| |
Kuri ämmäk
|
|
| |
Ellivä üteh taloh esä, ämmäk, poig ja tütär. Esä läts tüühü ni ütel´ ämmäkule: keedä' sa mullõ laiha lihha, kiitku ei vägevät. Ämmäk mõtõl´: kost ma tuud laiha lihha võta. Ütel´ tollõ võõralõ pojale: mine' mu kirstu mano, sääl om verevä külega upin sullõ. Pojakõnõ läts võtma, a ämmäk lei kirstu kaasõ kinni - pää sattõ sisse, kihä väl´la. Ni võt´t ämmäk ts´urakõsõ kihä, ni kiit´ esäle süvvä. Esä sei, kit´t päälege, ni tiiä-äs midägi tuust. A sõsar kor´as´ luukõsõ' kokko, vei mõtsa tammõ sisse, säält sai kägo. Ni tuu kägo linnas´ kübärätegija akna pääle, ni laule sääl nii: |
|
| |
|
|
|
4 |
Ämmäk imä minno tape, kuku, kuku,
|
|
|
5 |
Esä seie mino liha, kuku, kuku,
|
|
|
6 |
Veli jõie mino vere, kuku, kuku,
|
|
| |
pag. 724
|
|
|
8 |
Sõsar kor´as´ luu' kokko, kuku, kuku
|
|
|
9 |
Köüte siniräti sisse, kuku, kuku
|
|
|
10 |
Veie mõtsa tammõ sisse, kuku, kuku.
|
|
|
11 |
Säält saie käokõnõ, kuku, kuku
|
|
|
12 |
Sinisiivi tsirgukõnõ, kuku, kuku.
|
|
| |
Sääl laule nii kavva, kui kübarätekij visas´ tõõsõlõ üte kübärä. Sis linnas´ tuu tsirk saapategija akna pääle, sääl laule ka niisama, niikavva ku tuu jäll paari saapit heit´. Pääle tuu linnas´ tõõnõ sõlõtegija mano, laule sääl ka; säält anti sõlg hõbõhõnõ. Sis linnas´ kivitsagaja mano, laule sääl ka nii kavva, ku tuu kivipoolõ an´d. |
|
| |
|
|
| |
Sis tul´l umma kodo esä poolõ, nakas´ katusõl niisamuti laulma. |
|
| |
|
|
| |
Ämmäk kullõl´, ütel´ esäle: Kuulõ määne tsirk sääl porra, mine' anna' tälle nuiaga. |
|
| |
|
|
| |
pag. 726 Esä läts kaema, ni kägo heit´ esäle kübärä. A esi iks laul´ ja kuuke niisama. Ni ämmäk ütel´ pojalõ: mine' anna' toolõ tsirgule, mis ta porra sääl. Ni läts tuu veli väl´lä, ni kägo heit´ saapa', a esi iks laule edesi. Ämmäk ütel´ tütrele: mine' no heidä' tälle kiviga, kavvas mi kullõ tuud lorri. Läts sõsar väl´lä, ni tsirk heit´ sõlõ. Kägo iks kuuke ja laule katusõl, ni ämmäk haard´ ah´oluvva, et: ma tälle näüdä! Juusk´ väl´lä, ni kägo heit´ veskikivi poolõ kaala, ni ärki tap´p ämmäku. Ni es´ki linnas´ är. |
|
| |
|
|
|
| |
|