H I 10, 517/20 (5)

h11005170005
Võrumaa — Vastseliina
Fluss, Karl (Carl)
1898

Types

Lüroeepilised laulud
└ Kosjafantaasiad ja pereelu
 └ Lunastatav neiu
Lunastatav neiu

Metadata

COL: Karl Fluss
FUNC:
ID: H I 10, 517/20 (5)
LLIIK_YHT: Lüroeepilised laulud (Kosjafantaasiad ja pereelu)
LOC: Vastseliina khk.
TMP: 1898
TYP: Lunastatav neiu
TYP_MRKS: [massühtlustus, vaja kontrollida]
TYP_YHT: Lunastatav neiu

Vele võt´t iks vereva naase.
     2  Vel´lo võt´t iks vereva naase,
     3  Sõsar läts sõamehele;
     4  Saie iks tõlda istumaie,
     5  Vaan´u lippu liigumaie,
     6  Iste iks ette pur´opoissi
     7  Ja laiva latsi.
     8  Viidi iks viidi näiokene,
     9  Kanneti kabukene,
     10  Uma jäie iks kodo kottale,
     11  Uma jäie iks lauda lävele,
     12  Näio iks sääl tõllasta kõneli,
     13  Ja vällä lausi lantsikust:
     14  Piä kinni iks sa pur´opoissi,
     15  Saista laia laiva latsi,
     16  Lase ma kae kodo poole,
     17  Hiidä silmi hellä poole,
     18  Kedä näe ma kotoh käüvevät,
     19  Elliliinah liiguvata?
     20  Ime näi iks kotoh ma käüväd,
     21  Elliliinah liiguvad.
     22  Näio lausi meelestani,
     23  Lausi meele poolestani:
     24  Imekene hellakene,
     25  Maamak´õne mar´ak´õne,
     26  Osta iks tütär sa sõasta,
     27  Võta väljä võr´õsilt.
     28  Ime lausi meelestani,
     29  Lausi meele poolestani:
     30  Tütär iks hellä linnukene,
     31  Matal meelimar´ak´õne,
     32  Minka iks osta su sõasta,
     33  Võta väljä võr´õsilt?
     34  Näio iks tõllasta kõneli,
     35  Väljä lausi lantsikust:
     36  Imekene iks helläkene,
     37  Maamakene mar´akene,
     38  Kolm um iks sul lehmi kotohna,
     39  Ja kats om iks lauta sul karja täüs,
     40  Üts iks sa anna mino iist,
     41  Tõõne tõlkjille tõoda,
     42  Kolmas sul jälki jäänenessä.
     43  Ime iks lausi meelestani,
     44  Lausi meele poolestani:
     45  Tütär iks hellä sa linnukene,
     46  Matal meelimaräkene,
     47  Mine iks sa eäs elä kavva,
     48  Käü jiks kodo kostimaie.
     49  Näio iks lausi meelestani,
     50  Lausi meele poolestani:
     51  Imekene hellakene,
     52  Ja maamakene mar´akene,
     53  Jovva-ei ma kasta sõa kahhu,
     54  Jovva-ei sõkku sõaleibä,
pag. 518
     56  Tuu iks sõkku sõaleibä,
     57  Tuu iks kastku vaan´u kahhu,
     58  Kel iks umma käevarre vahtratse,
     59  Sõrmekundi kuslapuitse,
     60  Ole iks noori näiokene,
     61  Ole kassuv kabukene,
     62  Selle iks jõvva-ei sõkku sõaleibä,
     63  Jovva-ei kasta vaan´u kahhu.
     64  Miä iks tettä kohe minnä,
     65  Lätsi iks tõlda veerümaie,
     66  Sinilippu liigumaie,
     67  Viidi iks viidi näiokesta,
     68  Kannetigi kabukesta,
     69  Uma saie t´a iks kodo kottale,
     70  Saie iks laiute lävele.
     71  Näio iks lausi meelestani,
     72  Lausi meele poolestani:
     73  Piä kinni iks pur´opoissi,
