H, Jagomann 106/14 (5)

hjag01060005
Setumaa
Jagomann, Jakob
1877

Types

Lüroeepilised laulud
├ Müütilised laulud
│ └ Kuldnaine
└ Kosjafantaasiad ja pereelu
 └ Naisetapja

Metadata

COL: Jakob Jagomann
ID: H, Jagomann 106/14 (5)
INF_NIMI: setu naine
LLIIK_YHT: Lüroeepilised laulud (Müütilised laulud - Kosjafantaasiad ja pereelu)
LOC: Setu, Mäe v., Järvepää k.
TMP: 1877 (kogutud); 1878 (saadetud)
TYP_YHT: Kuldnaine + Naisetapja

     1  Toomas torrõ poisikene,
     2  Maani matal mehekene,
     3  Tahtsi iks naiseta elada,
     4  Tahtsi koolda kosimada,
     5  Jõvva.es naseta eladä,
     6  Jõvva-es koolda kosimada.
     7  Tahtsi iks puusta naista tetta,
     8  Lepäpakust lõigada,
     9  Kulda tahtsi panda palge'es,
pag. 107
     11  Hõbõheta heä hilust -
     12  Ega iks puusta naista saa,
     13  Lepäpakust lõigata,
     14  Püsü iks kulda palgõeh,
     15  Hõbõ heä iluhna. -
     16  Ärä iks sulli suula maitseh,
     17  Palli patta pandonõh. -
     18  Kos´e iks naista võtti naase,
     19  Kos´e komesta päävästä,
     20  Haari ütest humongost,
     21  Kaldu naane kauge'esta
     22  Viibu viiesta suvesta,
     23  Haari iks näioda vihada,
     24  Haari pessa pergepääd. -
     25  Kui sai üskä üsaline,
     26  Kässi pääle käsiline,
     27  See ol´l iks jutust joogipaigah,
     28  Seo kõnnõst kõrtsipaigah,
     29  Must tul´l iks muidõ seäst
     30  Tõrvaskand tõiste seäst,
     31  Toomas torre poisikene,
pag. 108
     33  Maani matal mehekene,
     34  Mis sa annat tappijale,
     35  Massat palgast mattijale?
     36  Toomas iks vasta torahti:
     37  Anna ma iks vakka vanna raha,
     38  Külümito killingit. -
     39  Tikka sa kõivo mäele,
     40  Vaher nõrka nõtso pääle,
     41  Ala sa iks vii vaskivaadi,
     42  Kuldakoppa kummutõlõ,
     43  Esä mine iks olilõ,
     44  Pääd põtõh päitsele,
     45  Siis nakka mahla tahtõmahe,
     46  Vahtravett vaidõlõma,
     47  Oh iks tuu nuurt noorikut,
     48  Oh tuud ninni neitsekeist,
     49  Sis timä vaimo vasta lassi:
     50  Taar viil tarõh vastanõ,
     51  Koa õlut kurnatas.
     52  Toomas iks vasta torahti:
     53  Ega mi iks tahha sino taari,
     54  Mõtõlõ-ei sino mõtu,
     55  Mina iks mahla tahasi,
pag. 109
     57  Vahtravett vaidõlõsi,
     58  Oh iks tuut nuurt noorikut,
     59  Oh ninni neitsekeist. -
     60  Är iks minnä meä tettä,
     61  Är iks kävvä kui kästi -
     62  Säält iks joosi aidateele
     63  Keä iks sääl aidah ol´l? -
     64  Ülä esä helläkene,
     65  Hoidege iks mino ulli,
     66  Kaege mul katsi vaesta,
     67  Maa lää mahlalõ mäele,
     68  Ala vahtera mageta,
     69  Esäsä iks lausi meelestani:
     70  Minne iks mine minijani,
     71  Käü käü käskijalg -
     72  Küll saava ulli hoietus,
     73  Sava kana kaetus -
     74  Kuiva neile koorõ kor´atasõ,
     75  Vatsaveere visatase.
     76  Sääld timä joosi tarõteele,
     77  Keä sääl tarõh iih ol´l?
     78  Ülä ima hellakene,
pag. 110
     80  Hoidke iks mino ulli,
     81  Kaege katsi vaesta,
     82  Ime lausi meelestani,
     83  Lausi meele poolõstani:
     84  Mine iks mine minijani,
     85  Käü käü käskijalg.
     86  Küll savva ulli hoietus,
     87  Saava kana kaedus,
     88  Kuiva neile koorõ kor´atasõ,
     89  Vatsaveere visatase.
     90  Neiokene noorekene,
     91  Läts iks ta aida ehtimahe,
