H I 10, 501/5 (3)

h11005010003
Võrumaa — Vastseliina
Fluss, Karl (Carl)
1896

Types

Lüroeepilised laulud
└ Kosjafantaasiad ja pereelu
 └ Naisetapja
Tooma laul

Metadata

COL: Karl Fluss
FUNC:
ID: H I 10, 501/5 (3)
LLIIK_YHT: Lüroeepilised laulud (Kosjafantaasiad ja pereelu)
LOC: Vastseliina khk.
TMP: 1896
TYP: Tooma laul
TYP_MRKS: [massühtlustus]
TYP_YHT: Naisetapja

Toomas torre poisikene.
     2  Toomas iks torre poisikene,
     3  Mari matal mehekene,
     4  Kos´e t´a iks naista võti naista,
     5  Kos´e t´a iks naista kodomailta,
     6  Tahtse saia talo mailta;
     7  Saa-es kostki kodomailta,
     8  Tammas saada talomailta,
     9  Kos´e t´a iks Riia rikka tütre,
     10  Tartu taba kantitsaija,
     11  Võnnu võtinde pidäjä,
     12  Kos´e t´a iks kolmessa kuussa,
     13  Säitsemessä nädälissä,
     14  Viibü iks t´a viiessä suvessa,
     15  Haardu kuvves hainakus;
     16  Saie naane võõdetus,
     17  Kabu kodo kannetus,
     18  Sis elli n´a suve ilosahe,
     19  Ja aestaga armsahe,
     20  Sis saie näil üskä üsähtse,
     21  Kässi pääle käsilitse,
     22  A Toomas haari naista vihada,
     23  Põlga põllepidäjäd,
     24  Toomas iks torre poisikene,
     25  Mari matal mehekene,
     26  Ärä t´a iks sõidi söömisselle,
     27  Ärä joosi joomisselle,
     28  Muu iks aie muuda juttu,
     29  Muuda kõnehta kõneli,
     30  Toomas iks tõugas toda juttu:
     31  "Keä mul iks tapasi kur´a naase,
     32  Kale kabu kaotasi.
     33  Must´a iks olli meesi muide seäh,
     34  Tõrvaskandu tõiste seäh,
     35  Keä küündü ar küsüma,
     36  Keä hendä nõsti nõudenema:
     37  "Toomas torre poisikene,
     38  Mari matal mehekene,
     39  Miä sa annat tapijalle,
     40  Kua maale matijalle?
     41  Toomas lausi meelestani,
     42  Lausi tävvesta meelesta:
     43  "Anna iks ma taadri tapijalle,
     44  Marga maale matijalle.
     45  Must´a iks lausi mehi meeste seäh,
     46  Pakan poissi poolestani:
     47  "Toomas iks väiku poisikene,
     48  Mari matal mehekene,
     49  Mine iks sa kodo söömisselt,
     50  Joose kodo joomisselt,
     51  Võta sa iks kirvessa käele,
     52  Kuvvas kurale olale,
     53  Tikka iks kõivu mäele,
     54  Vaher nõrga nõdsu pääle,
     55  Ala iks kaiba sa süvä havva,
     56  Süvä havva kale kalmu,
     57  Süldä ütesä iks süvvüte,
     58  Kapla katesa laiute;
     59  Sis pane iks sa ora otsepäidi,
     60  Saksa väitse sällüpäidi,
     61  Pääle iks sa pane pika pirro,
     62  Pääle lahu loiu langa,
pag. 502
     64  Pääle sa iks pane kuldapütü,
     65  Kuldapütü vaskivaadi;
     66  Esi sa iks mine kodo kodo ette,
     67  Tare tammitse lävele,
     68  Mine iks sa oihkihna olile,
     69  Päädä põtehna pähütselle,
     70  Sis naka sa iks mahlu tahtemaie,
     71  Vahtravett´a vaidelema,
     72  Käse sa iks naista mahlule,
     73  Vahtravett´a valamaie.
     74  Toomas torre poisikene,
     75  Ärä t´a iks sõidi söömiselt,
     76  Ärä joosi joomiselt,
     77  Läts t´a kukateh kodohe,
     78  Tõngateh tammitse lävele,
