H II 3, 16/9 (10)

h20300160010
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 16/9 (10)
LOC: Setu
TMP: 1889

Naase hukamine
(On küll teisend, aga on kohati teisiti, kui W. Kandle)
     3  Toomas torrõ, miis madali,
     4  Tootsõ tiä naaselta ellä,
     5  Tootsõ koolda kosimalta,
     6  Jovva-as iks naaselta ellä,
     7  Jovva-as koolda kosimalta,
     8  Tootsõ tiä puista naista tettä,
     9  Lepäpakust lühenda,
     10  Taropakust tahvata,
     11  Kulda panda palgõ'õs,
     12  Hõbõhõt iä ilos,
     13  Püsü-üs kulda palgõh,
     14  Püsü-üs hõpõ iä iloh,
     15  Sulli ärr suu suula maitsõh
     16  Palli ärr patta pandõh, -
     17  Toomas torrõ, miis madali,
     18  Kosõ naase kolmõs pääväs,
     19  Kaubõl katõs nädälis,
     20  Toomas torrõ, miis madali,
     21  Kaldu naane kaugõ'õs,
     22  Viibü nu viies suvõs,
     23  Toomas torrõ, miis madali,
     24  Sai täll latsi, kaldu katsi,
     25  Toomas torrõ, miis madali,
     26  Tuu oll jutt joogipaigoh,
     27  Tuu kõnõ kõrtsipaigoh,
     28  Toomas torrõ, miis madali:
     29  Kohes ma panõ vana naase,
     30  Panõ ma innitse eläjä,
     31  Toomas torrõ, miis madali,
     32  Must miisi tull muidõ mant,
     33  Tõrvaskandu tull tõistõ mant,
     34  Toomas torrõ, miis madali:
     35  Sinnä sa panõ vana naane,
     36  Sinnä panõ sa innitse eläjä,
     37  Tika sa kõivõ mäele,
     38  Vaher nõrga nõdsu pääle,
     39  Alla panõ kuldapütü,
     40  Kuldapütü, vaskivaadi,
     41  Esi mine ohkih olilõ,
     42  Päädä põttõh pähütsehe,
     43  Naka sa mahla tahtõmahe,
     44  Vahtravetta vaidõlõma. -
     45  Toomas torrõ, miis madali,
     46  Tikas kõo mäele,
     47  Vahtra nõrga nõdsu pääle,
     48  Pand sõs alla kuldapütü,
     49  Kuldapütü, vaskivaadi,
     50  Toomas torrõ, miis madali,
     51  Esi läts tiä kõrtsist joovahun,
     52  Kabakust tull käpõrdunu,
     53  Toomas torrõ, miis madali,
     54  Esi läts tiä oihkih olilõ,
     55  Päädä põtõh pähütsehe,
pag. 17
     57  Toomas torrõ, miis madali,
     58  Nakas tiä mahla tahtõmahe,
     59  Vahtravetta vaidõlõma,
     60  Toomas torrõ, miis madali,
     61  Neio-ks-akõnõ, noorõkõnõ,
     62  Neio ängäs taari tarõsta,
     63  Mõtu ängäs mustast kelderist,
     64  Toomas torrõ, miis madali,
     65  Taha-ai ma taari tarõsta,
     66  Mõtu taha-ai mustast kelderist,
     67  Toomas torrõ, miis madali,
     68  Edo nu mahla himotsi,
     69  Vahtravetta vaidõli,
     70  Toomas torrõ, miis madali,
     71  Neio-ks-akõista, noorõkõista,
     72  Mine nu mahlalõ mäele,
     73  Alla vahtõra valusa,
     74  Neio-ks-akõista, noorõkõista:
     75  Minnä nu mehe miilt piteh,
     76  Kävvä kaasa käsku piteh,
     77  Läts nu mahlalõ mäele,
     78  Alla vahtõra valusa,
     79  Toomas torrõ, miis madali,
     80  Toomas nu olilõ ohe,
     81  Päädä põssi pähütseh,
     82  Neio läts aita ehtimähe,
     83  Päälikohe päädimähe,
     84  Kirstu kiriva külele,
     85  Vaka valgõ varolõ,
     86  Löüse tiä ehte ikõvat,
     87  Puutõ pääle puhkõvat,
     88  Näio küündü küsümähe,
     89  Näio nõssi nõudõmahe
     90  Mida ikõt ehtekese,
     91  Midä puhut puutõkõsõ?
     92  Tuud mi ikõ näiokõnõ,
     93  Tuud mi kaiba kabokõnõ,