     92  Päälkohe päädimahe,
     93  Kirstu iks kiriva külele,
     94  Vaka valge var´olõ -
     95  Sääl löüs ehtit ikkõvat,
     96  Suure puudit puhuvat,
     97  Küssüteli nõvvatõli:
     98  Mes iks ikkõt ehtekese,
     99  Puhut suure puudõkese,
     100  Neiokene noorekene,
     101  Jääs iks katsi mul kanasta,
pag. 111
     103  Katsi maalõ marjakeist.
     104  Küll teid pääle pandase,
     105  Küll teid sälgä säetäs.
     106  Sis läts näio minemähe,
     107  Lätsi kabo kaalumahe,
     108  Küdü künni nurme päälä,
     109  Nadu kaits karja kaldõeh,
     110  Küdü iks keeli kündemast,
     111  Nadu karja kaitsemast:
     112  Ärä iks mingo minijani,
     113  Viirko mii vele naane. -
     114  Sinna iks soe summe lätsi,
     115  Kahru katõh hulgahna,
     116  Viis läts valda varõsita,
     117  Kats kõrda kaarenita.
     118  Kõik iks veerus su verele
     119  Kõik rõõkõ rõipõle. -
     120  Temä iks laasi meelestani:
     121  Kuulõ iks mo hää ülä veli,
     122  Kuulõ kallis kasusõsar,
     123  Ärä iks mul minna meä tetta,
     124  Ärä kävvä kui kästi,
pag. 112
     126  Läts iks näio minemahe,
     127  Lätsi kabo kaldonahe. -
     128  Kuuli iks suuhna sobinat,
     129  Pilliroohna robinat;
     130  Miil iks mõtõl mõtusita,
     131  Söä jauh jänesida. -
     132  Neiokene noorekene,
     133  Tulli vällä musta meesi,
     134  Kirves ol´l mürküne olala,
     135  Kuvvas kuusinõ perähna,
     136  Neiokene noorekene,
     137  Koa iks surm sul suurembi,
     138  Koa raik rassõhemb,
     139  Mürkü iks surm suurembi,
     140  Ravva raik rassõhemb,
     141  Sis pant pää paku pääle,
     142  Ninni pää niido pääle,
     143  Lei iks näio poolõ pääd.
     144  Neio esä ilma rikas,
     145  Vele Vennemaa kuninge,
     146  Esäl ol´l summe sulasit,
pag. 113
     148  Ol´l parge palgalise -
     149  Neio iks perah otsiti,
     150  Kabo peräh kaedi,
     151  Esä iks lausi meelestani,
     152  Lausi meele poolestani:
     153  Kuulke iks mo summa sulasõ,
     154  Kuulke parge palgalise,
     155  Tehke ti tuli kesäle,
     156  Tehke valu venijale,
     157  Viige ti Toomas tulõlõ
     158  Pahepäidi palavalõ,
     159  Vaja ajake iks suhu,
     160  Vahru pähä pandkeka,
     161  Kokko kutske nulga noorõ mehe,
     162  Kokko kolga kosilasõ,
     163  Valla valgõhiusõ. -
     164  Toomas tulilda torrise,
     165  Palavilda pajati:
     166  Ärä ti iks nii tekko,
     167  Kui tei ma iks Toomas poisikene,
     168  Ärä tappi ma noorõ naase,
pag. 114
     170  Huksi in´tse eläja,
     171  Saie ka esi hukatus,
     172  Vaga veri valõtus. -

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

EKmS 8° 4, 54/62 (23) 82 %
EKmS 8° 4, 494/501 (4) 79 %
H III 29, 783/8 (9) 17 %
H II 4, 113/20 (53) 15 %
H II 3, 16/9 (10) 14 %
H I 10, 501/5 (3) 14 %
E, StK 22, 15/7 (14) 13 %
ERA II 204, 94/101 (1) 13 %
ERA II 10, 450/8 (2) 13 %
H I 10, 235/9 (4) 12 %
E 62006/10 (13) 12 %
Veske 6, 374/88 (55) 12 %
H II 45, 275/9 (15) 11 %
H II 45, 453/5 (1) 11 %
EKmS 8° 3, 476/81 (12) 11 %
E 63523/8 11 %
ERA II 103, 374/88 (39) 11 %
ARS 2, 13/27 (1) 11 %
H II 62, 698/700, 719 (61) 10 %
H II 74, 264/7 10 %
ERA II 174, 29/34 (22) 10 %
E 64672/6 (12) 10 %
H I 6, 187/8 (2) 10 %
E, StK 32, 34/7 (20) 10 %
H II 64, 669/76 (2) 10 %

Contains poems

EÜS X 953 (231)   81 %
EÜS IX 1325 (194)   52 %