H II 3, 25/8 (13)

h20300250013
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 25/8 (13)
LOC: Setu
TMP: 1889

Tõisend (Näio lunastamine.)
     2  Olli kolmõ vellotani,
     3  Olli kolmõ kasvi katsi,
     4  Üts oll vello, moro matal,
     5  Tõnõ liia lühkene,
     6  Kolmas oll kulla korgõh,
     7  Miä oll vello moro matal,
     8  Tuu tekk maja maasikatsõ
     9  Kua oll vello liia lühkene
     10  Tuu tekk liina linohkatsõ,
     11  Kua kõrgõhe ülesi,
     12  Tuu tekk kodo kuslapuitse,
     13  Miä sai hõngu linnalõ,
     14  Kua karmu Kastorahe,
     15  Lihahõngu sai linnalõ,
     16  Kalakarmu Kastorahe
     17  Näie ma sõa tulõvat,
     18  Vinne väe veerüvät,
     19  Lätsi ma majja maasikaistõ,
     20  Lätsi liina linohkaistõ,
     21  Lätsi kodo kuslapuistõ,
     22  Oll mul kodo, kohe minnä,
     23  Oll mul vello, kohe veerdä,
     24  Kell olõ-õs veljä vinnümäh,
     25  Imekanna kasumah,
     26  Olõ-õs täl kotto, kohe minnä,
     27  Olõ-õs velja, kohe veerdä,
     28  Näie tema sõa tulõvat,
     29  Vinne väe veerüvät,
     30  Kivi läts kirivä külele,
     31  Lubja valgõ varolõ,
     32  Miä iks tsirku, tuu tsiriti,
     33  Miä lõivo, tuu lõõriti,
     34  Säält sai ma kätte kanakõnõ,
     35  Pejjo piiri partsikõnõ,
     36  Oh tii tsirgu sõgõhõ,
     37  Varbõlasõ vaivanõna,
     38  Kohes tii näie näiokõsõ,
     39  Kavatsõli kabokõsõ,
     40  Sai ma sõa säitseme sisele,
     41  Vainu viie vaihõlõ,
     42  Tõotsõ ma tõllasta paeda,
     43  Sinilipusta linnata,
     44  Selle tõotsõ ma tõllast taada,
     45  Selle lipust linnada,
     46  Sõidi vello, jõusõ vello,
     47  Sibulast silda piteh,
     48  Kurolast kundu piteh,
     49  Uma sai kodo kottalõ,
     50  Umil veljo veerile.
     51  Piä sa kinni purjopoissi,
     52  Lasõ saista laivalatsi,
     53  Lasõ ma kae kodo poolõ,
     54  Silmi heidä hellä pääle,
     55  Kedä ma näe kottoh käüvät,
     56  Üle moro näe minevät?
     57  Ime näie ma kottoh käüvät,
     58  Üle moro minevät,
     59  Imekene, helläkene:
pag. 26
     61  Pästa sa tütär sõasta,
     62  Võta vällä võõrõsist,
     63  Ime lausi meelestani,
     64  Lausi meele poolõstani,
     65  Minka ma osta sõasta,
     66  Võta vällä võõrõsist?
     67  Imekene, helläkene,
     68  Kol' um sul lehma kottohna,
     69  Viis lauta velisil,
     70  Kats lauta um karja täüs,
     71  Kolmas laut kullõsit,
     72  Neläs laut nellesit,
     73  Üts sa anna mino iist,
     74  Tõnõ tõlgulõ tõoda,
     75  Ime lausi meelestani,
     76  Lausi meele poolõstani;
     77  Mine sa iäs, elä kavva,
     78  Sõaleibä mine sõkumahe,
     79  Vainukakku kastõmahe,
     80  Tütär lausi meelestani,
     81  Imekene, helläkene,
     82  Minka ma sõku sõaleevä,
     83  Minka kasta vainukaku?
     84  Olõ-õi mul käe ravvatsõ,
     85  Sõrmõkundi kuslapuitsõ,
     86  Miä tettä, kohe minnä?
     87  Sõalippu lätsi liiguma
     88  Vainutõlda valama. -
     89  Sõidi vello, jõusõ vello,
     90  Sibulast silda piteh
     91  Kurulast kundu piteh,
     92  Putu lootsik luigamaalõ,
     93  Putu vehmer Vinnemaalõ,
     94  Piä kinni pur´opoiss,
     95  Lasõ saista, laivalats,
     96  Lasõ ma kae kodo poolõ,
     97  Silmi heidä hellä poolõ,
     98  Kiä näie kottoh käüvät,
     99  Üle moro minevät?
     100  Esä näie kottoh käüvät,
     101  Üle moro minevät,
     102  Esäkene, helläkene,
     103  Osta sa tütär sõasta,
     104  Võta vällä võõrõsist,
     105  Esä lausi meelestani,
     106  Lausi meele poolõstani:
     107  Minka ma osta tüttereni,
     108  Võta vällä võõrõsist?
     109  Tütär lausi meelestani,
     110  Lausi meele poolõstani;
     111  Kol' um sul aita kottohna,
     112  Viis aita velisil,
     113  Üts hõhas hõbõhõt,
     114  Tõnõ kulda kumasi,
     115  Kolmas oll vaski vaonu,
     116  Üts sa anna mino iist,
     117  Tõnõ tõlgulõ tõoda,
     118  Kolmas sul jälki jäänenes.
     119  Esä lausi meelestani,
     120  Lausi meele poolõstani:
     121  Mine iäs, elä kavva,
     122  Sõaleibä mine sõkuma,
     123  Vainukakku kastõma,
     124  Esakene helläkene,
     125  Minka ma sõku sõaleevä?
     126  Minka kasta vainukakku?
     127  Olõ-õi mul käe ravvatsõ,
