H II 3, 69/70 (59)

h20300690059
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 69/70 (59)
INF_NIMI: Vasila Taarka
LOC: Setu, Hilana k.
TMP: 1889

     1  Laulasi ma viievõrra,
     2  Kuvvõ võrra kulätäsi,
     3  Sünnü-üi mul süä ilolõ,
     4  Lahku-ui meeli laulamahe,
     5  Süä iks tiidse süüdü panda,
     6  Meeli mitu mõtõlisi,
     7  Mano võti iku livva,
     8  Viirde silmävii livva,
     9  Ikku iki livvatävve,
     10  Silmävetta veeretasa,
     11  Kiä tull nu kaemahe,
     12  Kua karas kutsmahe,
     13  Sinisiiba tsirgukõnõ,
     14  Vahajalga varbõlanõ,
     15  Midä ikõt sa näiokõnõ,
     16  Kahitsõlõt kabokõnõ,
     17  Eelä mul maama marja läts,
     18  Armu andja maranahe,
     19  Oodi ma eela, oodi täämba,
     20  Oodi ma kolmõ kolmapäivä,
pag. 70
     22  Oodi nelja neläpäivä,
     23  Viis rikasta riidit,
     24  Kuus kullast puulpäivä,
     25  Lasõ-õi ikk mul ilotõlla,
     26  Kurvamiili kulätõlla,
     27  Olõ-õi ma luudu laulijas,
     28  Isit ilo pidäjäs,
     29  Olõ ma luudu ikumõhe,
     30  Luud lainu laskõjas
     31  Pallo oli ikku mi imel,
     32  Süämevaiva vanõmbil
     33  Kelle ma ütle uma oho,
     34  Uma ka´ho kaibõlõ;
     35  Jumalalõ ütle uma oho,
     36  Maarijalõ ka´ho kaibõlõ,
     37  Olgu Eesu mi esä,
     38  Olgu Maarja mi maama,
     39  Kohe meil kumo kuulusi,
     40  Kohe helü heidüsi?
     41  Kumu kaldu kuldakaivo,
     42  Helü hõpõlättehehe,
     43  Kuldakaivo um kavvõtah,
     44  Hõpõläteh Lätimaal,
     45  Lätsi ma lätehte lävele,
     46  Kuldakao kottalõ,
     47  Kao kaast liigutõlli,
     48  Kaiõ kao kaasõ alla,
     49  Iih oll nelli neitsikeist,
     50  Kolm kulda noorikõt,
     51  Üts kudi kuldakangast,
     52  Müti maagõlangasit,
     53  Tõnõ lõigi linarõivast,
     54  Kolmas kaki kalõvat,
     55  Esi lõigi, esi iki,
     56  Esi kaki, esi kahidsi,
     57  Mina küündü küsümä,
     58  Mina nõssi nõudõma,
     59  Midä sa ikõt, näiokõnõ,
     60  Midä kaibat kabokõnõ,
     61  Kelles sa lõigut linarõivast,
     62  Kelles kakut kalõvat,
     63  Mul um vello sõtta viid,
     64  Imekana kavvõtahe,
     65  Tuulõ lõigu, tuud ikõ,
     66  Tuulõ kaku, tuud kahidsõ.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 32, 965 (1) 13 %
E, StK 32, 68/9 (54) 13 %
EKmS 8° 4, 24/5 (7) 11 %
H, Jagomann 228/9 (27) 10 %
ERA II 278, 621/3 (6) 10 %
EKmS 8° 4, 489/90 (2) 10 %