H II 6, 786/8 (8)

h20607860008
Tartumaa — Sangaste
Seen, Gustav
1890

Metadata

COL: Gustaw Seen
ID: H II 6, 786/8 (8)
INF_NIMI: Els ?
LLIIK: Pulmalaulud
LOC: Sangaste khk, Sangaste v.
TMP: 1890

     1  Oi mu innist elukõist,
     2  Kaunist kasupõlvõkõist,
     3  Miä ma elli esi kodun,
     4  Keeritelli velle veeren!
     5  Hius ol´l pik´kä nigu pirdu,
     6  Palõ lag´a nigu laudu,
     7  K´es ol´l sorrõ sug´imata,
     8  Lahvõs ilma lahumata.
     9  Mõtsa sugara sug´isi
     10  Laanõ ladva lahutõlli.
     11  Lät´si üle Moosõ muru,
     12  Muru jäi perrä mohenõma,
     13  Ain jäi perrä hal´letama,
     14  Jäi no imä ikkõma,
     15  K´älu k´ässi pessema
     16  Sõsar´ sõrmi murdõlõma!
     17  Ärä viiäs iks näiukõnõ,
     18  Ärä näiu õnnõkõnõ!
pag. 787
     20  Jääse vasigõ vallalõ,
     21  Kitsõ kinni ajamada,
     22  Lamba lauta laskõmada,
     23  Suurõ sika sulgõmada.
     24  Jääs no vaiv vanulõ k´äsile,
     25  Kaokuuku kaala pääle.
     26  Mis saa tüteri'ista?
     27  Silmävesi, süäme halu.
     28  Sau sai sanna küttemästä
     29  Silmävesi vihtõmasta.
     30  Ennembä mähi mätteid,
     31  Tutsutõllõ turbõiid!
     32  Mättäst saa iks k´äe mähi,
     33  Turbast saa iks sällä tug´i.
     34  Päiv lät´s ku vereti,
     35  Imä ik´k ku nõrõti,
     36  Imä ik´k iks tüteriid,
     37  Kahit´s karja saatõjiid.
     38  Mis saa tütärde tüüstä,
     39  Neiu vaiva näg´emäst?
     40  Kin´gitäs k´ehvä k´irstukõnõ,
     41  Andas aher´ õhvakõnõ.
     42  Arda poelõ andassõ,
     43  Kari kallus minijile.
     44  K´irstu viiäs villä aita,
     45  Kannõtasõ kaara aita,
     46  Kon või tsõdsõ kanna ravida.
     47  Kullõ sa küll noori meesi,
     48  Võta sa naanõ näitsikusta,
     49  Kaask´ k´üla karjussõst!
     50  Ärr sa võtku suurõst suusta,
pag. 788
     52  Seeni iks näitsik lehma nüssi,
     53  Seeni ori karja saati,
     54  Kui nee suurõ suuda mõskva,
     55  Rikka rinda silitsäse.
*1 (?)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H III 9, 910/11 (1) 18 %
ERA II 85, 377/8 (5) 14 %
H II 36, 140/1 (169) 13 %
H II 36, 282/3 (458) 12 %
H, Wiedemann 2, 262/3 (6) 11 %
ERA II 2, 177 (1) 11 %
H II 6, 806 (16) 11 %
H, Wiedemann 2, 22/5 11 %
H II 5, 524 (14) 10 %
E A 590/2 (13) 10 %
H II 36, 220/1 (298) 10 %
H II 36, 306/8 (507) 10 %