H I 10, 520/3 (6)

h11005200006
Võrumaa — Vastseliina
Fluss, Karl (Carl)
1898

Types

Lüroeepilised laulud
└ Laulud argielust
 └ Haned kadunud
Haned kadunud

Metadata

COL: Karl Fluss
FUNC:
ID: H I 10, 520/3 (6)
INF_NIMI: Zilli Paatso (tüdruk)
LLIIK_YHT: Lüroeepilised laulud (Laulud argielust)
LOC: Vastseliina khk.
TMP: 1898
TYP: Haned kadunud
TYP_MRKS: [massühtlustus]
TYP_YHT: Haned kadunud

Olli iks Piusa perve pääl.
     2  Tulli üles hommongulta,
     3  Inne varra valge'etta,
     4  Miä iks tüü edimäne,
     5  Kua hooli hommongulta?
     6  Käpe iks olli jala kängimine,
     7  Sorre iks olli suu mõskemine,
     8  Käpe saie iks jala kängitus,
     9  Sorre saie iks suu mõsetus;
     10  Lätsi iks hillä ime manu,
     11  Madalusi maama manu,
     12  Hillä ma imega kõneli,
     13  Madalusi maamaga:
     14  Imekene iks helläkene,
     15  Maamakene mar´akene,
     16  Anna sa iks töödä hõlbusida,
     17  Hõlbusida jõudusida;
     18  Imekene iks hellakene,
     19  Maamakene mar´akene,
     20  Ime and töödä hõlbusida,
     21  Hõlbusida jõudusida,
     22  Kinä and t´a iks käüse kirotella,
     23  P´eenükese pilotella,
     24  Sulasille and t´a iks suurta töödä,
     25  Näitsikelle nädälida.
     26  Imekesta iks helläkesta,
     27  Maamakesta mar´akesta,
     28  Kana and iks kaitsa h´ani hoita,
     29  Väikukese valida.
     30  Näiokesta noorekesta,
pag. 521
     32  Ime latsi hellakene,
     33  Aie iks hani vesile,
     34  Lasi ma iks lagle lainille,
     35  Näio iks iste ma oja otsa pääle,
     36  Iste Piusa perve pääle,
     37  Udsu- naksi ma iks -hameht umbellema,
     38  Kinä iks käüsid kirotama,
     39  P´eenukeisi pilotama.
     40  Tulli iks haugas Har´omaalta,
     41  Musta tsirku muilta maalta,
     42  Aie iks mult hanilta vesilta,
     43  Aie lagle lainilt,
     44  Säältä ma veidü ar vihasi,
     45  Partsi iks ma pal´lo pahasi;
     46  Säältä ma iks kurva kodo tulli,
     47  Tulli ma vihane velüle,
     48  Kurva iks seie kurva jõie,
     49  Kurva iks istõ istebnille,
     50  Kurva iks paigale panehtu,
     51  Kurva siin istele käänehtü.
     52  Keä iks küündü küsümä,
     53  Kua nõssi nõudema?
     54  Ime küündü küsümä,
     55  Ime nõssi nõudema:
     56  Tütär sa iks hella linnukene,
     57  Matal meelimaräkene,
     58  Milles sa iks kurva kodo tulli,
     59  Tulli iks velüle vihane,
     60  Kurva iks seie kurva jõie,
     61  Kurva iks paigale panehtu?
     62  Imekene hellakene,
     63  Maamakene mar´akene,
     64  Kana anni sa iks kaitsa h´ani hoita,
     65  P´eenukese pilotella,
     66  Utsu- anni iks sa -hamme umbeleda,
     67  Kinä kirivä kirotella;
     68  Aie ma iks h´ani vesille,
     69  Lasi ma lagle lainille,
     70  Iste ma oja otsa pääle,
     71  Iste Piusa perve pääle,
     72  Tulli iks haugas Har´omaalta,
     73  Musta tsirku muilta maalta,
     74  Aie mult h´ani vesilda,
     75  Aie mult lagle lainilt,
     76  Selle iks ma veidü vihasi,
     77  Selle ma pal´lo pahasi.
     78  Miä iks tettä kohe minnä,
     79  Kedä mul ajja otsimaie,
     80  Otsimaie nõudemaie?
     81  Aie iks ma orja otsimaie,
     82  Otsimaie nõudemaie,
     83  Ega iks mul ori h´anne otsi-es,
     84  Ori iks otse or´amailta,
     85  Nõvveliku nõo pinda;
     86  Miä iks tettä kohe minnä,
     87  Aie iks velje otsimaie,
     88  Ega iks veli h´anne otsi-es,
     89  Imekana kannu kae-es,
     90  Veli otse iks vil´amailta,
     91  Kar´usille iks kar´amailta;
     92  Miä iks tetä kohe minnä,
     93  Lätsi ma iks esi otsimaie,
     94  Otsimaie nõudemaie,
     95  Kaldu ma esi kaema.
     96  Lätsi ma iks lätsi näiokene,
     97  Kaldu iks kaldu kabukene,
pag. 522
     99  Lätsi ma iks lätsi tükü teed´a,
     100  Tükü teedä pal´lo maada,
     101  Keä no vasta putusigi,
     102  Putusigi juhtusigi?
     103  Külä iks kündijä velitse,
     104  Adrakandja imekana.
     105  Näio iks lausi meelestani,
     106  Lausi meele poolestani:
     107  Kulla iks külä kündijä velitse,
