H II 5, 477/81 (5)

h20504770005
Tartumaa — Sangaste
Hurt, Joosep
1877

Types

Laulud abielust
└ Abielunaise põli
 └ Isa- ja mehekodus
Isa ja mehe kodus
Kuri mees

Metadata

COL: Joosep Hurt
ID: H II 5, 477/81 (5)
INF_ELUL: 60 a.
INF_NIMI: Liis Kurg
LLIIK_YHT: _ ; Laulud abielust (Abielunaise põli)
LOC: Sangaste khk.
TMP: 1877
TYP: Kuri mees + Isa ja mehe kodus
TYP_YHT: _ + Isa- ja mehekodus

     1  Poisi' luudu petijäs
     2  Petijäs ja võtijas
     3  Tulõ mullõ näio noori
     4  Mullõ karga kabo käpe
     5  Ma lää pia Pihkevadõ
     6  Ma lää ruttu Roodsimaalõ
     7  Ma tuu Pihkvast pikä sii'
     8  Roodsimaalta rohiladsõ'
     9  Ma panõ padjulõ magama
     10  Sii ala sirusside
     11  Vildi ala venüsside
     12  Sai'e näio saanuvas
     13  Kabo sinnä kalluvas
     14  Läts´ ta pia Pihkevade
     15  Lätsi ruttu Roodsimaale
     16  Pihkvast tõiõ pikä' piidsa'
     17  Roodsimaalta keeru-roosa'
pag. 478
     19  Pand´ piidsulõ magama
     20  Karbatsilõ kambõrilõ
     21  Pand´ piidsa piida pääle
     22  Roosa ruhe otsa pääle
     23  Küt´t näio kühma pääle
     24  Sääd´ näio sällä pääle
     25  Neo' Pihkva pikä sii'
     26  Roodsimaa rohilitse'
     27  Sedä ihksid elle'en
     28  Karksid kasupõlvõ'õn
     29  Oi Jummal Jumalukõnõ
     30  Maari matal´ linnukõnõ
     31  Kui ma elli esä koton
     32  Hani viirdü velle veeren
     33  Olli ku osi murulõ
     34  Käve ku käbü küläle
     35  Ussõ lätsi uike'en
pag. 479
     37  Tarrõ tulli tandsõ'õn
     38  Oi Jummal´ Jumalukõnõ
     39  Maari matal´ linnukõnõ
     40  Nüüd sai siiä talulõ
     41  Kon om Ärtü ämmä nimi
     42  Pühä-Jüri pei'o nimi
     43  Velle' ku Viru varõssõ'
     44  Sõsarõ' Arju araku'
     45  Nao' Narva rakakõsõ'
     46  Tulõ puhas´ puulpää
     47  Sakõ sannakütemine
     48  Kästäs verdest vihta haudu
     49  Tsialihast lipõ tetä
     50  Aanikista lõuna' heitä
     51  Võõras´ olõ kost ma võta
     52  Külä olõ kelt ma küsü
     53  Võt´ma' võõrasta käena
     54  Taba tarku puusa pääl.
pag. 480
     56  Tulõ võõras´ anna võti
     57  Tulõ tarka lasõ taba
     58  Seeni näio näl´gä koolõs
     59  Kabu näl´gä kannatõs
     60  Kui no muru muijalt tuvvas
     61  Otsakõsõ' otsitasõ'
     62  Palakõsõ' palleldasõ'
     63  Leeväkiku' kerjatäse'.
     64  Kui ma elli esä koton
     65  Kui ma tandsõ taadõ tarõn
     66  Hani viirdü velle veeren
     67  Panni piru purdõs
     68  Olõkõrrõ kõnnikis
     69  Pird es painu purdin
     70  Olõkõrs´ kõnnikin
     71  Nüüd panõ pal´gi purdõs
     72  Noorõ kõo kõnnikis
pag. 481
     74  Pal´k painus purdin
     75  Nuur kõiv kõnnikin
     76  Perrä kaes peio emä
     77  Kaes kaasa kasvataja
     78  Kunas ta uhmõr' oolunõs
     79  Tarupakku tasanõs
     80  Kas panna pal´gi ette
     81  Vai eitä irrõ ette
     82  Kuulõ peenü pei'o emä
     83  Kaasa kallis kasvataja
     84  Är' pangu pal´gi ette
     85  Ärä irrõ ette
     86  Küll ta uhmõr´ oolunõssõ
     87  Tarupakku tasanõsse
     88  Oi Jummal´ Jumalukõnõ
     89  Maari matal´ linnukõnõ
     90  Pästä minno põrgust
     91  Kuratide koolimajast.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERM 160, 2/3 (8) 18 %
ERM 19, 46 (36) 18 %
ERM 160, 2 (6) 17 %
ERM 19, 49/50 (38) 17 %
H II 51, 332/5 (7) 14 %
H II 48, 812/3 (11) 13 %
H II 5, 545/6 (10) 10 %