H I 6, 588/90 (1)

h10605880001
Võrumaa — Vastseliina
Sandra, Jaan
1895

Types

Lüroeepilised laulud
└ Müütilised laulud
 └ Venna otsija
Venna otsija

Metadata

COL: Jaan Sandra
FUNC:
ID: H I 6, 588/90 (1)
INF_ELUL: Kundra tütar
INF_NIMI: Leimanni Okse
LLIIK_YHT: Lüroeepilised laulud (Müütilised laulud)
LOC: Vastseliina khk.
TMP: 1895
TYP: Venna otsija
TYP_MRKS: [massühtlustus, vajab kontrollimist]
TYP_YHT: Venna otsija

Külbi upa, heidi hernet.
     2  Külbi upa, heidi herneht,
     3  Upa musta mullale,
     4  Herneht hella liivakule, -
     5  Saie kats kasunus,
     6  Vili viies vinnünüs,
     7  Ärä sis kats iks höüsteligi,
     8  Höüsteligi, mõistelegi:
     9  Kua om iks kõdrule kõvemb,
     10  Kua lakule lajemb? -
     11  Uba naidi iks noore naase,
     12  Herne hellätse minija, -
     13  Kohe viidi naa magama,
     14  Viidi aita magama,
     15  Pääle aida päälikohe,
     16  Viie võtme veerde,
     17  Kuvve taba taade,
     18  Villatsile vootehile,
     19  Kalevatsi kativile,
     20  Mano püüdse pühaliisi,
     21  Mano tahtse taivaliisi,
     22  Püvvü-es mano pühaliise',
     23  Tammu-es mano taivaliise',
     24  Tulli iks ütsi äiolane,
     25  Äiolane kiusulane, -
     26  Piho lauli pähütseh,
     27  Sisask voodehte veereh,
     28  Ega kuule-es kulla neiu,
     29  Ega helikus heräne-es,
     30  Päiv paist pähütsehe,
     31  Hago hõlma hõrohti,
     32  Ärä müvvi iks Jumalde lehmä,
     33  Marijide maariklehmä',
     34  Kuule-es kulla neiukene
     35  Helikus es heräne,
     36  Kiko kirge kelba pääl,
     37  Kägo kuuk korgeh,
     38  Sis iks kuuld neiukene,
     39  Ärä helikus heranes,
     40  Nõst jala, - löüse jahe,
     41  Käänd küle - löüse külmä,
     42  Mõtel katime kaovat,
     43  Mõtel vildi veerüvät,
     44  Linarõiva liiguvat,
     45  Ole-es katime kaonu,
     46  Ole-es veerdnu villa vilt,
     47  Ole-es liiknu linarõivas,
     48  Üla veeti voodehte veerelt,
     49  Kaasa katte katimilt,
     50  Säält sis paljo pahasi,
     51  Säält veidi vihasi,
     52  Aste aida lävele,
     53  Pääliku lävele põlveli,
     54  Kea sääl seeh elänessa,
     55  Elanessa, olenessa,
     56  Ülä esa helläkene,
     57  Kaasa täta tähekene,
     58  Minnij mureteh manitsema,
     59  Pallelema pajatama:
     60  Sul iks kaih, mul kats,
     61  Sul iks katte poigovani,
     62  Imekana kanneti,
     63  Mul kaasa katvilt,
     64  Üla voodehte veerelt,
     65  Läke katsi otsimahe,
     66  Otsimahe, löüdemähe, -
     67  Kui sul katte, sis kahitse,
     68  Kui viidi, - viida aigu, -
     69  Neiu aste lauda poole
     70  Kea sääl laudah eehnä olli,?
     71  Ülä imä helläkene,
     72  Kaasa maama maräkene,
     73  Sul om kaih, mul kats,
     74  Sul iks katte uma kana,
     75  Mul katte ülaväni,
     76  Läke iks katsi otsimahe,
     77  Otsimahe, löüdemahe; -
     78  Imä kalelt vasta kosti,
     79  Mõrolta minijal mõistati:
pag. 589
     81  Kui sul katte sis kahitse,
     82  Kui viidi, viida aigu, -
     83  Säält ta ikule isosi,
     84  Silmaveele veerüsi,
     85  Läts sis neiu üle mere,
     86  Reise ta iks rehe poole,
     87  Kea no reheh eehna olli,
     88  Eeh olli, eehna saisi?
     89  Üla veli helläkene,
     90  Kaasavani kanakene,
     91  Neiu sis ikula kõneles
     92  Pisarilla pajatelles:
     93  Velekene, noorekene,
     94  Sul kaih, mul kats,
     95  Läke iks katsi otsimahe,
     96  Otsimahe, löüdemahe.
     97  Sul viidi vellovani,
     98  Mul kaasa katimilt. -
     99  Vello lausi meelestani
     100  Lausi meele poolestani:
     101  Kui sul katte, sis kahitse
     102  Kui viidi, viida aigu.
     103  Neiu sis ikule isosi,
     104  Silmaveele veerüsi,
     105  Sis ta aste aida poole,
     106  Kaldu tuuhu kamberehe,
     107  Keeri tuuhu kelderehe
     108  Sõsar sääl kudi kuldakangast
     109  Heit hellä tsölokat, -
     110  Sõsar hella linnukene,
     111  Meeli- matal -marjakene,
     112  Sul om kaih, mul kats,
     113  Sul viidi noori vello,
     114  Imekana kanneti,
     115  Mul katte ülguvani,
