H I 6, 231/2 (4)

h10602310004
Võrumaa — Vastseliina
Sandra, Jaan
1894

Types

Lüroeepilised laulud
└ Laulud argielust
 └ Haned kadunud
Haned kadunud

Metadata

COL: Jaan Sandra
FUNC:
ID: H I 6, 231/2 (4)
LLIIK_YHT: Lüroeepilised laulud (Laulud argielust)
LOC: Vastseliina khk.
TMP: 1894
TYP: Haned kadunud
TYP_MRKS: [massühtlustus]
TYP_YHT: Haned kadunud

Anna ma tööda hõlbusat.
     2  Toetse ma koolda väikukeseh,
     3  Kalmu minnä kanaseh,
     4  Ese iki jalutsih,
     5  Ime iki pähütsih,
     6  Sõsar sõrmi nõalla,
     7  Veli vuute veerella:
     8  Koolgu-ui kullä mu tüteri,
     9  Mingu-ei kalmu mu kanane,
     10  Kasu üles, kabukene,
     11  Vinnü üles virvekene,
     12  Anna ma töödä hõlbusat,
     13  Hõlbusat ja jõudusat;
     14  Hani anna hoita, kana kaitsa,
     15  Udsu rõiva ummelda,
     16  Kõige kirä' kirotella,
     17  Anna pilu' pilutella; -
     18  Neiu läts sis hanne hoitma,
     19  Läts kannu kaidsema,
     20  Iste maale umbelema,
     21  Kivi pääle kirotama,
     22  Pindre pääle pilutama,
     23  Tul´l sis haugas harä päält,
     24  Kuri kodas korgest,
     25  Vei hani' vesilta,
     26  Haard lagre lainilta,
     27  Lätsi kodo kullakene,
     28  Lätsi majja maräkene,
     29  Ütli umale imele
     30  Maamale manitseli:
     31  Imekene, hellakene,
     32  Maamakene, maräkene,
     33  Tul´l haugas harä päält,
     34  Kuri kodas korgest,
     35  Vei hani vesilta,
     36  Haard lagre lainilta,
     37  Ime lausi meelestani,
     38  Pajat meele poolestani:
     39  Kuule kulla mu tüteri,
     40  Kuule kallis kanane,
     41  Umble sa valge vadsakott,
     42  Linikene leevakott,
     43  Mine hanne otsima,
     44  Kannu perra kaema.
     45  Neiu ummel valge vadsakoti,
     46  Linikidse leevakoti,
     47  Läts iks hanne otsima,
     48  Läts kannu kaema,
     49  Läts tükü teeda terävält,
     50  Pallo maada palavalt,
     51  Kea sis vastu putunessa,
     52  Putunessa, johtunessa:
     53  Küla kündja velitse,
     54  Adrakandjä imekana,
     55  Neiu küündü küsümä,
     56  Neiu nõssi nõudema:
     57  Kas iks näie mino hanne,
     58  Minu kanna kavatselli?
     59  Kündja lausi meelestani:
     60  Hot mii näi, ega tunne-es
     61  Hot kai, ega kavatse-es,
     62  Miä ol´l täht su hanel,
     63  Kua arv su kanal?
     64  Kubu ol´l kulda kirotet,
     65  Pää päädit langastega.
pag. 232
     67  Kündja, küla velitse,
     68  Mõistse jutu, koste vasta:
     69  Ega mii näe-es sino hanne,
     70  Sino kannu kavatselle-es,
     71  Ohto ol´l meil ummagi,
     72  Ol´l meil kaiho katevõrra,
     73  Egapäivi mii adra murri,
     74  Atra murri, kabla kaki,
     75  Neiu läts jäll' minemä,
     76  Ime kana kalluma,
     77  Kea vastu johtunes,
     78  Kea kokko saadenes?
     79  Karja karüse sõsare,
     80  Vitsavõtja virvekese,
     81  Neio neil nõudema:
     82  "Kas iks näie mino hanne,
     83  Mino kannu kavatseli?
     84  Hot mii näi, ega tunne-es,
     85  Hot kai ega kavatse-es,
     86  Mia täht ol´l su hanel,
     87  Kua arv su kanal?
     88  Kubu ol´l kulda kirotet,
     89  Pää päädit langastega,
     90  Karja karüse sõsare,
     91  Mõistse jutu, koste vasta:
     92  Ega mii näe-es sino hanne
     93  Sino kannu kavatselle-es,
     94  Ohto ol´l meil ummagi,
     95  Ol´l meil kaiho katevõrra,
     96  Ega päivi kari katte,
     97  Kari katte, vili söödi.
     98  Neiu läts jäll' minemä,
     99  Saie oja otsa pääle,
     100  Saie Piusa perve pääle,
     101  Olli sääl hani vesildah,
     102  Olli lagre lainilah,
     103  Neiu kodo joosteh joosi,
     104  Joosteh joosi jovveh käve,
     105  Ütel kotoh umale velele,
     106  Imekanale kõneli:
     107  Velekene, noorekene,
     108  Võta sa püssa pütü päälta,
     109  Taba taarivaka päälta,
     110  Tapa hani' vesildust,
     111  Lase lagre lainildast. -
     112  Veli võtt püssä pütü päält
     113  Taba taarivaka päält,
     114  Tapp hani vesildast,
     115  Lask lagre lainildast. -
*1 peaks olema: "Kas iks näie mino hanne, Mino kanna kavatselli?"

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 33, 29/34 (8) 21 %
H III 29, 841/4 (25) 16 %
E, StK 22, 43/5 (33) 15 %
E, StK 32, 30/2 (17b) 14 %
H I 8, 91/2 14 %
H I 10, 520/3 (6) 13 %
H I 6, 193/4, 191 (6) 12 %
H, Jagomann 637/41 (54) 12 %
H, Jagomann 520/7 (17) 10 %
H II 3, 77/8 (70) 10 %

Contains poems

EÜS I 803 (97)   51 %