H, Põlva M, 4/6 (2)

hplv0M00040002
Võrumaa — Põlva
Härms, Mihkel
1870

Types

Lüroeepilised laulud
└ Müütilised laulud
 └ Suur tamm
Tamme raiumine
Tamm (kuusk) - kägu
Taevased kosilased

Metadata

COL: Mihkel Härms
ID: H, Põlva M, 4/6 (2)
LLIIK_YHT: _ ; Lüroeepilised laulud (Müütilised laulud) ; _
LOC: Põlva khk., Vana-Koiola v., Vanaküla
TMP: u. 1870
TYP: Tamm (kuusk) - kägu + Tamme raiumine + Taevased kosilased
TYP_YHT: _ + Suur tamm + _

     1  Kodo kopeli näüse,
     2  velle vanija veerase
     3  mes ol´l kodo kopelih
     4  mes velle vanijah
     5  kuus ol´l kodo kopelih,
     6  Vaher velle vanijal
     7  mes sääl kuuse otsa
     8  koa vahtra vahel om
     9  kägo sääl kuse otsa
     10  piho vahtra vahel
     11  meä sääl käo käe pääl
     12  koa piho peo pääl
     13  käsik sääl käo käe pääl
     14  pikri piho peo pääl
     15  õlu sääl käsko siseh
     16  viin pikri pera pääl
     17  al ol´l hiiva pääl ol´l vattu
     18  õlu sääl keskeh punane
     19  kohe ma hiiva heidenese
     20  kohe vattu valanese
     21  hiiva ma heidi hitskemele
     22  vatu vali vanijale.
     23  Mea sinnä kasunese,
     24  kasvi ütsi kõlle kõivo,
     25  kõlle kõivo, tasa tamme,
     26  ai ma sõa sõõrumahe
     27  male maha ragomahe,
     28  es saa sõal sõõrutus
     29  malel maha raotus,
     30  hei ma kirve vaivastva
     31  tei ma kirve teravas,
     32  lätsi ma esi näiokene
     33  kargsi esi kabokene,
     34  lei ma voori lei ma katsi
     35  kolmatat ma koputelli,
     36  tüvi merde tündsati,
     37  ladev satte Saaremaale,
     38  keä no tüve merelt tõiva,
     39  ladva saiva Saaremaalt,
     40  mino esa ilosa hobese,
     41  kõva kõrvi pakso paadi,
     42  n´oo tüve merelt tõiva
     43  ladva saiva Saaremaalt
     44  meä no tüvest tettanes.
     45  koa ladvast lastanes,
     46  tüvest tetti tünderet,
     47  ladvast langalõimesit,
     48  mes säält üle jäänenes
     49  tsibenet ja tsäbenet,
     50  mes säält tettanes,
     51  tetti ütse kiilokirstu,
     52  kiilokirstu mõõluvakka,
     53  kes kirstule minenes
     54  karas vaka kaane mano,
     55  näio kirstule minesi
     56  karas vaka kaane mano
     57  kohe kuulus kirstu kiitsmine
     58  kohe vaka vaagumine,
     59  enne kuuldu ilmusihe
     60  pääle kuuldu päivisihe,
     61  enne tulli kosja ilmusist,
     62  pääle kosja päivisist.
     63  Tere ilma illos tütar
     64  taiva all tarka latsi
pag. 6
     66  Kas sust saase päiva naist
     67  päiva poja mõrsijat,
     68  ei must saa päiva naist
     69  päiva poja mõrsijat,
     70  päival om paljo tööd,
     71  hommongo om nõsemine
     72  õdango om minemine.
     73  Kui tul´l kuu kosjovale
     74  ago viina andemale.
     75  Tere ilma illos tütar,
     76  taiva all targa latsi,
     77  kas sust saase kuu naist,
     78  kuu poja mõrsijat?
     79  Ei must saa kuu naist
     80  kuu poja mõrsijat,
     81  Kuu om kolmilte kavval,
     82  kõrra kaos tõise kasus
     83  kolmanta kogoni ilma.
     84  Kui tul´l tähti kosimalle,
     85  ago viina andemale,
     86  tere ilma illos tütar
     87  taiva all targa latsi,
     88  kas sust saase tähe naist
     89  tähe poja mõrsijad.
     90  Minost saase tähe naine
     91  tähe poja mõrsija;
     92  tähti olli täüsi meesi.
     93  Vellekene helläkene
     94  vii talli tähe hobene,
     95  lahterehe tähe lauki,
     96  vii ette viie roka
     97  kanna ette kuvve kaara,
     98  ära mul minnä looduvale,
     99  looduvale säädüvale,
     100  täht tegi tare taivahe,
     101  pand ta kuu korsnas,
     102  pand ao akenas,
     103  pand ta paari partsi munest
     104  pand roovi luiga munest,
     105  katuse kana munest,
     106  pand ta põlle põrmantus,
     107  kaalaräti katuses.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H, Põlva 1, 117/21 (54) 49 %
H, Mapp 611/2 (9) 44 %
H, Põlva 1, 32/4 (11) 33 %
H, Põlva 2, 4/6 (4) 32 %
H, Põlva 1, 165/8 (89) 30 %
EKmS 4° 4, 133/7 (10) 27 %
H, Jagomann 400/2 (25) 15 %
EÜS VIII 179 (104) 14 %

Contains poems

H II 32, 792 (26)   52 %