     116  Kaasa katvilt kadosi.
     117  Läke iks katsi otsimahe,
     118  Otsimahe, löüdemahe,
     119  Sõsar sis ikule isosi,
     120  Leinameelele lasehtu:
     121  Mino veere velenaane,
     122  Mino kulla kodo naane,
     123  Läke katsi otsimahe
     124  Katsi perra kaema,
     125  Pand sälga vele särgi,
     126  Vööle vele vüüräti,
     127  Lätsi naa sis minema
     128  Paljo maada, tükü teeda.
     129  Kea vasta putunessa?
     130  Karja karjuse sõsara,
     131  Vitsavõtja virvekese,
     132  Kas iks näie mino velle
     133  Imekana kavatseli, -
     134  Mia tähti su velel,
     135  Kua arvu su armal?
     136  Sõrme olli täüs sõrmussit,
     137  Peo täüs pillikeisi, -
     138  Hot näi ega tunne-es,
     139  Hot kai ega kavatse-es,
     140  Ol´l meil ohto ummagi,
     141  Ol´l kaiho katevõrra,
     142  Ega päivi kari katte,
     143  Kari katte, vili söödi. -
     144  Naksi naa iks minema
     145  Tüku teeda, paljo maada,
     146  Kea sis vasta putunessa,?
     147  Külä põimija sõsare,
     148  Laja välä laabitseja, -
     149  Kas iks näi mino velle,
     150  Mino kallist kavatseli?
     151  Mia ol´l tähti su velel,
     152  Kua arvu su armal?
     153  Sõrme olli täüs sõrmussit
     154  Peo täüs pillikeisi, -
     155  Hot näi, ega tunne-es,
     156  Hot kai ega kavatse-es,
     157  Meil ol´l ohto ummagi
     158  Ol´l meil kaiho katevõrra,
     159  Ega päivi tsirbi murri,
     160  Tsirbi murri, sõrme lõiksi. -
     161  Lätsi naa iks minema
     162  Kabokese' kalduma
     163  Kea sis vasta putunessa?
     164  Külä kündija velitse
     165  Adrakandja imekana,
     166  Kas iks näi mino velle,
     167  Mino kaasat kavatseli?
     168  Miä ol´l tähti su velel,
pag. 590
     170  Kua arv su kaasal?
     171  Sõrme olli täüs sõrmussit,
     172  Kondi täüs kullatsit,
     173  Peo täüs pillikeisi. -
     174  Kündja vasta kosteli,
     175  Adrakandja arveli:
     176  Meil ol´l ohto ummagi
     177  Ol´l meil kaiho katevõrra,
     178  Egapäivi adra murri,
     179  Leevapuu liivakohe,
     180  Hot mi näi, ega tunne-es,
     181  Hot kai, ega kavatse-es. -
     182  Lätsi naa iks minemä,
     183  Kabokese kalluma,
     184  Virvekese veerümä,
     185  Silmaveela sammuma,
     186  Puttu vasta vanamees,
     187  Vanamees, puhas poiss, -
     188  Kas iks näi' mino velle
     189  Mino kaasat kavatseli?
     190  Mia ol´l tähti su velel
     191  Kua arvu su kaasal?
     192  Sõrme olli täüs sõrmussit
     193  Sõrmekundi' kullatsit.
     194  Näi ma iks tee' velle,
     195  Tee' kallist kavatseli,
     196  Minke Tooni nurme pääle
     197  Maana naiste maie pääle.
     198  Künd ta Tooni nurme pääl,
     199  Maana naiste maie pääl,
     200  Hot iks pahanet, - ei parane,
     201  Ikunet - ei isone. -
     202  Lätsi na katsi otsimahe,
     203  Silmaveela veerümähe,
     204  Sai naa Tooni nurme pääle,
     205  Maana naiste maie pääle,
     206  Sääl iks olli noori vello,
     207  Künd Tooni nurme pääl,
     208  Maana naiste maie pääl
     209  Sis naa' ikule isosi,
     210  Lainameelele lasehtu:
     211  Naksi iks taad kodo kutsma,
     212  Perrehe petema:
     213  Tule iks kodo kulla vello,
     214  Kallu kodo kallis kaasa!
     215  Veli vasta vaidelema,
     216  Kaasa vasta kaibelema:
     217  Saa-ei kodo kutsuheh,
     218  Perrehe petteh,
     219  Tooni tütar mul jalutsih,
     220  Tooni poiga pähütseh!
     221  Vana Tooni perrä vahtmah!
     222  Jäi ta Tooni nurme pääle,
     223  Maana naiste maie pääle,
     224  Sis naa ikule isosi,
     225  Lainameelele lasehtu,
     226  Et jäi üts ülalda,
     227  Tõõne välle velelda. -
     228  Tulli naa kodo kurvalise
     229  Moro pääle murelise,
     230  Jäi naa' iäs ikema,
     231  Kuus päävas kuuguma.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 175, 209/19 (1) 14 %
H I 6, 193/4, 191 (6) 14 %
H II 4, 420/5 (178) 12 %
H I 10, 531/7 (14) 12 %
H II 3, 11/3 (8) 11 %
ERA II 103, 473/8 (7) 10 %
H I 6, 370/3 (3) 10 %

Contains poems

Veske 6, 621   81 %