H II 4, 125/35 (56)

h20401250056
Setumaa
Hurt, Joosep
1886

Types

Lüroeepilised laulud
└ Kosjafantaasiad ja pereelu
 └ Mereminia
Õunapuust neiu
Mereminija

Metadata

COL: Joosep Hurt
ID: H II 4, 125/35 (56)
INF_ELUL: Wasila tütar, noor neiu
INF_NIMI: Maarja
LLIIK_YHT: _ ; Lüroeepilised laulud (Kosjafantaasiad ja pereelu)
LOC: Setu, Järvesuu v., Lobotka k.
TMP: 1886
TYP: Õunapuust neiu + Mereminija
TYP_YHT: _ + Mereminia

     1  Lätsi iks õdagu magama
     2  Panni kinni ese ussõ
     3  Vääle1
(ehk: vändse)
 kinni vele värä'
     4  Tulli üles hummogul
     5  Varra inne valgõhõt
     6  Lätsi ussõ kaemahe
     7  Ussõ tsõõrilõ morolõ.
     8  Olli iks uibo ussaiah
     9  Vislapuu velisih
     10  Üte üüga kasunu
     11  Ütel tunnil üles tulnu.
     12  Sis ütli ma umale velele
     13  Kõnõli imekanalõ:
     14  Mine sa ussõ kaema
     15  Om iks uiboh moro pääl
pag. 126
     17  Vislapuu velisih
     18  Ära iks ta sügüse häitsesi
     19  Talvel mar´olõ minesi
     20  Suvõl iks uiboh kuionõs.
     21  Vel´lo läts´ uibot ragoma
     22  Mar´apuud maalõ laskma
     23  Lei iks ta voori uibolõ
     24  Maalõ säält oidu näio usku
     25  Näio viisi vislapuust
     26  Tuu olli uiboh näio suku
     27  Vislapuu olli näio verd
     28  Uibonõ sai iks näiokõnõ
     29  Kadajanõ kabokõnõ
     30  Ärä'ks ta pakku pagõsi
     31  Pagõsi ta pal´lo maad
     32  Lätsi ta kõrgi kõivo mano
     33  O'ks sa kõivo hoia mino
     34  Kallis kõivo kata minno
     35  Takah mul tapija tulõva
     36  Takah tulõ terräv kirves
     37  Peräh vali vaiva' ravva'
     38  Kõivo iks lausi meelestäni
pag. 127
     40  Lausi meele poolõstani:
     41  Võtasigi ega või-i
     42  Tulõ iks hummok nõsõs päiv
     43  Pal´lo um iks poissa külah
     44  Kabokõisi kasterah
     45  Ära iks kõivo tikatas
     46  Näio sis mahlalõ tulõva
     47  Viirde vihalehessele
     48  Alta iks viiäs makõ' mahla'
     49  Veerest vihalehese'
     50  Ärä iks sa näio löüdänede.
     51  Uibonõ iks näiokõnõ
     52  Kadajanõ kabokõnõ
     53  Pagõsi ta pal´lo maad.
     54  Mis täl vasta putunõs?
     55  Kaivo vasta putunõs.
     56  O'ks sa kaivo hoia minno
     57  Kallis kaivo kata minno
     58  Takah mul tapija' tuleva
     59  Takah mul tulõ terräv kirvõs´
     60  Peräh vali vaiva' ravva'.
     61  Kaivo iks lausi meelestäni:
pag. 128
     63  Ega'ks ma või näiokene
     64  Või-i kallis kabokõnõ
     65  Tule iks hummok nõsõs päiv
     66  Näio' vesile tulõva
     67  Kabo' kaldu kaivo mano
     68  Ärä iks näio löüdäned.
     69  Uibonõ näiokene
     70  Vislapuunõ virvekene
     71  Pagesi iks pal´lo maad
     72  Pal´lo maada tükü teedä
     73  Hamõh täl säläh habisi
     74  Liha säläh libisi.
     75  Ärä iks ta lätsi paiu mano.
     76  O'ks sa paiu hoia minno
     77  Kallis paiu kata minno
     78  Takah mul tapija' tulõva
     79  Takah tulõ terräv kirvõs´
     80  Peräh vali vaiva ravva'.
     81  Paiu lausi meelestäni
     82  Lausi meele poolõstani:
     83  Ega'ks ma või näiokene
     84  Tulõ hummok nõsõs päivä
     85  Pikä' niidse' kistanese'
pag. 129
     87  Ägli vitsost viiänes
     88  Ärä iks näio löüdänede.
     89  Uibonõ iks näiokene
     90  Kadajanõ kabokõnõ
     91  Pagesi iks pal´lo maad.
     92  Mis täl vasta putunõs?
     93  Katai vasta putunõs.
     94  O'ks sa katai hoia minno
     95  Kallis katai kata minno.
     96  Katai lausi meelestäni
     97  Lausi meele poolõstani:
     98  Ega iks ma või näiokene
     99  Tulõ hummok nõsõs päiv
     100  Ollõ- iks -mar´a' otsitasõ'
     101  Aiavitsost viiänes
     102  Ära sa näio löüdäned.
     103  Uibone iks näiokene
     104  Kadajane kabokõnõ
     105  Lätsi iks ta haava mano.
     106  O'ks sa haava hoia minno
     107  Kallis haava kata minno.
pag. 130
     109  Haava lausi meelestäni
     110  Lausi meele poolõstani:
     111  Ärä'ks ma või ega võta-a.
     112  Näio lausi meelestäni
     113  Lausi meele poolõstani:
     114  Saagu sa haava habisõma
     115  Sino lehe' libisemä
     116  Kui iks mul hamõh habisõs
     117  Kui mul liha libises.
     118  Uibonõ näiokõnõ
     119  Kadajanõ kabokõnõ
     120  Läts´ ta mere veere pääle