     128  Sõrmõkundi kuslapuitsõ.
     129  Miä tettä, kohe minnä,
     130  Sõalippu lätsi liiguma,
     131  Vainutõlda veerüma. -
     132  Sõidi vello, jõusõ vello,
     133  Sibulast silda piteh,
     134  Kurulast kundu piteh,
     135  Piä kinni, pur´opoiss,
     136  Lasõ saista laivalats,
     137  Lasõ ma kae kodo poolõ,
     138  Silmi heidä hellä poolõ,
     139  Kiä näie kottoh käüvät,
     140  Üle moro minevät?
     141  Näie sõsarõ kottoh käüvät,
     142  Üle moro minevät,
     143  Sõsareni, helläkene,
pag. 27
     145  Osta sa sõsar sõasta,
     146  Võta vällä võõrõsist,
     147  Minka ma osta sõsareni,
     148  Võta vällä võõrõsist?
     149  Näio lausi meelestani,
     150  Lausi meele poolõstani;
     151  Kol' um sul kirstu kottohna,
     152  Viis vaka velisil,
     153  Üts sa anna mino iist,
     154  Tõnõ tõlgulõ tõoda,
     155  Kolmas jälki jäänenes,
     156  Sõsar lausi meelestani,
     157  Lausi meele poolõstani:
     158  Kui sa elli, elä viil,
     159  Sõaleibä mine sõkuma,
     160  Vainukakku kastõma,
     161  Sõsareni helläkene,
     162  Minka ma sõku sõaleevä?
     163  Minka kasta vainukaku?
     164  Olõ-õi mul käe ravvatsõ,
     165  Sõrmõkundi kuslapuitsõ.
     166  Mia tetta, kohe minna?
     167  Sõalippu lätsi liiguma,
     168  Vainutõlda veerümä.
     169  Sõidi vello, jõusõ vello,
     170  Sibulast silda piteh,
     171  Kurulast kundu piteh,
     172  Piä kinni pur´opoiss,
     173  Lasõ saista, laivalats,
     174  Lasõ ma kae kodo poolõ,
     175  Heidä silmi hellä poolõ,
     176  Kiä näie kottoh käüvät,
     177  Üle moro minevät?
     178  Näie vele kottoh käüvät,
     179  Üle moro minevat.
     180  Velekene hellakene:
     181  Osta sa sõsar sõasta,
     182  Võta vällä võõrasist,
     183  Vello lausi meelestani,
     184  Lausi meele poolõstani:
     185  Minka ma osta su sõasta,
     186  Võta vällä võõrõsist?
     187  Sõsar lausi meelestani,
     188  Lausi meele poolõstani:
     189  Kol' um sul hobõst kottohna,
     190  Viis hobõst velisil,
     191  Üts sa anna mino iist,
     192  Tõnõ tõlgulõ tõoda,
     193  Kolmas jälki jäänenes,
     194  Vello lausi meelestani,
     195  Lausi meele poolõstani:
     196  Mine iäs, elä kavva,
     197  Kui sa elli, elä viil,
     198  Sõaleibä mine sõkuma,
     199  Vainukaku kastõma. -
     200  Näio lausi meelestani,
     201  Lausi meele poolõstani:
     202  Imekene, helläkene,
     203  Ku ti minno sõast pästä-äs,
     204  Võta-as vällä võõrõsist,
     205  Kol' oll sul lauta kottoh,
     206  Üts sul tuli palotagu,
     207  Tõnõ varas varastagu,
     208  Kolmas jälki jäänenes.
     209  Esäkene, helläkene,
     210  Kol' oll sul aita kottoh,
     211  Üts sul tuli palotagu,
     212  Tõnõ varas varastagu,
     213  Kolmas jälki jäänenes.
     214  Sõsar hellä linnukõnõ,
     215  Kol' oll sul kirstu kottoh,
     216  Üts sul tuli palotagu,
     217  Tõnõ varas varastagu,
     218  Kolmas jälki jäänenes.
     219  Velekene, noorõkõnõ,
     220  Kol' oll sul hobost kottoh,
     221  Üts sul susi söögu,
     222  Tõnõ varas varastagu,
     223  Kolmas jälki jäänenes. -
     224  Küla vello, hüä vello,
     225  Osta sa ärr sõsar sõasta,
     226  Võta vällä võõrõsist,
     227  Minka ma osta sõasta,
     228  Võta vällä võõrõsist?
     229  Näio lausi meelestani,
     230  Lausi meele poolõstani,
pag. 28
     232  Kol' um sul sõrmust sõrmõhna,
     233  Viis hõpõvitsakõist,
     234  Üts sa anna mino iist,
     235  Tõnõ tõlgulõ tõoda,
     236  Külä vello, hüä vello,
     237  Anni ütte mino iist,
     238  Tõsõ tõlgulõ tõodi.
     239  Võti hinele musta mõskijas,
     240  Kalõ kuiva kolkijas.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 32, 976/80 (7) 37 %
H II 3, 22/5 (12) 29 %
H I 10, 517/20 (5) 28 %
H I 6, 198/201 (10) 22 %
E 17625/7 (14) 22 %
H II 4, 141/7 (58) 21 %
H II 4, 203/9 (85) 21 %
E, StK 22, 26/9 (24) 18 %
H II 62, 687/90, 719 (53) 17 %
Veske 6, 222/39 (38) 16 %
Veske 6, 89/99 (15) 15 %
H, Jagomann 363/8 (10) 14 %
ERA II 151, 300/8 (2) 14 %
Veske 4, 188/98 (143) 11 %
EKmS 8° 4, 125/31 (17) 10 %
H, Põlva M, 18/9 (8) 10 %
E, StK 32, 50/1 (32) 10 %

Contains poems

EÜS I 803 (97)   58 %