     79  Lätsi oihkihna ollile,
     80  Pää haigeh pähütselle,
     81  Nakas mahlu tahtemaie,
     82  Vahtravettä vaidelema,
     83  Esi lausi meelestani:
     84  Naasekõne kallikõne,
     85  Mine tuu mäelt mahlu mulle,
     86  Alast vahtra magehet.
     87  Naane lausi meelestani:
     88  Toomas sa mu tutu mehekene,
     89  Taari om meil iks vastane tareh,
     90  Mõdu külmäh keldereh,
     91  Agu sa tahat vastast taari,
     92  Mõtu külmäst kelderest;
     93  Toomas ütel torehehe,
     94  Toomas käsi kärehehe,
     95  Ega ma iks taha-ei vastast taari,
     96  Mõtu külmäst kelderest,
     97  Mine sa iks mahlule mäele,
     98  Alla vahtera magehelle,
     99  Naasekesta iks noorekesta,
     100  Miä iks täl tetä kohes minnä,
     101  Ärä tä iks aste aida mano,
     102  Kirstu läts t´a iks kirivä külele,
     103  Vaka valgella varole,
     104  Löüse iks sääl lehe ikevad,
     105  Puude päädä puhkevad,
     106  Naane küündü küsümä,
     107  Naane nõssi nõudema:
     108  "Midäs sa iket lehekene,
     109  Puhut puude päädekene,
     110  Lehe liigut luguhest,
     111  Puude päädä paajatelli:
     112  Naasekene kallikene,
     113  Hõrna suuda hellakene,
     114  Kui läät sa mahlule mäele,
     115  Alla vahtera magehelle,
     116  Sääl iks sa naane tapetad,
     117  Tapetade hukatade,
     118  Naane lausi meelestani,
     119  Jää-ei mul sälgäsäädijäd,
     120  Jää-ei päälepandijad,
     121  Jääs iks mul katsi kanasta,
     122  Jäässe meeli- maale -mar´akõse,
     123  Naane lasi lauda mano,
     124  Eeh olli sääl iks ül´a ime,
     125  Oli kaasa kasvataija,
     126  Opas t´a ül´a imele,
     127  Juhat kaasa kasvataijal:
     128  Hoitke ti mino ulli latse,
     129  Tarkastage mu taade jääjä,
pag. 503
     131  Ma lää iks mahlule mäele,
     132  Alla vahtra magehelle,
     133  Sääl iks minno tapetase,
     134  Vaga verdä hukatedäs,
     135  Ül´a ime lausi meelestani:
     136  Mine iks sa minnij meelestani,
     137  Kallu kana kanaseni,
     138  Saava sul iks ulli hoietus,
     139  Saava kanase kaetus,
     140  Pehme saa iks neil ase pingi all,
     141  Lämmi ase läve all.
     142  Leeväkoore kor´atase,
     143  Vadsaveere visatasse,
     144  Nii saava sul ulli hoietus,
     145  Saava nii kanase kaetus.
     146  Naasekene tandse talli mano,
     147  Eeh iks olli ül´a ese,
     148  Olli kaasa kasvataija,
     149  Opas t´a ül´a esele:
     150  "Kuule tätä taiuline,
     151  Kuule kaasa kasvataija,
     152  Lää ma iks mahlule mäele,
     153  Alla vahtera magehelle,
     154  Hoitke iks mino ulli latse,
     155  Kaege katsilde kanasta.
     156  Ül´a ese lausi meelestani:
     157  "Mine iks mine minijäni
     158  Käänä käü käskijalga,
     159  Saava sul iks ulli hoietus,
     160  Saava kanase kaetus;
     161  Nii sul ulli hoietase,
     162  Nii sul kanase kaetase,
     163  Leeväkoore kor´atase,
     164  Vadsaveere visatase,
     165  Lihaluu saa iks liha iist,
     166  Kalapää kala iist;
     167  Pehme ase saa neil pingi all,
