H I 10, 513/5 (3)

h11005130003
Võrumaa — Vastseliina
Fluss, Karl (Carl)
1898

Types

Lüroeepilised laulud
└ Kosjafantaasiad ja pereelu
 └ Nuttev tamm
Nuttev tamm

Metadata

COL: Karl Fluss
FUNC:
ID: H I 10, 513/5 (3)
LLIIK_YHT: Lüroeepilised laulud (Kosjafantaasiad ja pereelu)
LOC: Vastseliina khk.
TMP: 1898
TYP: Nuttev tamm
TYP_MRKS: [massühtlustus]
TYP_YHT: Nuttev tamm

Kua hooli hommonkult.
     2  Tulli üles hommongult,
     3  Varra inne valge'etta,
     4  Miä iks ol´l tüü edimäne,
     5  Kua hooli hommongulta,
     6  Käpe iks ol´l jala kängimine,
     7  Sorre suu mõskemine,
     8  Sis lätsi ma iks mõtsa minemä,
     9  Hommongulta hoolenema,
     10  Miä kuuli ma näio minnehnani,
     11  Kua kodo tullehnani;
     12  Löüse ma iks tamme ikevad,
     13  Pikä puu puhkevata,
     14  Näio ma iks küündü küsümä,
     15  Näio nõssi nõudenema:
     16  Midäs sa iket tasa tamme,
     17  Midäs sa puhut pikkä puude?
     18  Tammi iks meelile mälehäs,
     19  Tammi keelile kõneli,
     20  Ike ma maale ragojada,
     21  Pikä puu poodijata,
pag. 514
     23  Muu olli iks puu raodu,
     24  Pikä puu poodetu,
     25  Mesipuile puhastedu,
     26  Vahapuile valmistedu,
     27  Ma iks ütsi üle jäie,
     28  Jäie katsi kasuma,
     29  Jäie iks tuulele puhkuda,
     30  Marutuulele tougata,
     31  Kitsu külmäle kisku.
     32  Näio iks ma kodo joosteh joosi,
     33  Joostehn joosi jovvehn käve,
     34  Ütli iks umale velele:
     35  Velekene iks noorekene,
     36  Ime latsi hellakene,
     37  Võta sa kirves iks kättehe,
     38  Kuvvas kurale olale,
     39  Mine sa iks rao tasa tamme,
     40  Mine pooda pikä puude,
     41  Vel´lo kul´la iks kullel sõsare sõnna,
     42  Võt´t uma opuse,
     43  Võti iks kirvessa kätele,
     44  Kuuda kurale olale,
     45  Lätsi t´a iks tamme ragomaie,
     46  Pikkä puuda poodemaie,
     47  Maale t´a iks ragi tasa tamme,
     48  Maale jovvut pikä puu,
     49  Tüvi iks merde tüntsähti,
     50  Lad´õv satte Saaremaale,
     51  Pikä ossa Pihk´õvälle,
     52  Ärä iks kaie ma meelestani,
     53  Keä iks tüve lätt merest tuu,
     54  Latva saas Saaremaalta,
     55  Pikä ossa Pihk´õvalta;
     56  Sada iks oll' hobest saamah,
     57  Tuhat hobest tuumah,
     58  Ega es jovva-es sada saia,
     59  Sada saia tuhat tuvva,
     60  Sääne iks ol´l hop´õn mu vel´lõk´õsel,
     61  Imekanal kaarasööjä, -
     62  Seie t´a iks kaara taivast,
     63  Jõie vii vikatkaarist,
     64  Ole-es t´a üüda öütsih olnu,
     65  Ei katte päävä kammitsah,
     66  Ole-es t´a iä ette saanu,
     67  Kuu-päävä kohki käünü;
     68  Vel´lo pand iks ette tuu hobese,
     69  Tuu virga vehmerille,
     70  Ette iks isidü kullatse,
     71  Pand rahke ravvatse,
     72  Tuu iks tõie merest tüve,
     73  Saie latva Saaremaalt,
     74  Pikä ossa Pihkevalt;
     75  Kodo- tõi iks -nurme kolga pääle,
     76  Veerü nurme veere pääle,
     77  Sääl iks hiiro hirnahti,
     78  Tuliverrev turnahti.
     79  Näio ma kaldu kaema,
     80  Näio essü nägemä,
     81  Miä jiks oll' viga vereval,
     82  Kua ohto hobesel;
     83  Iist kaksi isidu kullatse,
     84  Kaksi rahke ravvatse,
     85  Tuu iks ol´l viga vereväl,
     86  Tuu ol´l ohtu hobesel.
     87  Näio ma iks lausi meelestani,
     88  Lausi meele poolestani:
     89  Velekene noorekene,
     90  Ime latsi helläkene,
pag. 515
     92  Tiiäd sa tiid´a sepaselle,
     93  Tõista kulla iskijälle,
     94  Jakka sa iks rahke ravvatse,
     95  Ette isidü kullatse;
     96  Velekene iks noorekene,
     97  Ime latsi helläkene,
     98  Jakas iks ar rahke ravvatse,
     99  Ette isidü kullatse,
     100  Tõi iks kodo tuu kuuse,
     101  Tuu tamme tare ette,
     102  Vel´lok´õne noorekene,
     103  Ime latsi hellakene,
     104  Miä iks tii mi tasa tammest,
     105  Miä pooda pikäst puust;
     106  Tuu iks mano meister meeleline,
     107  Tuu poisi plootnika,
     108  Tuu saa iks tammest pal´lo hüvvä,
     109  Pal´lo hüvvä, armsid asju;
     110  Vel´lok´õne noorekene,
     111  Tõi t´a iks meistre meelelise,
     112  Tarka poisi plootenika,
     113  Tuu nakas tamme lõhkumaie,
     114  Pikkä puuda pootemaie,
     115  Tei iks keskelt tsõts´õ kirstu,
     116  Vaiehelta viinavaadi,
     117  Otsast teie ollepütü,
     118  Lastast saie iks latse luitsa,
     119  Pinnast iks tek´k väiku viinapütü,
     120  Ärä kaie ma iks meelestani,
     121  Nii saie hüä tsõtse kirst,
     122  Ausa Anne annivakk.
     123  Panni iks põõna põdraluist
     124  Sagara iks sika sarvist.
     125  Ärä ma kaie iks meelestani,
     126  Kaie meele poolestani,
     127  Nii saie hüä tsõtse kirst,
     128  Ausa Anne annivakk.
     129  Kiitsi iks kinni pandehna,
     130  Vavvi vallale laskehna,
     131  Saa-es küläl maata,
     132  Külä latsil lammuskella.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 59, 245/7 (1) 16 %
E 29303/6 (31) 15 %
ERA II 151, 182/5 (12) 15 %
E, StK 52, 37 (21) 15 %
ERA II 190, 562/4 (6) 15 %
E, StK 22, 23 (19) 14 %
H I 3, 606/7 (5) 13 %
H II 3, 28/30 (14) 13 %
era II 126, 338/41 (6) 13 %
ERA II 175, 230/4 (4) 13 %
H II 3, 79 (72) 13 %
Veske 6, 119/33 (18) 12 %
ERA II 117, 298/300 (7) 11 %
ERA II 85, 697/9 (3) 10 %
E 81746/9 (4) 10 %
H II 4, 80/4 (34) 10 %

Contains poems

EÜS I 998 (22)   58 %
EÜS I 803 (97)   52 %