     94  Tuud mi ikõ ehtekese,
     95  Tuud mi puhu puutõkõsõ,
     96  Jää-äi meil sälgäsäädijät,
     97  Jää-äi meil päälepandijat, -
     98  Näio lausi meelestani,
     99  Lausi meele poolõstani,
     100  Ärä nu ikõ, ehtekese,
     101  Ära nu puhkõ, puutõkõsõ,
     102  Jäävä mul sälgäsäädijani,
     103  Jäävä mul päälepandijani,
     104  Maalõ jääse mul katsi vaesta,
     105  Jääse katsi kaiholist, -
     106  Näio läts ülä esä mano:
     107  Ülä esä, sa kullakõnõ,
     108  Toomas ohe olila,
     109  Põssi pääda pähütseh,
     110  Aasõ tiä mahlalõ mäele,
     111  Alla vahtõra valusa,
     112  Kas mul minnä näiokõsõl,
     113  Kas mul kaldu kabokõsõl?
     114  Ülä esä, sa helläkene,
     115  Kallis nu kaasa kasvataja:
     116  Mine nu mine minijäni,
     117  Mine nu mehe miilta piteh,
     118  Käü nu kaasa käsku piteh. -
     119  Näio läts ülä imä mano,
     120  Ülä imä sa helläkene,
     121  Kaasa maama maräkõnõ,
     122  Ülä aasõ nu mahlalõ mäele,
     123  Alla vahtõra valusa,
     124  Mine nu mine minijäni,
     125  Mine nu mehe miilt piteh,
     126  Käü nu kaasa käsku piteh,
     127  Näiokõista, noorõkõista,
     128  Minnä nu minnä näiokõsõl,
     129  Ülä imä helläkene,
     130  Maalõ jääse katsi vaesta,
     131  Jääse katsi kaiholist,
     132  Ülä imä, sa helläkene,
     133  Kaasa maama, nu maräkõnõ,
pag. 18
     135  Hoidkõ mino ulli latsõ,
     136  Kaegõ mu katsi vaesta,
     137  Ärä tiä osast unõhtagu-ui,
     138  Ärä palasta pilkagu-ui,
     139  Hoidkõ iks tiä osa alalõ,
     140  Näiokõnõ, noorõkõnõ,
     141  Mine nu mine, minijäni,
     142  Saava su ulli hoietus,
     143  Katsi sul vaesta kaetus,
     144  Hoia mi osa alalõ,
     145  Panõ paika palakõsõ, -
     146  Näio opas uma ulli latsõ,
     147  Karist katsi vaesta,
     148  Tulgõ ti üles ajamata,
     149  Mõskõ suu sundimata,
     150  Känke ti jala käskemätä,
     151  Nii mi vaesõ eläse,
     152  Nii umma oholise,
     153  Mõskva nu suu sundimata,
     154  Kängvä jala käskemätä,
     155  Läts nu näio minemä,
     156  Kabokõnõ kaldumahe,
     157  Läts tiä mahlalõ mäele,
     158  Küdü künni nurmõ pääl,
     159  Nado kaits karja kaldäh:
     160  Ärä sa mingu-ui, minijäni,
     161  Ärä käugu-ui käskijäni,
     162  Kuulõ, sa verev velenaane,
     163  Sinnä nu jo soe summah lätsi,
     164  Kahru lätsi nu katõhna hulgahna,
     165  Viisi läts valda varõsit,
     166  Katsi hulka läts kaarnit,
     167  Kuulõ, sa verev velenaane,
     168  Kõik nu veere su verele,
     169  Saa-ai su vaesõ hoiõtus,
     170  Katsi vaest saa-ai kaetus,
     171  Edo näid osast unõhtõtas,
     172  Naatas näid palast pilkama,
     173  Leeväkoorikid nu kukatas,
     174  Vatsaviiri nu visatas,
     175  Luu andas näile liha iist.
     176  Lätsi nu lätsi näiokõnõ,
     177  Kaldu, kaldu nu kabokõnõ,
     178  Kulda läts nu pütü kotalõ,
     179  Vaski läts vaadi varolõ,
     180  Kulda nakas tiä pütüst kummutama,
     181  Vaskõ nakas vaadist valama,
     182  Kuuli tiä nu suuhna sabinat,
     183  Kuuli tiä nu ruuhna rabinat,
     184  Süä täl jahvi jäneses,
     185  Miili mõtõl mõtusõs.
     186  Vällä nu tulli musta miisi,
     187  Musta nu miisi, poogand poissi,