     168  Lämmi ase läve all.
     169  Naasekesta noorekesta,
     170  Midäs tetä kohes minnä,
     171  Minnä iks täl mahlule mäele,
     172  Alla vahtra magehelle;
     173  Võti t´a iks pangi olale,
     174  Kannipuuda kaalale,
     175  Hõigas t´a iks katte kanasta,
     176  Katte meelimar´akõista,
     177  Sis opas ta umile latsile:
     178  Kuulke ti iks katsi mu kanasta,
     179  Katsi mõistu meelimaräkesta,
     180  Tulke ti iks üles aemata,
     181  Mõske suu sundimata,
     182  Känge iks ti jala käskemätä,
     183  Võtku-ei leibä andemata,
     184  Sis teid iks hüäs peetäse,
     185  Armas kallis arvatasse;
     186  Minnä um iks mul mahlule mäele,
     187  Alla vahtera magehelle.
     188  Lätsi iks no lätsi noorekene,
     189  Kaldu iks kaldu kabukene,
     190  Küdu iks künni sääl mäe külehn,
     191  Nado kaitsi karja kaldeh;
     192  Naane lausi ar meelestani:
     193  Kuule sa küdü kündemäst,
     194  Nado karja kaitsemast,
     195  Hoitke iks mino ulli latse,
     196  Kaege katsilde kanasta;
pag. 504
     198  Küdü keeli kündemäst,
     199  Nado karja kaitsemast:
     200  Ärä ei sa veergu vele naane,
     201  Mingu-ei meelimar´akõne,
     202  Sinnä iks soe summe lätsi,
     203  Kahru katsilde kõrvuisi,
     204  Sinnä lätsi iks vaaluh varesid,
     205  Kats hulka kaarnit,
     206  Naasekesta noorekesta,
     207  Meeli täl iks mõtel mõtusehe,
     208  Süä jahvat jänesehe;
     209  Minnä iks mul minnä miä tetä,
     210  Kävvükinä kohe kästi,
     211  Ar lätsi t´a iks kõo kõrvale,
     212  Nakas mahlu maitsema,
     213  Vahtravett´a valamaie,
     214  Sis kuuli t´a iks suuna sobina,
     215  Pilliruuna robina,
     216  Meeli täl ar mõtel mõtusehe,
     217  Süä jahvat jänesehe,
     218  Esi ta no heitü ilveseh;
     219  Mano iks tulli musta meesi,
     220  Musta iks meesi, ahka särki,
     221  Kirves olli täl mürgüne käeh,
     222  Kuvvas kuusine ola pääl,
     223  Kirves iks mürgüne mürisi,
     224  Kuvvas kuusine kurisi:
     225  "Miä om iks sull' surma suuremba,
     226  Kua haava halusamba,
     227  Kua raig rasehemb,
     228  Naane lausi iks meeletani,
     229  Ütel oihkõhna otsani:
     230  Mürgü iks om surma suuremba,
     231  Ravva halu halusamb,
     232  Musta lausi iks meesi meeletani,
     233  Pakan poissi poolestani,
     234  Tõrvaskandu tõemeeli:
     235  Naasekene noorekene,
     236  Mehe kalgi kabukene,
     237  Pane sa iks pää paku pääle,
     238  Hius hellä hirre pääle,
     239  Kaala kannu juure pääle,
     240  Sini-iks-siivo tsirgukene,
     241  Vahajalga varbulane,
     242  Linnas iks lepä ossa pääle,
     243  Sinnä kõo kõrvale,
     244  Tulli t´a iks tuule tunnile,
     245  Aste toole aole,
     246  Kui naista tappa taheti,
     247  Vaka verdä vaivada,
     248  Sis paajat naane paku päält,
     249  Hiidi sõna hirre päält,
     250  Nii lausi t´a leinästä meelesta,
     251  Kosti kurvasta süämest:
     252  Sini- iks sa -siivo tsirgukene,
     253  Vahajalgu varbulane,
