H II 3, 77/8 (70)

h20300770070
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 77/8 (70)
INF_NIMI: Vasila Taarka
LOC: Setu, Hilana k.
TMP: 1889

     1  Sulasõlõ anti suurta tööda,
     2  Näitsikulõ nädälis,
     3  Mullõ tüüdä kergehempä,
     4  Kergehet ja hõlbusat,
     5  Hani hoita, kana kaitsa,
     6  Aiõ ma hani vesile,
     7  Aiõ laglõ lainillõ,
     8  Kodas jo linnas korgõ'õsta,
pag. 78
     10  Siibo sipsõ lainõ'õsta,
     11  Veie ärr hani vesilta,
     12  Veie laglõ lainõ'õlta,
     13  Lätsi hanni otsimahe,
     14  Kanna perrä kaemahe,
     15  Lätsi, lätsi, tükü tiidä,
     16  Maada marä võrrakõsi,
     17  Kiä vasta putusigi,
     18  Putusigi, johtusigi?
     19  Külä karüsõ sõsarõ,
     20  Vitsavõtja virvekese,
     21  Kas ti näie mu hanni,
     22  Kas ti näie, kas ti kuuli,
     23  Sedä tiidä minevät? -
     24  Miä oll tähte su hanil,
     25  Kua arvu armal? -
     26  Hõdsik oll hõpõlõ joodõt,
     27  Kaal oll kulda kirotõt,
     28  Pää oll poodõt langasillõ,
     29  Tuu oll tähte mu hanil,
     30  Tuu oll arvu mu armal, -
     31  Eka näe-es, eka kuulõ-õs,
     32  Sedä tiidä minevätä,
     33  Meil um iks ohto uma võrra,
     34  Um meil kaiho katõvõrra,
     35  Ega päävä kari kuuli,
     36  Ega päivi vili süüdi,
     37  Lätsi ma jäll tükü tiidä,
     38  Tükü tiidä, pallo maada,
     39  Kiä vasta putusigi,
     40  Putusigi, johtusigi?
     41  Põllu põimija sõsarõ,
     42  Kas ti näie mu hanni,
     43  Kas ti näie, kas ti kuuli?
     44  Ärä mi näie, es mi tunnõ,
     45  Ärä mi kaiõ, es kavatsõ,
     46  Kua oll tähte su hanil,
     47  Kua arvu su armal?
     48  Hõdsik oll hõpõlõ joodõt,
     49  Kaal oll kulda kirotõt,
     50  Näiokõnõ, noorõkõnõ,
     51  Mine sa siista sedä tiidä,
     52  Sedä tiidä, pallo maada,
     53  Mine tuuhu mõisijahe,
     54  Koh oli lülli lavvas pantu,
     55  Kabla kannõldõs lävele,
     56  Sinnä sul hani hukati,
     57  Sinnä laglõ lahutõli,
     58  Veri süüdi viina iist,
     59  Liha süüdi leevä iist,
     60  Liha livvasta libisi,
     61  Veri pilkõ pikerilla,
     62  Kubijillõ sai kurgu võida,
     63  Kiltrillõ keele pehmüdellä,
     64  Veri iks toobil mõõdõti,
     65  Liha lipsõ lõiguti.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 33, 29/34 (8) 18 %
E, StK 32, 30/2 (17b) 17 %
E, StK 22, 43/5 (33) 15 %
H II 32, 972/6 (6) 15 %
H, Jagomann 637/41 (54) 15 %
ERA II 174, 738/9 (10) 14 %
H III 29, 841/4 (25) 11 %
Veske 4, 275/33 (155) 10 %
H I 6, 231/2 (4) 10 %