H I 10, 511/3 (2)

h11005110002
Võrumaa — Vastseliina
Fluss, Karl (Carl)
1898

Types

Lüroeepilised laulud
└ Kosjafantaasiad ja pereelu
 └ Kalmuneiu
Kalmuneiu

Metadata

COL: Karl Fluss
FUNC:
ID: H I 10, 511/3 (2)
LLIIK_YHT: Lüroeepilised laulud (Kosjafantaasiad ja pereelu)
LOC: Vastseliina khk.
TMP: 1898
TYP: Kalmuneiu
TYP_MRKS: [massühtlustus]
TYP_YHT: Kalmuneiu

Külbi kesvä hiidi herneht.
     2  Vel´lo külbi kesvä, hiidi herneht,
     3  Kesva külb iks kerigu külele,
     4  Külb mano matuselle.
     5  Esi t´a iks lausi meelestani,
     6  Lausi ladusa sõnale:
     7  Kasu iks kasu sa kesväkene,
     8  Vinnü vinnü viläkene.
     9  Tootse'ks t´a koolusta naista kossi,
     10  Liinast neitsid nimitä;
     11  Egä t´a koolust naista kosi-es,
     12  Liinast neitsid nimitsä-es,
     13  Keeruh kasvi iks kesiv kerigu külel,
     14  Hellä herneh hiitrahe,
     15  Hüä man matuhseh.
     16  Vel´lo nakas iks naista kosimaie,
     17  Kos´e t´a iks Riia rikka tütre,
     18  Tartu taba kantitsaia,
     19  Võnnu võtinde pidajä,
     20  Viländi villa väänajä.
     21  Nakas t´a kodo tulema,
pag. 512
     23  Velistsille veeremäie,
     24  Saie t´a iks koolu kotale,
     25  Saie kalmu kaalale,
     26  Jaie iks saani saisemaia,
     27  Regi kivvi kinnähtü;
     28  Velekesta noorekesta
     29  Imä latsi hellakesta,
     30  Tootse t´a ar rako ratsu päädä,
     31  Hüvvä hobesta hukata,
     32  Ar iks täll' koolusta kõneldi,
     33  Sõna ülti sõmeralt:
     34  Ragogu-ei sa ratsu päädä,
     35  Hüvvä hobesta hukaku-ei,
     36  Anna iks sa näio sa riist´a,
     37  Anna kabu sa kaali alta;
     38  Velekene noorekene,
     39  Ime mar´a helläkesta,
     40  Vel´lol ol´l iks kotoh korge kodo,
     41  Oll' illos elämine,
     42  Tootse t´a iks koto korget,
     43  Ilosat elämist.
     44  Minehtelli tulehtelli,
     45  Päse-es saani saisemasta,
     46  Riiperä pinderest.
     47  Jälle iks koolusta kõneldi
     48  Sõna ülti sõmerast:
     49  Anna sa iks näio sa ruusta,
     50  Anna kabu kaali alta;
     51  Olli täl iks viis velje,
     52  Olli säitse sõsaretta,
     53  Tootse ta iks viiä viisi velje,
     54  Tootse viiä säidsend sõsard;
     55  Minehtelli tulehtelli,
     56  Päse-es saani saisemasta,
     57  Riiperä pinderest.
     58  Jälle koolusta kõneldi,
     59  Sõna ülti sõmerast:
     60  Inne päse-ei saani saisemast,
     61  Riiperä pinderest,
     62  Anna sa iks mar´a sa ruusta,
     63  Anna kabu kaali alta.
     64  Velekene noorekene,
     65  Ime latsi helläkene,
     66  Tootse anda tä kasvatajid,
     67  Tootse imme tootse esse,
     68  Tootse vanembid molembit,
     69  Miä no tetä kohe minnä,
     70  Päse-es saani saisemast,
     71  Riiperä pinderest,
     72  Jal'ki iks koolusta kõneldi,
     73  Sõna ülti sõmerast:
     74  Inne päse-ei saani saisemast,
     75  Riiperä pinderest,
     76  Anna sa iks näio sa ruusta,
     77  Anna kabu kaali alta.
     78  Velekene noorekene,
     79  Ime latsi hellakene,
     80  Miä täl iks tetä kohe minnä,
     81  Tootse näiod ta ruusta,
     82  Tootse kabu kaali alta;
     83  Saie iks rekke koolija,
     84  Ala kalmu kooluse,
     85  Minetelli tuletelli,
     86  Pässi iks saani ar saisemast,
     87  Riiperä pinderest.
     88  Veerü iks kodo noori vel´lo,
     89  Kaldu kodo imekana;
     90  Keä tul´l iks usse tundemaie,
pag. 513
     92  Saie tarre saatemaie?
     93  Ime tull' iks usse tundemaie,
     94  Saie tarre saatemaie.
     95  Löüse jiks t´a koolja riistä,
     96  Ala kaali kalmulise;
     97  Ar küll iks hiitü vel´lo ime,
     98  Kasvataija kahmustelli;
     99  Ime lausi meelestani,
     100  Lausi meele poolestani:
     101  Kohe iks pane ti mõlemba,
     102  Kallutelle katekese?
     103  Vel´lo lausi meelestani,
     104  Lausi meele poolestani:
     105  Imekene iks helläkene,
     106  Maamakene maräkene,
     107  Poig pane sa iks tähes taivahe,
     108  Minnij merde sõmeras;
     109  Kui tulet sa iks üles hommongult,
     110  Varra inne valge'etta,
     111  Kae iks tähti taivahe,
     112  Kae kuud korgehe,
     113  Miä um iks tähti valusamb,
     114  Kua kuu korgembah,
     115  Tuu iks umme sino poiga,
     116  Um iks kallis kanakene,
     117  Kui iks sa veerüt vii perrä,
     118  Kui kallud kaivo mano,
     119  Kae iks merde sõmerit,
     120  Miä iks um sõmmer suuremba,
     121  Tuu iks um su meel´kas minnij,
     122  Um käpe käskijalga.
     123  Imekesta noorekesta,
     124  Maamakesta maräkesta,
     125  Poja iks veie t´a taivahe,
     126  Minijä merde sõmeras.
     127  Tul´l t´a iks üles hommonkulta,
     128  Varra inne valge'etta,
     129  Kaie iks t´a tähti taivahe,
     130  Kaie kuud korgehe,
     131  Kui t´a iks veerdu vii perrä,
     132  Kui kaldu kaivu manu,
     133  Kaie iks merde sõmerit.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H, Jagomann 582/9 (39) 14 %
E, StK 22, 17/9 (15) 14 %
Veske 6, 283/99 (44) 14 %
H II 62, 657/9 (14) 13 %
H, Jagomann 135/40 (16) 13 %
H III 29, 835/9 (22) 13 %
EKmS 8° 4, 314/9 (22) 12 %
H, Wiedemann IV, 5/7 12 %
H I 6, 201/4 (12) 11 %
H, Jagomann 492/501 (12) 11 %
E, StK 32, 20/2 (13) 11 %

Contains poems

EÜS I 803 (97)   58 %
EÜS I 998 (22)   56 %