     74  Lase saista laiva latsi,
     75  Lase iks ma kae kodo poole,
     76  Hiidä silmi hellä poole,
     77  Keda ma näe kotohn käüvevät,
     78  Elliliinah liiguvad?
     79  Näio iks lausi meelestani,
     80  Lausi meele poolestani:
     81  Esekene iks helläkene,
     82  Tätäkene tähekene,
     83  Osta sa iks tütär sõasta,
     84  Võta väljä võr´õsilt.
     85  Ese iks lausi meelestani,
     86  Lausi meele poolestani:
     87  Minka iks osta su sõasta,
     88  Võta väljä võr´õsilt?
     89  Näio iks lausi meelestani:
     90  Esekene iks helläkene,
     91  Tätäkene tähekene,
     92  Kol' iks um sul aita kotohna,
     93  Viis um iks sul aita viljä täüs,
     94  Üts iks anna sa mu osta,
     95  Tõõn´õ tõlkjille tõoda,
     96  Kolmas sul jälki jäänenessä.
     97  Ese lausi iks meelestani:
     98  Tütär iks sa hellä linnukene,
     99  Mine iks sa eäst elä kavva,
     100  Käü iks kodo kostemaie.
     101  Näiokesta noorekesta,
     102  Miä iks tetä kohe minnä,
     103  Lätsi t´a tõlda istumaie,
     104  Sinilippu liigumaie,
     105  Viidi iks viidi näiokesta,
     106  Kannitigi kabukesta,
     107  Uma saie iks t´a kodo kottale,
     108  Uma laiute lävele,
     109  Näio iks lausi lantsikust:
     110  Piä kinni iks pur´opoissi,
     111  Lase saista laiva latsi,
     112  Kedä iks näe ma kotohn käüveväd,
     113  Elliliinah liiguvad?
     114  Vel´lo näe ma kotohn käüveväd,
     115  Elliliinah liiguvad.
     116  Näio iks lausi meelestani,
     117  Lausi meele poolestani:
     118  Velekene iks noorekene,
     119  Ime latsi helläkene,
     120  Osta sa iks sõsar sõasta,
     121  Võta väljä võr´õsilt.
pag. 519
     123  Vel´lo iks lausi meelestani:
     124  Minka iks ma osta su maräkene,
     125  Vällä iks võta võr´õsilt?
     126  Näio lausi meelestani:
     127  Kol' hobest om iks sul kotohna,
     128  Viis um iks sul' lauki lae all,
     129  Üts iks anna sa mino osta,
     130  Tõõn´õ tõlkjille tõota,
     131  Kolmas iks jälki jäänenessä.
     132  Vel´lo lausi meelestani,
     133  Lausi meele poolestani:
     134  Sõsar iks hellä linnukene,
     135  Matal meelimar´akene,
     136  Mine iks eäs elä kavva,
     137  Käü iks kodo kostemaie.
     138  Näiokesta noorekesta,
     139  Miä iks täl tetä kohe minnä,
     140  Läts t´a tõlda istumaie,
     141  Sinilippu liigumaie,
     142  Viidi iks viidi näiokesta,
     143  Kannetigi kabukesta,
     144  Uma sai t´a iks kodo kottale,
     145  Uma laiute lävele.
     146  Näio iks lausi meelestani,
     147  Peä kinni iks pur´opoissi,
     148  Saista lase laiva latsi,
     149  Lase iks ma kae kodo poole,
     150  Silmi hiidä hellä poole,
     151  Kedä ma näe iks kotohn käüveväd,
     152  Elliliinah liiguvad?
     153  Näio iks lausi meelestani:
     154  Osta sa sõsar mu sõasta,
     155  Võta vällä võr´õsilt.
     156  Sõsar lausi meelestani,
