääle,
     106  Uiboh uma ao pääle.
pag. 335
     108  Nii õks noorõ neiokõsõ,
     109  Kasina kabokõsõ,
     110  Sedä õks ütel sino imä,
     111  Sino maama manitsõlli,
     112  Selle õks naksi ma neiot andma,
     113  Kabokõist kallutama.
     114  Ime õks kui latsõ ilma tõi,
     115  Maama tõi tütre maa pääle.
     116  Ime õks sis kõivo istudõ,
     117  Maama pand vahtra maa pääle.
     118  Kui õks naa kos´ä kodo tulli.
     119  Tulli viina velisehe
     120  Ime läts õks sis mõtsa otsmahe.
     121  Varikohe vaatama.
     122  Kõiv oll õks suurõst kasuno
     123  Ja vaher suurõst vaono.
     124  Kõiv oll õks suurõst kasuno
     125  Ja vaher suurõst vaono
     126  Kõiv olno õks kui karivitsakõnõ
     127  Vaher vüüvarbakõnõ.
pag. 336
     129  Sis olno õks neio noorõkõnõ
     130  Kabo kar´üsõkõnõ.
     131  Kõivo olli õks kui lehe kuiono,
     132  Vahtralehe valõhonu.
     133  Selle naate õks neiot andma,
     134  Naate kabot kallutama.
     135  Minnä õks minnä mi sõsar,
     136  Kabokõsõl kalloda.
Pulmakommete kirjeldus koos lauludega lk 288/385.
1 (väimees)