H I 6, 110/3 (16)

h10601100016
Võrumaa — Vastseliina
Fluss, Karl (Carl)
1895

Types

Lüroeepilised laulud
└ Laulud sõjast
 └ Venna sõjalugu
Sõja laul

Metadata

COL: Karl Fluss
ID: H I 6, 110/3 (16)
LLIIK_YHT: Lüroeepilised laulud (Laulud sõjast)
LOC: Vastseliina khk.
TMP: 1895
TYP: Sõja laul
TYP_YHT: Venna sõjalugu

Sõsaril iks sõtta minnä
     2  Lõivo linnas lõunest
     3  Pääsko päävä nõsengust
     4  Panni kirjä paeja pääle
     5  Lasi kirä lavva pääle
     6  Keä läts kirjä tundemahe
     7  Raamatuda ragomaie
     8  Sõsar läts kirjä tundemahe
     9  Kelles kõrda sõtta minnä
     10  Sõsaril iks sõtta minnä
     11  Velitsil om kodo jäiä
     12  Sõsar läts aita ehtimaie
     13  Päälikohe päätimaie
     14  Ai' iks sälgä hüä hamme
     15  Pääle iks keere kitasniku
     16  Saie iks sõsar ehtitus
     17  Velle iks küündü küsümä
     18  Sõsar sa iks hellä linnukene
     19  Matal meelimarjakene
     20  Kas sul om iks pääd pää rako
     21  Julgu tõise vere juvva
     22  Kas om süänd sisse süütä
     23  Velekene iks noorekene
     24  Ole-ei mul iks pääd pää rako
     25  Ole-ei julgu järgi joosta
     26  Lõivo linnas lõunest
     27  Pääsko pääva nõsengust
     28  Sõast iks sõnume tuvvase
     29  Vaanu katsa kannetasse
     30  Velle läts iks kirjä tundemahe
     31  Raamatuda ragomaie
     32  Sõsarilla iks kodo jäiä,
     33  Velitsil iks sõtta minnä
     34  Sõsar kudi suuri kindehit
     35  Inämb iks oll man ikmisi
     36  Viie võrra silmavett
     37  Kui iks kinda silmehit
     38  Imä ummel iks utsu hameht
pag. 111
     40  Inämb iks oll sääl man ikmisi
     41  Viie võrra silmävett
     42  Kui tuu hamme langehit
     43  Esä suge suurta ruuna
     44  Inämb iks oll sääl man ikemist
     45  Kui suure ruuna sugimit
     46  Vele voolits vehmerit
     47  Inämb iks oll sääl man ikmisi
     48  Kui vehmre voolimit
     49  Naas sis vel´lo veerümähe
     50  Sulane sui hopen
     51  Palgaline pane ette
     52  Käskijalga käänä saani
     53  Or´aline otsi ohja
     54  Käskijalga kääni saani
     55  Or´aline otse uhja
     56  Sulane suge hobese
     57  Palgaline panni ette
     58  Imä iste vele veere poole
     59  Sõsar lask sõrmi nõale
     60  Sõsar iks küündü küsümä
     61  Kuna iks ma sinno kodo ooda
     62  Kodo ooda tarre taha
     63  Sõsar iks sa hellä linnukene,
     64  Kui sa iks Toonist tule tuud,
     65  Kui sa kalmust vii kannat
     66  Kui sa iks kivist niitse kisud
     67  Ja ka paiust villa püäd
     68  Kui iks vares valges lätt
     69  Kaarnas luiga karvalises
     70  Saa iks oea usse alla
     71  Läte tare läve ala
     72  Kasus iks tamme tare ette
     73  Kae sa iks mere perä ala
     74  Kui om iks mereh meeste veri
     75  Sis sa iks minno uutu-ui kodo
     76  Kodo uutu-ui tare tahtku-ui
     77  Sõsar hellä linnukene
     78  Ärä iks tä Toonist tule tõi
     79  Ärä iks tä kalmust vii kanni
     80  Ärä iks kivist niitse kisi
     81  Ärä iks paiust villa pöie
     82  Ärä iks tuu vares valges läts
     83  Kaarnas luiga karvalitses
     84  Sai iks tammi tare ette
     85  Saie oea usse ala
     86  Läte tare läve ala
     87  Sõsar kai mere perä ala
     88  Ole-es mereh meeste veri
     89  Sis vel´lo ai hobese morole
     90  Ai paadi paea ala
     91  Keä läts iks usse tundemahe
     92  Esä läts iks usse tundemahe
     93  Ega iks esä poiga tunne-es,
     94  Aig om iks jäänü ammutses
     95  Tunni iks jäänü toonatses
     96  Tunne-es esä hobesest
     97  Märgi-es ruuna ruukemist
     98  Keä läts usse tundemahe
     99  Imä läts iks usse tundemahe
     100  Sai tarre saatmata
     101  Ega imä poiga tunne-es
     102  Tunne es umast hammestki
     103  Keä läts usse tundemahe
     104  Vele läts iks usse tundemahe
     105  Tunne es vele vehmerist
     106  Keä läts usse tundemahe
     107  Sõsar läts usse tundemahe
     108  Sõsar tundse sõrmikindehist