     121  Lätsi Piusa perve pääle
     122  Ärä'ks ta lausi meelestäni
     123  Lausi meele poolestani:
     124  O'ks sa meri hoia minno
     125  Kalajärv´ kata minno
     126  Takah mul tapija' tulõva'
     127  Takah mul tulõ terräv kirvõs´,
     128  Meri võti ta umast minijäst
     129  Järvi umas tütres
     130  Meri iks meelüt´ timä meele
pag. 131
     132  Sütit haigõ süäme.
     133  Ärä tulli kinä kevväi
     134  Tul´l suur´ suvõkõnõ
     135  Tulli ta viirde viidikest
     136  Külä ala ahunast
     137  Näivä sis nulga noorõmehe'
     138  Näivä kolga kosilasõ'
     139  Võti na nooda nulga päält
     140  Sadasilmä saibast
     141  Lätsi na merde püüdemä
     142  Lätsi mere veere pääle
     143  Teretelli tehrütelli:
     144  Ärä iks tere mereminnij
     145  Mereminnij järvetütär
     146  Kas sa olõd mii umanõ
     147  Mii meelimar´akene?
     148  Ega ma olõ tii umanõ
     149  Tii meelimar´akõnõ
     150  Hopõn´ ommõ tii umanõ
     151  Ruuska meelimar´akene.
     152  Järve- iks -tütär mereminnij
     153  Haari ta handa kääni päädä
pag. 132
     155  Kääni ta pää käküssihe.
     156  Ärä iks tulli suuri suvi
     157  Ära iks tulli kinä kevväi
     158  Haari ta handa kääni päädä
     159  Kääni ta suu suvõ poolõ
     160  Kääni pää päävä poolõ
     161  Tulli ta viirde viidikest
     162  Külä ala ahunast.
     163  Näivä jäll nulga noorõmehe'
     164  Näivä kolga kosilasõ'
     165  Lätsi na mere veere pääle
     166  Lätsi Piusa perve pääle
     167  Teretelli tehrütelli:
     168  Järvetütär mereminnij
     169  Kas sa olõd mii umanõ
     170  Mii meelimar´akene?
     171  Haina iks ommõ tii umanõ
     172  Vikaht meelimar´akõnõ.
     173  Järve- jäll -tütär mereminnij
     174  Haari handa kääni päädä
     175  Kääni ta pää käküssihe.
     176  Tulli jäll suuri suvõkõnõ
pag. 133
     178  Tulli kinä keväjäkene
     179  Tulli jäll viirde viidikest
     180  Külä ala ahunast
     181  Näivä jäll nulga noorõmehe'
     182  Näiva kolga kosilasõ'
     183  Lätsi na mere veere pääle
     184  Lätsi Piusa perve pääle
     185  Teretelli tehrütelli:
     186  Ärä iks tere mereminnij
     187  Mereminnij järvetütär
     188  Kas sa olõd mii umanõ
     189  Mii meelimar´akõnõ?
     190  Ega iks ma olõ tii umane
     191  Tii meelimar´akõnõ
     192  Adõr om tii umane
     193  Maa meelimar´akene.
     194  Järvetütär mereminnij
     195  Haari ta handa kääni päädä
     196  Kääni ta pää käküssihe.
     197  Tulli jäll suur suvõkõnõ
     198  Tulli kinä keväjäkene
     199  Kääni ta suu suvõ poolõ
pag. 134
     201  Kääni pää päivä poolõ
     202  Tulli jäll viirde viidikest
     203  Külä ala ahunast.
     204  Säält iks näie mino vel´lo
     205  Mino kallis imekana
     206  Läts´ ta mere veere pääle
     207  Läts´ ta Piusa perve pääle
     208  Teretelli tehrütelli:
     209  Ärä iks tere mereminnij
     210  Mereminnij järvetütär
     211  Kas sa olõd mu umanõ
     212  Mino meelimar´akõnõ?
     213  Ärä'ks ta lausi meelestäni
     214  Lausi meele poolõstani:
     215  Sis ma iks olõ su umanõ
     216  Sino meelimar´akene
     217  Um iks uiboh moro pääl
     218  Vislapuu velisih
     219  Üte üüga um kasunu
     220  Ütel tunnil üles tulnu
     221  Küleh sääl kasvi makõ' mar´a'
     222  Makõ' mar´a' mesitsäuga'
pag. 135
     224  Illos´ um sääl upin uiboh
     225  Mari verrev vislapuuh.
     226  Upin võta sa illos´ uibost
     227  Mari verrev vislapuust
     228  Oiu sis siiä ubinal
     229  Veerä mar´al vereväl
     230  Sis ma olõ su umanõ
     231  Sino meelimar'akõnõ
     232  Vel´lo iks kullõl timä sõna
     233  Ärä ta kodo joostõh joosi
     234  Joostõh joosi jalol käve
     235  Võt´t iks ubina uibost
     236  Mar´a verevä vislapuust
     237  Oidu ta sinnä ubinal
     238  Veeri mar´al vereväl.
     239  Järve iks tütär mereminnij
     240  Ärä ta lausi meelestäni
     241  Lausi meele poolõstani
     242  Ärä iks mul minnä miä tetä
     243  Ärä iks mul minnä lootuvallõ
     244  Ärä iks minnä kündijälle
     245  Kündijälle külvijälle.
1 (ehk: vändse)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 32, 5/7 (1) 17 %
H II 4, 349/55 (147) 11 %
E, StK 32, 64/7 (51) 10 %