H II 3, 90/1 (79)

h20300900079
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 90/1 (79)
INF_NIMI: (?)Vasila Taarka
LOC: Setu, (?) Hilana k.
TMP: 1889

     1  Imekene, helläkene,
     2  And mu vällä väikust,
     3  Küla karja kasinast,
     4  Sälgä sünnü-üs mullõ orä särk,
     5  Orä käüs käe pääle,
     6  Imekene, hellakene,
     7  Maamakõnõ, maräkõnõ,
     8  Tekk mullõ varra vaiva särgi,
     9  Kabist mullõ murrõ kasuka,
     10  Kelle ma ütle uma oho,
     11  Uma kaho kaibõlõ,
     12  Kivile ma ütle uma oho,
     13  Kannulõ ma kaibõlõ,
     14  Kivi um kindmä keelega,
     15  Kand kalõ süämega,
     16  Kivi iks kellegi ütle-ei,
     17  Kand kualõgi kaibõlõ-õi,
     18  Kabo ma koolõ ikkõh,
     19  Lää mulda murõhtõh,
     20  Ime pand mullõ hirmu hiussõhõ,
     21  Pand karä kaala pääle,
     22  Ori iks tuu orsil maka,
     23  Palgaline paanõ pääl,
     24  Ku iks tuu orsi hõlõhtu,
     25  Ku iks parsi painahtu,
     26  Tiidse ma iks üles ajavat,
pag. 91
     28  Kulsi üles kutsvat,
     29  Hius mul heitü pää pääl,
     30  Veri paes palgõst,
     31  Näio olõ ma iks väega väikene,
     32  Maräkõnõ madalakõnõ,
     33  Kualäve korgukõnõ,
     34  Tarõläve tasakõnõ,
     35  Aidaläve arvuline,
     36  Sünnü-üi sälgä ime hamõ,
     37  Ime käüs käe pääle, -
     38  Tuli ma üles hummokulla,
     39  Inne varra valgõt,
     40  Suu ma mõsi silmaviil,
     41  Jala känge kärehil,
     42  Ku ma iks näi muid sõsarit,
     43  Tõsõ talo tütrit,
     44  Kuis nuu iks suu ilol mõsi,
     45  Jala känge käbehehe,
     46  Sälga säeti mullõ orä särk,
     47  Orä käüs käe pääle,
     48  Seo tekk nu ime ilotuhe,
     49  Kodo vanemb kurastõ,
     50  Muid ai üles uma imä,
     51  Kuts üles kulla kana,
     52  Ime ai üles armahõ,
     53  Kuts üles kullatsõhe,
     54  Oh iks minno näiokõist
     55  Minno meelimaräkõist,
     56  Üles aiõ minno orä imä,
     57  Aiõ karja kasvataja, -
     58  Maamakõnõ, marakõnõ,
     59  Imekene, helläkene,
     60  Mille anni mu vällä väikust,
     61  Külä karja kasinast,
     62  Anni mu ärr võõra oräs,
     63  Tõsõ mehe tõhutõlla,
     64  Kuulõ-õi ma kuu kulla sõnna,
     65  Ajastaga armusõnna,
     66  Armul olõ-õi sõna andjat,
     67  Helläl sõna heitjat, -
     68  Seo ma ütle ikku ima pääle,
     69  Seo ma kuugu kulla pääle,
     70  Madalusi maama pääle,
     71  Külä karüsõ sõsarõ,
     72  Vitsavõtja virvekese,
     73  Kullõlgõ iks tii'ki mu kuukmist,
     74  Näiokõsõ nuutskmist. -
     75  Ajakõ iks siiä selle poolõ,
     76  Ma tõuka tollõ poolõ.