     109  Märkäs kinda langehist
pag. 112
     111  Tule iks sa maaha mar´a vele
     112  Saada saabas morole
     113  Vele lausi meelestani
     114  Milles on sul iks moro muane,
     115  Tare edine tahmated,
     116  Edi om iks sõitnu sul saea suuri
     117  Või umma kaasige karanu
     118  Sõsar lausi meelestani
     119  Velekene noorekene
     120  Imä latsi hellakene
     121  Ega sõida-es saea suuri
     122  Ega karga-es kaasige
     123  Seo iks sõidi sõda suuri
     124  Siist veerü Venne vägi
     125  Tule iks sa maale mar´a vele
     126  Inne lää-ei ma maaha sõsarekene
     127  Maaha iks sa linik laoda
     128  Maaha kata kalli poole,
     129  Sõsar iks linige laodi
     130  Maale kati kalli poole
     131  Vele iks lausi meelestani
     132  Sõrme umma iks mul suitsihe sulanu;
     133  Käe päitsihe päävätedü
     134  Ja jala iks jäänü jalusihe
     135  Tulli maaha mar´a vele
     136  Sõsar lätsi tarre tallitama
     137  Panni ta piima peesümä
     138  Lihaleeme löügümä,
     139  Käevarre käänütellä
     140  Sõrmekundi sulatella
     141  Velle sis tarre tagasi
     142  Tare lävele lähüsi
     143  Panni iks piitsa pingi pääle
     144  Lasi kinda lavva pääle
     145  Panti velle süümähe
     146  Seie velle jõie velle,
     147  Sõsar iste sõrmi nõale
     148  Sõsar iks küündü küsümä
     149  Kas oli iks sõah vannu mehi
     150  Kas kini1
kinni
 keskmäitsi
     151  Nii om iks sõah vannu mehi
     152  Kui suuh mättid
     153  Ja raba suuh rampit
     154  Kas om iks sõah noori mehi
     155  Nii om sõah noori mehi
     156  Kui kuusikuh koodivarsi
     157  Nii om iks sõah keskmäitsi
     158  Kui var'koh rihavarsi
     159  Kas om iks sõah naine armas
     160  Naine armas kabu kallis
     161  Kui jõvvat iks püssä pühki
     162  Ja mõistad mõõka mõska
     163  Sis om sõah naine armas,
     164  Naine armas kabu kallis
     165  Sõah om iks mõõka armas
     166  Ja om kallis kaalarauda
     167  Sõsar küündu iks küsümä
     168  Kas iks sõah asend säetäs
     169  Oh! sõsar, sa hellä linnukene,
     170  Lämmi ase om läve all
     171  Pehme ase pingi all,
     172  Mis iks sõah söögis anti
     173  Koa sis joogis kanneti
     174  Süüdü iks söögis anti
     175  Ja vitsu joogis kanti
     176  Võeh ma mar´a velekene
     177  Anda-es lämmind leevakeistki
     178  Murda-es piirak palakeistki
pag. 113
     180  Kui kämmel läts kähärde ala
     181  Tu oll lämmi leeväkene
     182  Kui kulak kukrohe sai
     183  Tu oll piirak palakene
     184  Seie vele jõie vele
     185  Vele mul iks haarti haiges jääma
     186  Vele iks mul tõpe tõmmati
     187  Miä iks tetä kohe minnä
     188  Astu mul iks alla arbijalle
     189  Vai tulla mul tundijalle
     190  Aste ma iks ar alla arbijalle
     191  Ar ma iks tulli tundja mano
     192  Arbja iks ubatest oest arvelli
     193  Tundja plaane seäskelli
     194  Arbja ütel: "ei sa api"
     195  Tundja ütel: "ära kooles"
     196  Mis no tetä kohe minnä
     197  Hõiksi iks appi Jumalat
     198  Manitsi pühhä Marijad
     199  Esi lausi meelestani
     200  Lausi meele poolestani
     201  Ega Jummal ka kuule-ei
     202  Kui umma huult ole-ei
     203  Tõie iks suust ma suure soka
     204  Minka haiget halada
     205  Sõsar lausi meelestani
     206  Miä ma iks anna arbijalle
     207  Kua tõuka tundijalle
     208  Pütü tuld tõise tõrva
     209  Kolmandagi kuumi hütsi
     210  Aste iks abi Jumalast
     211  Tulli tugi Maarijast
     212  Seo ma laulu lõpetuh
     213  Tõse armas alostelle
1 kinni

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

Veske 6, 299/311 (45) 17 %
E, StK 22, 61/7 (36) 17 %
H II 32, 227/8 (3) 14 %
H I 6, 189/190 (3) 13 %
ERA II 103, 388/97 (40) 12 %
Veske 4, 259/74 (154) 10 %
Veske 6, 321/35 (48) 10 %
H II 4, 325/8 (138) 10 %
E, StK 33, 140/9 (8) 10 %

Contains poems

Leoke 4, 355   56 %
EÜS I 803 (97)   52 %