     188  Kirvõs oll nu mürgüne olala,
     189  Kuvvas oll nu kuusinõ perähna
     190  Ärä tiä nu küündü küsümähe,
     191  Ärä nu nõssi nõudõmahe,
     192  Näiokõnõ, sa noorõkõnõ:
     193  Kua nu surma süvembi,
     194  Kua raiga rasõhõmbi?
     195  Kirvõs um surma süvembi,
     196  Rauda um raiga rasõhõmbi,
     197  Istõ nu maalõ näiokõnõ,
     198  Kiä täl nu rüppü lindõli,
     199  Kiä nu põlvilõ põrõti?
     200  Sinisiibo tsirgukõnõ,
     201  Vahajalga nu varbõlanõ;
     202  Viige nu sõna mu velile,
     203  Ankõ teeda mu armile,
     204  Sinnä nu näio hukatas,
     205  Kabokõnõ kaotõtas,
     206  Pää pandas paku pääle,
     207  Hius hellä hirre pääle,
     208  Viias mu põlvõ põllu pääle,
     209  Viiäs sõrmõ sõõru pääle,
pag. 19
     211  Edo nu näio hukati,
     212  Kabokõnõ kaotõti,
     213  Sinisiibu tsirgukõnõ,
     214  Vahajalga varbõlanõ,
     215  Sõna vei näio velile,
     216  Anni teeda nu armile,:
     217  Kuulgõ tii virve näio vele,
     218  Sinnä näio hukatigi,
     219  Kabokõnõ kaotõti,
     220  Viidi põlve põllu pääle
     221  Sõrmõ viidi sõõru pääle, -
     222  Ime läts põldu põimõmahe,
     223  Sõsar sõõrdu rookimahe,
     224  Löuse põlve põllu päält
     225  Sõrmõ löüse sõõru päält,
     226  Ime ike ilosahe,
     227  Sõsar nuutskõ nobehõhe, -
     228  Näio vele, virvekese,
     229  Kokko aie nulga noorõmehe,
     230  Kokko kutsi kolga kosilasõ,
     231  Tei nu tulõ kesäle,
     232  Tei nu valu vanijallõ,
     233  Pani nu tullõ Toomasõ,
     234  Mano kutsi nulga noorõmehe,
     235  Mano nu kolga kosilasõ,
     236  Toomas nu tulõsta kõnõli,
     237  Pajat vällä palavast:
     238  Kuulgõ nulga noorõmehe,
     239  Kuulgõ ti kolga kosilasõ,
     240  Ärr iks tiiki nu nii teku-ui,
     241  Ku tei nu mina poisikõnõ,
     242  Hukaku-ui ärr vanna naist,
     243  Hukaku-ui innistä eläjät,
     244  Kuulgõ nu nulga noorõmehe,
     245  Ku ti nu nii tiite,
     246  Naatas teid tullõ tõukama,
     247  Naatas pandma palavahe,
     248  Ku panti nu ma Toomas tullõ. -
     249  Toomas nu torrõ, miis madali,
     250  Toomas nu tullõ palotõti,
     251  Et hukas ärr näiokõsõ,
     252  Et lask tiä kabo kaotõta. -
     253  Olgu nu nii, jäägu jälle,
     254  Takah targõmba tasova,
     255  Sepä sõnno säädelese,
     256  Mi olõ-õs koolih opõmah,
     257  Olõ-õs meil kirjä käehna,
     258  Sõna mi opõ umah kotoh,
     259  Veljo pikä pingi pääl,
     260  Esa laja lavva takah,
     261  Säält sai meile pallo sõnno,
     262  Säält sai lajalt laulusõnno,
     263  Säält mi nu viisi võti,
     264  Säält mi nu laulu laidi.
*1 tekst köite vahele jäänud

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

EKmS 8° 4, 54/62 (23) 15 %
H II 4, 113/20 (53) 14 %
H, Jagomann 106/14 (5) 14 %
ERA II 10, 450/8 (2) 14 %
EKmS 8° 4, 494/501 (4) 13 %
H II 45, 275/9 (15) 13 %
H III 29, 783/8 (9) 13 %
ERA II 103, 374/88 (39) 12 %
ERA II 144, 619/29 (2) 12 %
H II 74, 264/7 12 %
ERA II 204, 94/101 (1) 11 %
ARS 2, 13/27 (1) 11 %
E, StK 22, 15/7 (14) 11 %
H I 10, 501/5 (3) 10 %
E, StK 32, 34/7 (20) 10 %
H II 64, 669/76 (2) 10 %
H I 10, 235/9 (4) 10 %
ERA II 174, 29/34 (22) 10 %
H II 62, 698/700, 719 (61) 10 %