H I 8, 430 (45)

h10804300045
Võrumaa — Räpina
Sandra, Jaan
1896

Types

Ikmine imäle

Metadata

COL: Jaan Sandra
ID: H I 8, 430 (45)
INF_ELUL: Vasila naine, 40 a.
INF_NIMI: Ogask
LOC: Räpina khk., Meeksi v.
TMP: 1896
TYP: Ikmine imäle

(Mõrsja ikmise)

Tütre ikmine, imäle.
     3  Maamakene, ma sulle jalgu kumarda,
     4  Maräkene, su ette maale heida
     5  Astu sis su armule,
     6  Kallu su kaala ümbrele,
     7  Kohe nakkat sa käko käskemahe
     8  Eäs eräle ajama?
     9  Milles sa minno panni paljus,
     10  Paljus panni uma paa mano,
     11  Liias uma leeva mano,
     12  Maamakene, mu armakene,
     13  Armakene, kallikene!
     14  Kuis olõ-õs sul armas andeh,
     15  Olõ-õs kallis kalluteh,
     16  Mul om küll halle ärä minnä,
     17  Kuus, päävas, umast kotost
     18  Elos, ias, eräneda.
     19  Maamakene, mu armakene,
     20  Kas sa kängi ihasi,
     21  Vai sale' saapit?
     22  Kätte saava kängä sul ihadu,
     23  Kätte saapa sul salidu,
     24  Kängä viit sa aita orre pääle,
     25  Saapa salve veere pääle,
     26  Nakkat säält kängi käskemähe,
     27  Nakkat saapit saademahe
     28  Kängi käset - esi käüt,
     29  Saapit saadat - esi saat.
     30  Maamakene, mu armakene,
     31  Kui sa haardat haiges,
     32  Kui tõppe tõmmatat,
     33  Kui nakkat taari tahtemahe,
     34  Kui vetta vaidelema,
     35  Kui joogil joudemahe,
     36  Käüt iks sis sa käpikalla
     37  Ninni läät nela-roomakalla
     38  Haarat sis hange morolta,
     39  Kaksat lumme katusest.
     40  Tuuga ajat üle joogijano,
     41  Ajat taaritahtemise,
     42  Võidat viivaideluse.
     43  Maamakene, armakene,
     44  Haarat sis hanni vaia valusahe,
     45  Tuvvi vaia tulusahe.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 60, 608/9 53 %
H III 29, 902/3 (5) 14 %
Veske 6, 567/71 (90c) 13 %
H III 29, 898/900 (3) 12 %
ERA II 126, 117/9 (3) 11 %
H, Jagomann 606/8 (42) 10 %