     254  Veege iks sõna mu velüle,
     255  Andke sõna armille,
     256  Et ma iks naase tapetagi,
     257  Vaka verda vaivatagi,
     258  Ilma süütä surmatas,
     259  Sini-iks-siivo tsirgukene,
     260  Vahajalgu varbulane,
     261  Veie iks sõna ar tävvelise,
     262  Anni sõna armille,
     263  Naase sis veljü viiekese,
     264  Kotost veljü kuvvekese,
pag. 505
     266  Tulli n´a tuule tunnile,
     267  Aste tuule ajole,
     268  Kui manta olli lännü musta meestä,
     269  Pakan poissi paenu,
     270  Ahk-särk ärä karanu,
     271  Kõik kolm mõtsa valanu,
     272  Naase iks veljü viiekeste,
     273  Kodo veljü kuvvekeste
     274  Tulli n´a iks Tuuma kodo,
     275  Veerdü Tuuma velitsile,
     276  Kohn n´a tedä kätte saie,
     277  Teie tule kesäle,
     278  Valu vana maa pääle,
     279  Sis köüdi n´a Tuuma tuharist,
     280  Sõsar' kaasa seereluist,
     281  Veie iks tedä tulile,
     282  Pahepooli palavahe,
     283  Ravva tsaie n´a iks jalgu, varba ninna,
     284  Katsi panni täl käe kammitsahe,
     285  Viisi sõrmi vinnüsehe,
     286  Kuusi sõrmi koolusihe,
     287  Kokko kutsi iks nulga nooremehe,
     288  Kokko kolga kosilase,
     289  Toomas sis tulilde kõneli,
     290  Palavahe sõnnu paajatelli:
     291  "Kuulke ti iks nulga nooremehe,
     292  Kuulke kolga kosilase,
     293  Teku-ei ti võõragi nii
     294  Ja uma nii olgu-ui
     295  Kui tei mina poisikene,
     296  Vaga henge vaimukene,
     297  Uma teie ma iks ullile päädä,
     298  Rumalilla mõtehille,
     299  Et ma süütä surmata lasi,
     300  Vaga vaimu vaivada,
     301  Puhta palge piinada,
     302  Hüä süäme hukata,
     303  Täl olli iks õigus elädä,
     304  Minol kurjast kooleda,
     305  Võtke mu elost opetust,
     306  Naase surmast seletust,
     307  Ma saa elost surma surma,
     308  Naane surmast elo krooni.
     309  Võtke ti iks naane umas eäs,
     310  Kabu umas kasupõlves,
     311  Olli iks ma ul´a poisikene,
     312  Vaka henge vaimukene,
     313  Korbi süä kurja meelekene,
     314  Uma teie ma ullille päädä,
     315  Rumalilla mõtehille,
     316  Kos´e ma iks kuvvessa kuussa,
     317  Säitsemessä nädälissa,
     318  Haari ma iks naista vihata,
     319  Põlga põllepidäjäd,
     320  Kuulke iks nulga nooremehe,
     321  Kuulke kolga kosilase,
     322  Ar iks tiigi nii teku-ui,
     323  Ar uma nii olgu-ui,
     324  Võtke iks ti naane umas eäs,
     325  Kabu omas kasupõlves,
     326  Elage iks ti igä ilosahe,
     327  Kasupõlvi kaunihe.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H I 10, 235/9 (4) 61 %
E, StK 22, 15/7 (14) 21 %
ERA II 103, 374/88 (39) 16 %
EKmS 8° 4, 494/501 (4) 16 %
EKmS 8° 4, 54/62 (23) 15 %
H I 6, 187/8 (2) 14 %
H, Jagomann 106/14 (5) 14 %
H II 64, 669/76 (2) 13 %
H II 62, 698/700, 719 (61) 13 %
E 62006/10 (13) 13 %
H I 10, 567/9 (1) 12 %
ERA II 126, 346/53 (1) 12 %
ERA II 204, 94/101 (1) 12 %
Veske 6, 374/88 (55) 11 %
H II 3, 16/9 (10) 10 %
E 18423/4 (1) 10 %
E, StK 33, 37/45 (10) 10 %

Contains poems

EÜS X 953 (231)   90 %