     157  Lausi meele poolestani:
     158  Minka ma osta su sõasta,
     159  Võta väljä võr´õsilt?
     160  Näio lausi meelestani:
     161  Sõsar iks hellä linnukene,
     162  Matal meelimar´akene,
     163  Kolm um iks sul sõlgi kotohna,
     164  Viis kerstu velisil,
     165  Üts iks anna sa mino iistä,
     166  Tõõn´õ tõlkjille tõota,
     167  Kolmas jällki jäänenessä.
     168  Sõsar iks lausi meelestani,
     169  Lausi meele poolestani:
     170  Sõsar sa hellä linnukene,
     171  Matal meelimaräkene,
     172  Mine iks eäs elä kavva,
     173  Käü iks kodo kostemaie.
     174  Näiokesta noorekesta,
     175  Näio iks ikule isosi,
     176  Näio iks nõssi nõr´õsille.
     177  Läts t´a tõlda istumaie,
     178  Sinilippu liigumaie,
     179  Miä iks täl' tetä kohes minnä,
     180  Sõah olli kõik tõlla tõrvadu,
     181  Vaan´ulipu liivadetu,
     182  Viidi iks viidi näiokesta,
     183  Kannetigi kabukesta,
     184  Esi t´a iks lätsi esi iki,
     185  Näio no kaldu ni kahitsi,
     186  Keä iks vasta putusigi,
     187  Putusigi juhtusigi,
     188  Vasta iks puttu külä vel´lo,
     189  Külä vel´lo illos poissi,
pag. 520
     191  Näio iks lausi meelestani,
     192  Lausi meele poolestani:
     193  Külä iks mu vel´lo hüä vel´lo,
     194  Kallis mu vel´lo kanaseni,
     195  Osta sa näio sõasta,
     196  Võta vällä võr´õsilt.
     197  Vel´lo lausi meelestani,
     198  Lausi meele poolestani:
     199  Näiokene noorekene,
     200  Minka ma osta's su sõasta,
     201  Võta vällä võr´õsilt?
     202  Näio iks lausi meelestani,
     203  Lausi meele poolestani:
     204  Külä iks vel´lo hellakene,
     205  Kallis latsi imekana,
     206  Kolm iks om sul sõrmusta sõrmehna,
     207  Üts iks anna sa mino iistä,
     208  Tõõn´õ tõlkjille tõoda,
     209  Kolmas sul jälki jäänenessä.
     210  Külä vel´lo iks helläkene,
     211  Miä iks täl tetä kohe minnä,
     212  Üte iks anni sis näio iistä,
     213  Tõõse tõlkjille tõõvodi,
     214  Kolmas iks jälki jäänenesi.
     215  Külä vel´lo helläkene,
     216  Osti t´a iks näio sõasta,
     217  Võti väljä võr´õsilt,
     218  Uma iks sai t´a musta mõskijäs,
     219  Kale kuiva kolgijas,
     220  Eäs ni ütte elämä,
     221  Kulla sõnä kullejas.
     222  Elli n´a havvani hüaste,
     223  Surmani suutellehn.
*1 Pur´o poissi ja...

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 25/8 (13) 28 %
H II 3, 22/5 (12) 26 %
H II 32, 976/80 (7) 25 %
Veske 6, 222/39 (38) 22 %
H II 4, 141/7 (58) 22 %
H I 6, 198/201 (10) 22 %
H II 4, 203/9 (85) 22 %
E 17625/7 (14) 20 %
Veske 6, 89/99 (15) 19 %
ERA II 151, 300/8 (2) 15 %
H II 62, 687/90, 719 (53) 15 %
H, Jagomann 363/8 (10) 15 %
E, StK 22, 26/9 (24) 14 %
E, StK 32, 50/1 (32) 13 %
ERA II 117, 288/92 (5) 11 %
H I 10, 520/3 (6) 10 %
H II 45, 272/5 (14) 10 %

Contains poems

EÜS X 916 (144)   58 %