     108  Adrakandja imekana,
     109  Kas ti iks näie mu hanida,
     110  Näie mu kannu kalduvad?
     111  Vel´lo iks lausi meelestani,
     112  Lausi meele poolestani:
     113  Hot' mi näigi, ega tunne-es,
     114  Vel´lo iks küündü küsümä:
     115  Miä ol´le iks tähti su hanila?
     116  Näio iks lausi meelestani:
     117  Sii iks ol´le tähti mu hanilta,
     118  Kubu iks olli kulda kiroted,
     119  Pää olli iks päädit langasista.
     120  Vel´lo iks lausi meelestani,
     121  Ega iks näe-es su hanita,
     122  Ega mi näe-es ega tunne-es,
     123  Olli meil iks ohtu ummagi,
     124  Umma iks kaih´o katevõrra -
     125  Ega päivi adra murri.
     126  Miä iks tetä kohe minnä,
     127  Lätsi iks lätsi otsimaie,
     128  Kaldu ma hanni kaema,
     129  Kea iks jäll' vasta putusigi,
     130  Putusigi juhtusigi?
     131  Külä iks põimija sõsare,
     132  Tsirbikandja imekana.
     133  Näio ma haari küsütellä,
     134  Küsütellä nõvvetella:
     135  Külä iks põimija sõsare,
     136  Kas ti iks näie mu hanida,
     137  Näie mu kannu kalduvata?
     138  Ärä nuu lausi meelestani:
     139  Miä iks tähti su hanilta?
     140  Kubu ol´l iks kulda kirotedu,
     141  Pää ol´le pääded langasista.
     142  Sõsare lausi meelestani,
     143  Lausi meele poolestani:
     144  Ega mi näe-es sino hanne,
     145  Sino kannu kalduvad,
     146  Meil olli ohtu ummagi,
     147  Olli kaih´o katevõrra -
     148  Ega päävi mi tsirbi murri,
     149  Tsirbi murri süütühn vilähn.
     150  Miä iks tetä kohe minnä,
     151  Lätsi iks ma näio otsimaie,
     152  Kaldu kannu kaema.
     153  Lätsi iks lätsi näiokene,
     154  Kaldu kaldu kabukene,
     155  Keä täll' iks vasta putusigi,
     156  Putusigi juhtusigi?
     157  Külä iks niidijä velitse,
     158  Kaarikäändjä imekana.
     159  Kas ti iks näid mu hanida,
     160  Mu kannu kalduvata?
     161  Ega mi näe-es ega tunne-es,
     162  Miä iks ol´l tähti su hanilta,
     163  Kubu olli iks kulda kiroted,
     164  Pää ol´l päädet langasista.
     165  Vel´lo lausi meelestani,
pag. 523
     167  Lausi meele poolestani:
     168  Ega mi näe-es ega tunne-es,
     169  Olli meil iks ohtu ummagi,
     170  Olli kahjo katevõrra -
     171  Ega päävi vikati murri,
     172  Näie vallu vaiva ravva.
     173  Lätsi iks lätsi näiokene,
     174  Kaldu kaldu kabukene,
     175  Keä vasta putusigi,
     176  Putusigi juhtusigi?
     177  Külä iks no kar´use sõsare,
     178  Vitsakandja virvekese.
     179  Näio haari küsütella,
     180  Küsütellä nõvvatella:
     181  Külä iks kar´use sõsare,
     182  Vitsakandja virvekese,
     183  Kas ti iks näie mu hanida,
     184  Mu kannu kalluvad?
     185  Miä iks tähti su hanita?
     186  Kubu ol´l iks kulda kirotedu,
     187  Pää olli päädid langasilla.
     188  Sõsare lausi meelestani,
     189  Lausi tävvesta meelesta:
     190  Olli meil ohtu ummagi,
     191  Olli kahjo katevõrra -
     192  Kari katte vil´ä süüdi,
     193  A lätsi mi karja kaema,
     194  Ar mi iks näie sino hani,
     195  Sino kannu kalluvad.
     196  Kubu ol´l iks kulda kiroted,
     197  Sino lätsi mi iks kannu kaema,
     198  Näie mi iks oja otsa pääl,
     199  Tuu näie mi iks Piusa perve pääl -
     200  Mine sa iks alta Allu liina,
     201  Päältä Pärnä kerigu,
     202  Mine iks sa tuuhu mõisijahe,
     203  Liigu tuuhu liinakeste,
     204  Miä iks um oja otsa pääl,
     205  Umme iks Piusa perve pääl;
     206  Olli iks sääl lootsik kalaluine,
     207  Parvi partsi putsajine,
     208  Sinnä iks süüdi sino hanni,
     209  Kakutigi sino kana,
     210  Veri iks toobe mõõdetigi,
     211  Liha iks lipsa lõigutigi.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 22, 43/5 (33) 15 %
E, StK 33, 29/34 (8) 13 %
H I 6, 231/2 (4) 13 %
H II 3, 34/6 (19) 12 %
H, Jagomann 637/41 (54) 12 %
Veske 4, 275/33 (155) 12 %
H III 29, 841/4 (25) 11 %
H I 10, 517/20 (5) 10 %
H II 32, 972/6 (6) 10 %
E, StK 32, 30/2 (17b) 10 %
H, Jagomann 520/7 (17) 10 %

Contains poems

EÜS I 998 (22)   52 %