H I 10, 538/40 (16)

h11005380016
Võrumaa — Vastseliina
Fluss, Karl (Carl)
1898

Types

Laulud meelelahutamiseks
└ Teekäigulaulud
 └ Neiu linn
Imelik maja

Metadata

COL: Karl Fluss
ID: H I 10, 538/40 (16)
INF_NIMI: noorik Paatsi
LLIIK_YHT: Laulud meelelahutamiseks (Teekäigulaulud)
LOC: Vastseliina khk., Panikovitsi v.
TMP: 1898
TYP: Imelik maja
TYP_YHT: Neiu linn

Teie ma üte näio liina, kabu karratse kerigu
     2  Teie ma üte ehitüse,
     3  Ehitüse, ilostuse,
     4  Loona perrä luguhuse,
     5  Teie ma üte näio liina,
     6  Kabu karratse kerigu;
     7  Ütsil tingil üles teie,
     8  Katsil tingil kabistelli,
     9  Panni ma põlle põrmandus,
     10  Siidi saina sirotelli,
     11  Panni ma kuu korstenas,
     12  Ao alla akenis,
     13  Laes ma linige laodi,
     14  Pildes ma kirätse käänüdi.
     15  Pea saie liina valmis,
     16  Kabu karrane kerigu,
     17  Möödä iks sõidi suure saksa,
     18  Möödä kallu kaubamehi,
     19  Tõne iks tõsele kõneli,
pag. 539
     21  Suuremb iks saksule sõnotelli:
     22  Umme iks seo suuri soolaliina,
     23  Umme rasse ravvaliina?
     24  Näio iks tootse vasta lausta,
     25  Tahtse targaste kõnelda:
     26  Ole-ei seo suuri soolaliina,
     27  Ole-ei rasse ravvaliina,
     28  Seo iks umme näio liina,
     29  Kabu karratse kerigu,
     30  Ütsil tingil ehitedü,
     31  Katsil tingil kabistedu,
     32  Põlle iks umma pantu põrmandus,
     33  Siidi saina sirotedu,
     34  Ao iks alla akenis,
     35  Kuu pääle korstenas,
     36  Havve iks hambist har´akese,
     37  Kalaluitse katuse,
     38  Tohe-ei tuvi pääle tulla,
     39  Haugas har´ale linnata,
     40  Kaarnas katuselle kalduta;
     41  Tulli iks üles hommongult,
     42  Aste üles aiksahe,
     43  Lätsi iks usse kaema,
     44  Usse tsõõrile morole;
     45  Näie iks ma näio liinakesta,
     46  Kaie ma kabu kerigut,
     47  Oh sa illos ehituse,
     48  Oh sa kaunis kabistuse,
     49  Illos ol´l t´a iks ilmal kaia,
     50  Kaunis kaesil kaeda,
     51  Esi ma kaie kavahamba,
     52  Esi ma näie nägevämba,
     53  Pälküv ol´l t´a iks päävä paisteh,
     54  Välküv kuu valgehna,
     55  Päiv paisti pääle pajateh,
     56  Kuu kaie kõnelteh:
     57  Omme iks seo näküs näio liina,
     58  Loona kunstlik meistertüse,
     59  Poissale t´a paehtuses,
     60  Kabehisil kaehtuses,
     61  Tulle iks päivi korgembale,
     62  Kuu naas Loojale minemä,
     63  Sis murri ma ossa uibust,
     64  Sis võti vitsa vislapuust,
     65  Aie iks mõtsa ese kar´a,
     66  Vel´lo kir´ase keerutelli,
     67  Aie ma kerigu kesäle,
     68  Aie liina alevihe,
     69  Säälta aia alahe;
     70  Möödä iks sõidi suur tii,
     71  Möödä lask lak´a tii,
     72  Säälta iks sõidi suure saksa,
     73  Möödä kaldu kaubamehe,
     74  Küündü iks meilta küsümä,
     75  Nõssi meilta nõudema:
     76  "Kar´a iks kar´use sõsare,
     77  Vitsavõtja virvekese,
     78  Müüge iks meele Mur´o lehmä,
     79  Kauple meele kar´a lehmä,
     80  Ilma iks kodo kuulemata,
     81  Ese hinge tiidemätä."
     82  Näio iks lausi meelestani,
     83  Lausi meele poolestani:
     84  Ega ma müü-ei Mur´o lehmä,
     85  Kauple-ei ma kar´a lehma,
     86  Ilma kodo kuulemata,
pag. 540
     88  Ese hinge tiidemätä,
     89  A müüge ti mulle miä taha,
     90  Miä kallis mulle, tuu kaubelge -
     91  Müü iks sa säläst sinisärki,
     92  Pääst pälgüvä kübärä,
     93  Kuningide kuulemata,
     94  Esendide tiidemätä,
     95  Müüge ti küpär küllüne,
     96  Kaab kaunis karrane,
     97  Jala alt ku jaanililli,
     98  Vöö päält ku vikatkaari,
     99  Kinda käest kirotedu,
     100  Müüge ti mulle müümemisi,
     101  Kaubelge mulle katsumisi,
     102  Kuningide kuulemata,
     103  Esendide tiidemätä.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 22, 134 (8) 16 %
ERA II 144, 637/40 (5) 13 %
H, Jagomann 490/2 (11) 12 %
H I 6, 229 (2) 12 %
ERA II 108, 520/3 (9) 11 %
E, StK 22, 8 (6) 11 %
E, StK 22, 121/2 (1) 10 %