H II 3, 9/10 (7)

h20300090007
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 9/10 (7)
LOC: Setu
TMP: 1889

Vaesõ latsõ lugu.
     2  Tuli ma üles hummogulla,
     3  Inne varra valgõht,
     4  Mõsi ma suu, soie pää,
     5  Kinni ma jala kängitsi,
     6  Miä oll tüü edimäne,
     7  Miä huuli hummogulla?
     8  Pühe tarõ, pühe talli,
     9  Kua kolmõnulgalitse
     10  Kambrõ katõjakulitse,
     11  Pani asu põllu pääle,
     12  Kääni käteräti pääle
     13  Veie ma asu arolõ,
     14  Pühkme pühä põllu pääle,
     15  Esi astõ asu pääle,
     16  Kullõligi, kaeligi,
     17  Kullõligi kolmipooli,
     18  Kaeligi katsipooli,
     19  Kuuli ma suuh ikkõvat,
     20  Laanõh leina laskõvat,
     21  Säält ma kodo joostõh joosi,
     22  Joostõh joosi, jalol käve,
     23  Ütli umale imele:
     24  Imekene, hellakene,
     25  Kuuli ma imme ilma pääl,
     26  Rahva naaru maa pääl,
     27  Vei ma asu arõlõ,
     28  Pühkme pühä palo pääle,
     29  Esi saistsi asu pääle,
     30  Saisti pääle kullõlõma,
     31  Sääl ma kuuli viisi imeht,
     32  Kuuli imme ilma pääl,
     33  Rahva naaru maa pääl,
     34  Kuuli suuh ikkõvat,
     35  Laanõh vetta laskõvat,
     36  Ime taitsõ vasta lausta,
     37  Taitsõ targastõ kõnõlda,
     38  Tüttereni, armahõni,
     39  Olõ-õi seo imeh ilma pääl,
     40  Rahva naaru maa pääl,
     41  Ega joht ei suu ikkõ,
     42  Ega laanõ joht vetta lasõ-õi,
     43  Tuu sääl ikki vaenõlats,
     44  Ikki imeltä kananõ.
     45  Kolm um vaesta ilma pääl:
     46  Üts um tütar imeltä,
     47  tõnõ poiga esältä,
     48  Kolmas vaenõ vabanaanõ.
     49  Midäs um tütar imeltä?
     50  Tälle kosja kodo tulli,
     51  Au astõ lävele,
     52  Küsse tä haavalta hamõhta,
     53  Küsse leppält linikut,
     54  Küsse kõolt kõrikut,
     55  Kadajalta kapputit,
     56  Anna-as haava tälle hamõht,
     57  Anna-as leppä liniket,
     58  Anna-as kõivo kõrikõt,
     59  Anna-as kattaj kapputit,
     60  Näio sõs ikulõ isosi
     61  Näio nõssi nõrõsillõ,
     62  Kulla naas kangast kudama,
     63  Panni peenü peelile,
     64  Linatse tä ligi lakkõ,
     65  Saie täl peele perilte,
     66  Saie võllas täl võõrildõ,
     67  Kolo sai täl kurõmbahe,
     68  Kutsi külast kümme imme,
     69  Vallast viisi vanõmbat,
pag. 10
     71  Külä oppas küllipäädi,
     72  Valda noomõ vastupäädi,
     73  Näiokõista noorõkõista,
     74  Külmäs läts külä oppatõh
     75  Jahes läts valla nuumih,
     76  Sõs timä ikulõ isosi,
     77  Näio nõssi nõrõsillõ,
     78  Ikkõ uja ussõ alla,
     79  Lätte tarõ läve alla -
     80  Midäs iks poiga tu esältä?
     81  Lätsi nurme kündemahe,
     82  Kaldu atra kandõmahe,
     83  Aie üle ütte voori,
     84  Tõista vuuri tõotõli,
     85  Adra kabla kakkõli,
     86  Perrä pässi päävitsa,
     87  Kutsi külast adraköutjä,
     88  Leeväpuu liitijada,
     89  Tulõ-õs küläst köütijäda,
     90  Leevapuu liitijada,
     91  Külä ihas kündä tima maida,
     92  Valda rakko varikit,
     93  Edo timä poisikõst,
     94  Istõ maha ikkõmahe,
     95  Mulla pääle murõhtama,
     96  Külä karusõ, sõsarõ,
     97  Tuli mano noorõkõsõ,
     98  Mis sa ikket nuuri meesi,
     99  Lagja kabo kahitsõlõt?
     100  Esä mul ammu ärr kuuli,
     101  Kasvataja kalmu läts,
     102  Jää-as mul adra köütijat,
     103  Leeväpuu liitijät,
     104  Kutsi ma küläst kümme essa
     105  Vallast viisi vanõmbat,
     106  Tulõ-õs külä köütemähe,
     107  Leeväpuud liitemähe, -
     108  Külä karüsõ, sõsarõ
     109  Nimä lausi meelestani,
     110  Lausi meele poolõstani,
     111  Velekene, noorõkõnõ,
     112  Talopoiga tammõkõnõ,
     113  Köüdä sa esi uma adra,
     114  Liidä leeväpuukõnõ,
     115  Kisu üles kivijuurõ,
     116  Kakku üles kannujuurõ,
     117  Angu-ui sa maid külä kündä,
     118  Valla rakko varikit, -
     119  Nägünessa, kuulunõssa,
     120  Mida ikk vaenõ vabanaanõ
     121  Meeleltä, meheltä naanõ?
     122  Seda ikk vaenõ vabanaanõ,
     123  Jäi tä küüdsil kündemähe,
     124  Päkkil päädä täütemähe, -
     125  Päälda päitsiltä hobõnõ,
     126  Uibu ossõlta aiah,
     127  Leppä lehiltä mõtsah,
     128  Nii um vaenõ vabanaanõ,
     129  Meeleltä mehelta naanõ, -
     130  Koh ikk tütar imelta,
     131  Sinna tekkü tiigikene,
     132  Koh ikk poiga esälta,
     133  Sinnä kasvi kaivokõnõ,
     134  Koh ikk vaenõ vabanaanõ,
     135  Sinnä jäie järvekene,
     136  Viländ sai külä kar´a juvva,
     137  Valla varsol vallatõlla,
     138  Hulga hobõsil ojoda.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 111/3 (52) 12 %
H II 4, 267/8 (116) 12 %
H, Jagomann 511/3 (15) 12 %
H II 4, 461/2 (193) 10 %
E, StK 33, 5/10 (2) 10 %
ERA II 155, 613/7 (12) 10 %