H I 6, 227/9 (1)

h10602270001
Setumaa
Sandra, Jaan
1894

Types

Tige mees

Metadata

COL: Jaan Sandra
ID: H I 6, 227/9 (1)
LOC: Setu
TMP: 1894
TYP: Tige mees

Lää ma marja muide mano.
     2  Tulli üles hommongulta,
     3  Varra inne valge'etta,
     4  Mia tüü edimane,
     5  Kua hooli hommongulta:
     6  Käpe jala kängmine,
     7  Sorre suu mõskmine.
     8  Känge ala au jala,
     9  Pääle pika päävä jala,
     10  Lätsi usse kaema,
     11  Usse tsõõrile murole,
     12  Mis ma näie murola,
     13  Mia ma vahe vainula:
     14  Muu lätsi iks marjamaale,
     15  Üle mulla mustikehe,
     16  Linukide lepistohe,
     17  Vavvarnide varikohe,
     18  Palokide palo pääle.
     19  Tulli ma tarre tagasi,
     20  Tare lävele lähesi,
     21  Ütli umale velele,
     22  Imekanale kõneli:
     23  Velekene, helläkene,
     24  Koa mulle kuldakorvikene,
     25  Vaski marjavakakene,
     26  Sis lää ma marja muido mano,
     27  Tammetõhva tõiste mano.
     28  Veli kullel sõsare sõnna,
     29  Kullel uma opuse,
     30  Kudi kuldakorvikese,
     31  Vaski marjavakakese,
     32  Lätsi ma marja muide mano,
     33  Tammetõhva tõiste mano,
     34  Korsi korvi kuhäga,
     35  Marävaka veeretasa,
     36  Naksi kodo tulema,
     37  Velitsile veerümä,
     38  Tike tul´l mano tee pääl
     39  Pakan mano palo pääl,
     40  Vali maale marävakka,
     41  Maräkorvi kummuteli,
     42  Ma sis veidü är vihasi,
     43  Raasa pallo pahasi,
     44  Tulli kodo kurvaline,
     45  Muro pääle mureline,
     46  Paja ala pahaline,
     47  Ütli säält umale velele
     48  Imekanale kõneli:
     49  Velekene, helläkene,
     50  Hüäkene, kallikene,
     51  Koi sa mulle kuldakorvi,
     52  Vaski marävakakese,
     53  Lätsi ma marja muide mano,
     54  Tammetõhva tõiste mano,
     55  Korsi korvi kuhäga,
     56  Marävaka veeretasa,
     57  Naksi kodo tulema,
     58  Velitsile veerümä,
     59  Tike tul´l tee pääl mano,
     60  Pakan vasta palo pääl,
     61  Vali maale marävaka
     62  Kuldakorvi kummuteli.
     63  Oma veli, hüa veli,
     64  Hüä veli, helläkene,
     65  Tee keele tee pääle
     66  Pane palmigu palo pääle,
     67  Küll sis tike jääs teie keeli
     68  Pakan palo palmikohe.
     69  Velekene, hellakene,
     70  Kullel kalli sõsare sõnna,
     71  Kullel uma opuse,
     72  Tekk keele tee pääle
     73  Pand palmiku palo pääle.
     74  Oodi ma päävä, oodi tõõse
     75  Oodi kõrra kolmatat
     76  Natukese nelatat,
     77  Veidikese viietat,
     78  Lätsi tiket tee keeli kaema,
     79  Paganat palmikohe,
pag. 228
     81  Tike ol´l iks tee keelih,
     82  Pakan palo palmikuh.
     83  Sis ma kodo joosteh joosi
     84  Joosteh joosi, jaloh käve,
     85  Kavvest jo velele kõneli
     86  Ussest jo tarre tänidi:
     87  Velekene, kallikene,
     88  Võta sa püssa pütu päälta,
     89  Taba taarivaka päälta,
     90  Tule tarest välla tulitselt,
     91  Käü välla käbehelt,
     92  Tike om iks teie keelih,
     93  Pakan palo palmikuh.
     94  Sis mii iks veerde velega võiki
     95  Joosi sõiteh sõsarega,
     96  Ole-es tike teie keelih,
     97  Ole-es pakan palmikuh,
     98  Mino silma iks minno peti,
     99  Nägemine minno naard,
     100  Tedir ol´l iks teie keelih,
     101  Parts palo palmikuh.
     102  Võti iks tedre teie keelist,
     103  Võti pardsi palmikust,
     104  Vei kodo kullakese,
     105  Vei majja maräkese.
     106  Veli sis ütel sõsarele:
     107  Sõsarenni, armuhenni,
     108  Mia mii iks tii tedre luist
     109  Mia pardsi pudsajist?
     110  Teeme sängu tedre luist,
     111  Padja pardsi pudsajist.
     112  Sõsar iks ütel velele,
     113  lmekanale kõneli:
     114  Oh sa ulli noori veli,
     115  Taiuta talopoig,
     116  Teku-ei sängu tedre luist,
     117  Patju pardsi pudsajist,
     118  Tee sa loodsik tedre luist,
     119  Parv pardsi pudsajist,
     120  Läät sis pühal püüdema,
     121  Kallil aol kalale,
     122  Püvvät sis kallu kullatsid,
     123  Hõbehõtsi hõrnakeisi.
     124  Veli kullel sõsare sõnna,
     125  Kullel uma oppuse.
     126  Tek´k loodsiku tedreluist,
     127  Parve pardsi pudsajist,
     128  Läts pühäl püüdemä,
     129  Kallil aol kalale,
     130  Sõsar küündu küsümä,
     131  Sõsar nõssi nõudema:
     132  Kunas ma sinno kodo ooda,
     133  Kodo ooda, tarre taha;
     134  Veli sis ütel sõsarele,
     135  Küsüjale kõneli:
     136  Ooda täämba, ooda hommen,
     137  Ooda üle hommelidse,
     138  Oodi ma täämba, oodi hommen,
     139  Oodi üle hommelidse,
     140  Ega veli iks kodo tule-es,
     141  Imekana kodo kallu-es,
     142  Lätsi velle otsimahe,
     143  Imekanna kaemahe,
     144  Lätsi oja otsa pääle,
     145  Lätsi vee veere pääle,
     146  Veli ol´l sällulde vesilah,
     147  Käe lajah lainilah,
     148  Sõsar naas nuteh nuutskima,
     149  Sõsar ikula sõnotama:
     150  Veera veerde noori vello,
     151  Kallu veerde imekana!
     152  Vello sis vesilda vastutas,
     153  Sõna lausi lainelda:
     154  Saa-ei sõuda, sõsarenni,
     155  Saa-ei kaldu, imekana,
     156  Eelä iks sõda üle sõit,
     157  Vinne vägi üle veerdü,
     158  Sõda vei iks sõvvi nõo,
     159  Vei mõla' mõlemba'.
     160  Sõsar sis helläste seletas,
     161  Velele vesila kõneles:
     162  Anna ma sõle välla sõuda,
     163  Anna telle teele tulla;
     164  Veli sis vesildast kõneles
     165  Sõna lausi lainilda:
     166  Sõsar, hella linnukene,
     167  Matal meelimaräkene,
     168  Saa-ei sõlel sõvvetus,
pag. 229
     170  Saa-ei telel teele tultus,
     171  Kui iks tules tuuli Jumalast,
     172  Hella hõngu Mariast,
     173  Sis ma vello veerde saassi,
     174  Imekana kuivale.
     175  Oodi no iks ja ohudi,
     176  Pajati ja palleli,
     177  Tulli sis tuuli Jumalast,
     178  Hella hõngu Mariast,
     179  Visas veerde noore vele,
     180  Kallut kuivale imekana. -

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H I 8, 348/9 (6) 27 %
H II 4, 496/504 (204) 24 %
E, StK 33, 21/7 (6) 19 %
H II 32, 971/2 (5) 16 %
H, Jagomann 457/60 (55) 16 %
ERA II 278, 635/8 (11) 15 %
Veske 4, 66/85 (117) 13 %
ERA II 173, 498/401 (5) 13 %
H I 6, 100/1 (2) 13 %
E, StK 32, 25/6 (15b) 13 %
ERA II 286, 668 (19) 13 %
H II 62, 715/6, 719 (84) 12 %
H II 4, 245/7 (105) 10 %
H III 29, 765/73 (4) 10 %

Contains poems

EÜS I 803 (97)   72 %
EKmS 8° 3, 209 (17)   58 %
EÜS I 998 (22)   56 %
EÜS I 1032 (25)   56 %
EÜS IV 144 (130)   51 %
EÜS IV 144 (133)   51 %